1 यहून्‍ना 2:4 - बुक्सा

⁴ जो कोई आदमी कैबै है कै, “मैं परमेसर कै जानौ हौं,” पर बाकी आगियाँऔ कै ना मानै है, तौ बौ झूँटो है, और बामै सच्‍चाई ना है।

1 यहून्‍ना 2:4 Referans Kwoze

1 यहून्‍ना 1:6

अगर हम कैंऐ कै, हम बाके संगी साती हैं, पर इन्‍धेरे की रस्ता मै चलै हैं, तौ हम झूँटे हैं, और सच्‍चाई मै ना चलै हैं।

तीतुस 1:16

बे कैबै हैं कै हम परमेसर कै जानै हैं, पर अपने कामौ सै उसको इनकार करैं हैं, कैसेकै बे नफरत कन्‍नै बारे और आगियाँ ना माननै बारे हैं, और किसी अच्‍छे काम के लायक ना हैं।

1 यहून्‍ना 1:8

अगर हम कैबै हैं कै, हमनै कोई पाप ना करो है, तौ हम अपने आपकै धोको देवै हैं और हम्मै कोई सच्‍चाई ना है।

1 यहून्‍ना 4:20

अगर कोई कैबै है कै, “मैं परमेसर सै पियार करौ हौं” और बौ अपने भईया सै नफरत करै, तौ बौ झूँटो है। कैसेकै जो अपने भईया सै पियार ना करै है, जिसकै बौ देखै है, तौ बा परमेसर कै जिसकै बानै कबी देखोई ना है, पियार कैसे कर सकै है?

1 यहून्‍ना 2:9

जो कोई कैबै है कै मैं जोती मै हौं, और अपने भईया सै नफरत करै है, तौ बौ अब तक इन्‍धेरे मै है।

1 यहून्‍ना 1:10

अगर हम कैंऐ कै, हमनै कोई पाप ना करो है तौ हम परमेसर कै झूँटो साबित करै हैं, और बाको बचन हम्मै ना है।

यहून्‍ना 8:44

तुम अपने अब्बा सैतान की औलाद हौ। और तुम अपने अब्बा की इच्‍छा मै चलनो चाँहौ हौ। बौ सुरू सैई हत्‍तियारो हो। और बौ सच्‍चाई मै कबी कायम ना रैहबै है। कैसेकै बामै सच्‍चाई हैई ना। जब बौ झूँट बोलै है तौ अपने सौभाब सै बोलै है, कैसेकै बौ झूँटो है और झूँट को अब्बा है।

तीतुस 1:10

कैसेकै भौत से लोग बिद्रोही होकै बेकार की बात कन्‍नै बारे और धोको दैनै बारे हैं खास करकै यहूदी चेलौ मै सै।

1 यहून्‍ना 2:3

अगर हम परमेसर की आगियाँऔ कै मानंगे, तौ हमकै जौ पतो लग जागो कै हम बाकै जान गए हैं।

1 यहून्‍ना 3:6

जो कोई मसी मै बनो रैहबै है, बौ पाप करतो ना रैहबै है और जो कोई पाप करतो रैहबै है, उन्‍नै ना तौ मसी कै देखो और नाई बाकै जानो है।

1 यहून्‍ना 4:7

हे पियारे लोगौ, हमकै दूसरौं सै पियार रखनो चँईऐ, कैसेकै पियार परमेसर सै मिलै है और हर कोई जो पियार करै है, बौ परमेसर की औलाद बन गओ है, और परमेसर कै जानै है।