1 यहून्‍ना 1:8 - बुक्सा

⁸ अगर हम कैबै हैं कै, हमनै कोई पाप ना करो है, तौ हम अपने आपकै धोको देवै हैं और हम्मै कोई सच्‍चाई ना है।

1 यहून्‍ना 1:8 Referans Kwoze

रोमियो 3:23

कैसेकै सब लोगौ नै पाप करो है और परमेसर की महिमा कै पा ना सके।

याकूब 3:2

इसताँई कै हम सै भौस्सी बातौं मै गलती हो जावै हैं। जो कोई बोलनै मै गलती ना करै है, तौ बौ सिद्‍द है; और बौ अपने सिगरे सरीर कै बस मै कर सकै है।

1 यहून्‍ना 2:4

जो कोई आदमी कैबै है कै, “मैं परमेसर कै जानौ हौं,” पर बाकी आगियाँऔ कै ना मानै है, तौ बौ झूँटो है, और बामै सच्‍चाई ना है।

1 यहून्‍ना 1:10

अगर हम कैंऐ कै, हमनै कोई पाप ना करो है तौ हम परमेसर कै झूँटो साबित करै हैं, और बाको बचन हम्मै ना है।

गलातिऔ 6:3

कैसेकै अगर कोई आदमी खुद कै बड़ो समजै है और बौ बड़ो ना है, तौ बौ खुद कै धोको देरओ है।

याकूब 1:26

अगर कोई आदमी खुद कै धरमी समजै है, पर अपनी जबान मै लगाम ना लगाबै है, तौ बौ खुद कै धोको देवै है और बाकी भक्‍ति बेकार है।

1 तीमुथियुस 6:5

और उन लोगौ के बीच मै बेकार की लड़ाई होवै हैं। उनकी बुद्‍धि बेकार हो गई है और सच्‍चाई सै दूर भाजै हैं। बे ऐंसो समजै हैं कै भक्‍ति कमाई को जरिया है।

1 कुरन्‍थियों 3:18

कोई बी खुद कै धोको ना दै, अगर तुम्मै सै कोई बी जा दुनिया मै खुद कै गियानी समजै है, तौ बौ खुद कै मूरख बनालै, कै बौ गियानी बन जाय।

2 यहून्‍ना 1:2

और जाई सच्‍चाई की बजै सै बौ हम्मै बनो रैहबै है, और जो हमेसा हमरे संग रैहगो।

1 यहून्‍ना 1:6

अगर हम कैंऐ कै, हम बाके संगी साती हैं, पर इन्‍धेरे की रस्ता मै चलै हैं, तौ हम झूँटे हैं, और सच्‍चाई मै ना चलै हैं।

याकूब 1:22

परमेसर के बचन मै चलनै बारे बनौ, ना कै सिरप सुन्‍नै बारे। अगर तुम बाकै सिरप सुनौई हौ तौ अपने आपकै धोको देवौ हौ।

2 तीमुथियुस 3:13

पर दुसट और धोको दैनै बारे की जिन्‍दगी और बेकार होती जागी और बे जो दूसरौं कै ठगै हैं, खुद बी धोको खावै हैं।

3 यहून्‍ना 1:3

कैसेकै जब कुछ बिसवासी भईयौ नै मेरे धौंरे आकै, तेरी गभाई दई कै सच्‍चाई के बारे मै तू बिसवासजोग है। जैसे तू सच्‍चाई मै चलै है, तौ मैं जौ सुनकै भौत खुस भओ।

2 पतरस 2:13

जो बुराई जे दूसरौं के संग करै हैं, तौ बैसोई इनौई के संग बुरो होगो; उनकै दिन के उज्‍जेरे मै सरीर के मजे के ताँई गन्‍दो काम कन्‍नो अच्‍छो लगै है, जे लोग कलंक और दोस हैं। जब बी बे दाबतौं मै रोटी खानै के ताँई तुमरे संग इखट्‍टे होवै हैं, तौ ऐंसो बरताब करै हैं जो आदमी के ताँई सरम की बात है।

यहून्‍ना 8:44

तुम अपने अब्बा सैतान की औलाद हौ। और तुम अपने अब्बा की इच्‍छा मै चलनो चाँहौ हौ। बौ सुरू सैई हत्‍तियारो हो। और बौ सच्‍चाई मै कबी कायम ना रैहबै है। कैसेकै बामै सच्‍चाई हैई ना। जब बौ झूँट बोलै है तौ अपने सौभाब सै बोलै है, कैसेकै बौ झूँटो है और झूँट को अब्बा है।

रोमियो 3:10

जैसो पबित्‍तर सास्तर मै लिखो है, “कोई बी धरमी ना रैहओ, एक बी ना

1 यहून्‍ना 4:20

अगर कोई कैबै है कै, “मैं परमेसर सै पियार करौ हौं” और बौ अपने भईया सै नफरत करै, तौ बौ झूँटो है। कैसेकै जो अपने भईया सै पियार ना करै है, जिसकै बौ देखै है, तौ बा परमेसर कै जिसकै बानै कबी देखोई ना है, पियार कैसे कर सकै है?