1 कुरन्‍थियों 9:3 - बुक्सा

³ बे लोग जो मेरी बुराई करै हैं, उनके ताँई मेरो जौई जबाब है।

1 कुरन्‍थियों 9:3 Referans Kwoze

2 तीमुथियुस 4:16

जब मेरी पैली दफै कचैरी मै सुनबाई ही तौ कोई बी मेरी सायता के ताँई ना आओ पर सिगरे जनी मैंकै छोड़ गए। मैं जौ उमीद रक्‍खौ हौं कै परमेसर के सामने उनमै सै कोई बी दोसी ना लिकरै।

फिलिप्‍पीऔ 1:17

पर कुछ और आदमी तौ सच्‍चाई के संग ना, बलकन अपने मतलब की इच्‍छा सै मसी को परचार करैं हैं। कैसेकै बे सोचै हैं कै ऐंसो करकै बे जेल मै मैंकै दुख देनो चाँहै हैं।

फिलिप्‍पीऔ 1:7

तुम सबके बारे मै ऐंसो सोचनो मेरे ताँई ठीकई है, कैसेकै तुम मेरे दिल मै बसे भए हौ, चाँहै मैं जेल मै हौं, या मैं अच्‍छी खबर की सच्‍चाई कै बचाबौ हौं या पक्‍को दाबो करौ हौं, और उन सबई बखतौ मै तुम सबई परमेसर के जा किरपा मै मेरे साती हौ।

2 कुरन्‍थियों 13:10

मैं तुमसै दूर होते भए बी तुमकै जे सब बात लिख रओ हौं कै जब मैं तुमरे धौंरे आंगो तौ मैंकै परभु के देए भए हक सै तुमरे संग कठोर बरताब कन्‍नो ना पड़ै। कैसेकै जौ हक मैंकै परभु नै देओ है बौ बिगाड़नै के ताँई ना पर तुमकै बढ़ानै के ताँई देओ है।

2 कुरन्‍थियों 13:5

तुम खुद कै परखौ कै बिसवास मै खरे हौ कै ना हौ। तुम खुद कै जाँचौ। का तुम जौ ना जानौ हौ कै ईसु मसी तुमरे भीतर है? और अगर ऐंसो ना है, तौ तुम परखने मै खरे ना लिकरे।

2 कुरन्‍थियों 13:3

कैसेकै तुम तौ जा बात को सबूत चाँहै हे कै, मसी मेरे दुआरा बात करै है। और मसी तुमरे ताँई कमजोर ना है पर तुमरे दुआरा अपनी तागत दिखाबै है।

1 कुरन्‍थियों 14:37

अगर कोई आदमी सोचै कै बौ परमेसर की ओर सै बोलै है या बाकै आत्‍मिक बरदान मिले हैं। तौ बौ जौ जान ले कै जो कुछ मैं लिख रओ हौं, बौ परभु की आगियाँ है।

चेलौ के काम 25:16

तबई मैंनै उनकै जबाब देते भए कैई कै, रोमी लोगौ को ऐंसो चलन ना है कै किसी बी आदमी कै अपनी सपाई देए बिना मौत की सजा दैं, जब तक कै आरोपी कै और इलजाम लगानै बारौ कै आमने-सामने खड़े होकै अपनी बात रखनै को मौको ना मिलै।

चेलौ के काम 22:1

“हे भईयौ, और बुजरगौं, अब जो मैं कैरओ हौं बाकै सुनौ।”

लूका 12:11

“जब मेरे नाम के बजै सै लोग तुमकै पंचातौ और सासकौं और अधकारिऔं के सामने ले जाँय तौ फिकर मत करिओ कै तुम अपनो बचाब कैसे करौगे या तुमकै का कैनो होगो।

1 कुरन्‍थियों 9:2

अगर मैं दूसरौं के ताँई भेजो भओ चेला ना हौं, तौ तुमरे ताँई तौ हौं। कैसेकै तुम मेरे सबूत हौ कै मैं परभु को चुनो भओ चेला हौं।

1 कुरन्‍थियों 9:4

मेरे काम के ताँई मैंकै रोटी और पानी मिलनै को हक है।