1 कुरन्‍थियों 8:1 - बुक्सा

¹ अब हम मूरतिऔं के सामने बलि करी भई खानै की चीजौ के बारे मै बात करंगे। हम जानै हैं कै हमकै इन बातौं को गियान है, पर गियान आदमी कै घमंडी बना देवै है, पर पियार सै आदमी की तरक्‍की होवै है।

1 कुरन्‍थियों 8:1 Referans Kwoze

1 कुरन्‍थियों 8:7

पर सबई लोग जा सच्‍चाई कै ना जानै हैं। पर कुछ लोगौ कै मूरतिऔं के सामने बलि चढ़ानै की आदत ही, और जब बे चढ़ाबे कै खावै हैं तौ बे अब तक ऐंसो सोचै हैं कै मूरती भगबान हैं। उनके मन की समज कमजोर हो गई है और बे ऐंसो सोचै हैं कै हम असुद्‍द हो गए हैं।

रोमियो 14:3

और हर किसम को खानो खानै बारो आदमी साग-सब्जी खानै बारे आदमी कै बेकार ना समजै। बैसेई बौ जो कुछ चीज ना खावै है, उसके ऊपर बौ आदमी दोस ना लगाऐ जो सब कुछ खावै है। कैसेकै परमेसर नै उसकै अपना लओ है।

परकासन 2:14

“पर मैंकै तेरे खिलाप कुछ कैनो है, कैसेकै तेरे हिंया कुछ ऐंसे आदमी हैं, जो बिलाम की सिक्‍छा कै मानै हैं, जो राजा बालाक कै सिकाबै हो कै ईसराइलिऔ कै ठोकर खवाय, कै बे मूरतिऔं मै चढ़ाई गई चीज खाँय और बईयरौं सै गलत काम करैं।

1 कुरन्‍थियों 8:4

जब मूरतिऔं के सामने बलि करी भई चीजौ के खानै के बारे मै हम जानै हैं कै, “जा दुनिया मै मूरत कुछ बी चीज ना है, और हम जानै हैं कै एक कै छोड़कै और कोई दूसरो परमेसर ना है।”

1 कुरन्‍थियों 8:2

अगर कोई सोचै है कै, मैंकै भौत गियान है, तौ जैसो गियान होनो चँईऐ बैसो गियान बामै अब तक ना है।

रोमियो 15:14

हे मेरे पियारे भईयौ, मैंकै पूरो बिसवास है कै तुम नेकी सै और परमेसर के गियान सै भरे भए हौ। तुम एक दूसरे कै सिक्‍छा दे सकौ हौ।

इफिसिऔ 4:16

जिसकी बजै सै सिगरो सरीर जोड़ मै बंधकै और एक संग मिलकै पियार मै बढ़तो जाऐ कैसेकै सिगरे अंग अपने आप खुद ठीक ठाक काम करै हैं।

1 कुरन्‍थियों 15:34

होस मै आकै सई तरीका सै सोचौ, और पाप कन्‍नो छोड़ौ। कैसेकै तुम्मै सै कुछ ऐंसे हैं, जो परमेसर के बारे मै कुछ बी ना जानै हैं। मैं जौ सबई इसताँई कैरओ हौं कै तुमकै सरम आय।

चेलौ के काम 15:29

“तुम बैबिचार ना करिओ और ना मूरतिऔं मै चढ़ाए भए चढ़ाबे कै खइओ और ना साँस गोट कै मारे भए जनाबर के मांस कै और खून कै ना खइओ। अगर तुम खुद कै इन बातौं सै बचाकै रखौगे तबई तुमरो भलो होगो, अग्गे अच्‍छो होए।”

1 कुरन्‍थियों 10:28

पर कोई तुमसै कैए कै, “जौ मूरती को चढ़ाओ भओ परसाद है,” तौ बा आदमी के ताँई जिसनै तेकै कैई है, और मन की समज की बजै सै ना खाऔ।

चेलौ के काम 21:25

“जहाँ तक गैर यहूदी बिसवासी लोगौ की बात है तौ, हमनै बी उनकै चिट्‌ठी लिखकै भेज दई है कै, ‘तुम ना तौ मूरतिऔं के ऊपर चढ़ाए भए चढ़ाबे कै खइओ, और ना साँस गोट कै मारे भए किसी जनाबर के मांस कै और ना खून कै खइओ, और ना बैबिचार को काम करिओ।’ ”

चेलौ के काम 15:10

तौ तुम अब परमेसर कै काए परखनै की सोचौ हौ और दूसरे जाति के बिसवासी लोगौ की गरदन मै ऐंसो भारी जुआ काए रक्‍खो हौ, जिसकै ना तौ हम उठा सकै हैं और नाई हमरे पूरबज?

परकासन 2:20

पर मैंकै तेरे खिलाप जौ कैनो है, कै तू उस बईयर इजबेल की बातौं कै सैह रओ है, जो अपने आपकै परमेसर की नबी कैबै है, और मेरे सेवकौ कै दूसरी बईयरौं सै गलत काम कन्‍नै, और मूरतिऔं के अग्गे चढ़ाई भई चीज खानै के ताँई सिक्छा देकै बैहकाबै है।

कुलुसिऔं 2:18

कोई बी आदमी अपनी झूँटी दीनता सै या सुरगदूतौं की पूजा करबाकै तुमरे ईनाम कै ना लूट सकै है, ऐंसो आदमी देखी भई बातौं के पिच्‍छे लगो रैहबै है और अपने पाप बारी सोच के ऊपर बिना बजै के घमंड करै है।

1 कुरन्‍थियों 14:20

अरे भईयौ और बहनौ, तुम समज मै छोटे बालक ना बनौ, पर बुराई मै छोटे नादान बालक के हाँई बने रौह, और सोच-समज मै सिआने बनौ।

1 कुरन्‍थियों 5:6

तुमरो घमंड कन्‍नो ठीक ना है। का तुम जौ ना जानौ हौ, कै थोड़ो सो बासी चून सिगरे नए माड़े भए चून कै खट्‍टो बना देवै है।

1 कुरन्‍थियों 5:2

का तुमकै जा बात को दुख बिलकुल ना है। तुमरे बीच मै ऐंसे बुरे काम कन्‍नै बारौ कै बाहार लिकान्‍नै की बजाए तुम घमंड करौ हौ।

1 कुरन्‍थियों 4:18

पर कुछ लोग घमंड सै भरकै फूल गए हैं, और मानौ बे ऐंसो सोचै हैं कै अब तौ मैंकै तुमरे हिंया जानोई ना है।

1 कुरन्‍थियों 4:10

हम मसी के ताँई बेबकूफ हैं, पर तुम मसी मै भौत समजदार हौ। हम कमजोर हैं, पर तुम तागत बारे हौ। तुमकै इज्‍जत मिलै है, पर हमरी बेजती होवै है।

1 कुरन्‍थियों 1:5

तुम मसी के संग साजेदार होनै की बजै सै सबई चीजौ मै सेट हौ; परमेसर के बचन मै और उन सिगरी आत्‍मिक बातौं मै जिनकै तुम जानौ हौ, सेट बन गए हौ।

रोमियो 14:22

अपने बिसवास कै परमेसर और अपनेई बीच मै रख। धन्‍न है बौ, जो जिन बातौं कै ठीक समजै है, उन बातौं की बजै सै खुद कै दोसी ना ठैराऐ।

रोमियो 14:14

मैं जानौ हौं और परभु ईसु मै मैंकै पूरो बिसवास है, कै कोई बी चीज अपने आप सै असुद्‍द ना है। पर जो उसकै असुद्‍द समजै है, उसके ताँई असुद्‍द है।

रोमियो 14:10

तू अपने भईया मै काए दोस लगाबै है? या तू फिर काए अपने भईया कै बेकार समजै है? हम सबकै फैसला के ताँई परमेसर के सिंगासन के सामने खड़ो होनो पड़ैगो।

रोमियो 12:16

आपस मै मेल-जोल रक्‍खौ, घमंडी ना बनौ, बलकन कमजोर लोगौ के संग रैहऔ। अपने आपकै होसिआर ना समजौ।

रोमियो 11:25

हे भईयौ, कहीं ऐंसो ना हो जाऐ, कै तुम अपने आपकै होसिआर समजल लगौ, इसताँई मैं ना चाँहौ हौं कै तुम इस राज सै अनजान रैहऔ, कै जब तक गैर यहूदी लोग पूरी तरै सै परमेसर के टब्बर के हिस्सा ना बन जावै हैं तब तक ईसराइली लोग ऐंसेई कठोर रैहंगे।

रोमियो 14:19

इसताँई उन बातौं मै लगे रैह, जिस्सै सान्‍ति मिलै है, और एक दूसरे कै आत्‍मिक रूप सै बढ़ाऔ।

1 कुरन्‍थियों 4:6

हे भईयौ और बहनौ, मैंनै अपनी और अपोलुस की बात एक नमूना के रूप मै तुमकै इसताँई सुनाई कै तुम हमरे बारे मै जौ बात सीक सकौ कै, “जो बात लिखी हैं बासै अग्गे ना बढ़िओ।” और तुम हम्मै सै किसी एक के लंग होकै किसी दूसरे की बेजती करकै घमंडी ना बनौ।

1 कुरन्‍थियों 10:15

मैं तुम लोगौ कै अकलमन्‍द समजकै जौ कैरओ हौं। तुम खुद मेरी बातौं कै परखौ।