1 कुरन्‍थियों 7:9 - बुक्सा

⁹ पर जो अपने ऊपर काबू ना रख सकै है, बाकै बिहा कर लैनो चँईऐ, कैसेकै सरीर की बुरी इच्‍छा मै पड़नै सै अच्‍छो बिहा कन्‍नो है।

1 कुरन्‍थियों 7:9 Referans Kwoze

1 तीमुथियुस 5:14

इसताँई मैं जौ चाँहौ हौं कै जो जमान राँड़ बईयरैं हैं। बे बिहा करैं और बालक पैदा करैं और अपने घरबार कै देखैं, और दुसमनौ कै बदनाम कन्‍नै को मौको ना दैं।

1 कुरन्‍थियों 7:2

पर कुकरम सै बचनै के ताँई हर एक आदमी की अपनी बईयर और हर एक बईयर को अपनो लोग होए।

1 तीमुथियुस 5:11

पर जो जमान राँड़ बईयर हैं, उनको नाम ना लिखौ, कैसेकै जब बे मसी सै जादा अपने सरीर की इच्‍छा की बातौं मै मन लगाबैं हैं, और बे बिहा कन्‍नो चाँहै हैं।

1 कुरन्‍थियों 7:28

पर अगर तू बिहा करै है, तौ बामै कोई पाप ना है, और अगर कुँआरी लौंड़िया बिहा करै है, तौ बौ बी कोई पाप ना करै है। पर जो लोग बिहाली जिन्‍दगी जी रए हैं उनकै भौस्सी परेसानिऔ को सामनो कन्‍नो पड़ैगो। पर मैं तुम लोगौ कै इनसै बचानो चाँहौ हौं।

1 कुरन्‍थियों 7:39

जब तक जिस बईयर को लोग जिन्‍दो है, तब तक बौ बासै बंधी भई है। पर जब बाको लोग मर जाय, तौ जिस्सै चाँहै बासै बौ बिहा कर सकै है, पर सिरप परभु मै बिसवास कन्‍नै बारो आदमी होनो चँईऐ।

1 कुरन्‍थियों 7:36

अगर किसी लौंड़ा की सगाई किसी लौंड़िया के संग होई पड़ी है, और बाकी बिहा की उमर लिकरी जा रई होए, और बा लौंड़ा कै लगै कै मैं बाके संग अच्‍छो बरताब ना कर रओ हौं, तौ बौ बासै बिहा कर लै और ऐंसो कन्‍नो पाप ना है।

चेलौ के काम 19:36

और हम जा बात सै मुकर बी ना सकै हैं तौ इस्सै अच्‍छो जौ है कै तुम चुप रौह और बगैर सोचे समजे कुछ मत करिओ।

1 थिसलुनीकियौ 4:4

तुम्मै सै हर एक जनी पबित्‍तर और इज्‍जत के संग अपनी बईयर के संग रैहए,