1 कुरन्‍थियों 5:3 - बुक्सा

³ मैं सरीर सै तौ तुमसै दूर हौं, पर आत्‍मा सै तुमरे संगई हौं। और ऐंसो मानौ कै मैं तुमरे संगई रैहते भए ऐंसो गलत काम कन्‍नै बारे आदमी के खिलाप जौ फैसला सुना चुको हौं।

1 कुरन्‍थियों 5:3 Referans Kwoze

कुलुसिऔं 2:5

मैं अबी तुमसै भौत दूर हौं पर दिल सै तुम लोगौ के संग हौं और मैंकै जौ बात सुनकै भौत खुसी होवै है कै, तुम अपनी जिन्‍दगी मै नियम सै चल रए हौ और तुमरो बिसवास मसी मै पक्‍को है।

1 थिसलुनीकियौ 2:17

पर ओ भईयौ और बहनौ, हम कुछ बखत के ताँई तुमरे दिल सै ना पर सरीर सै अगल भए हे। इसई बजै सै हमनै तुमसै मिलनै के ताँई और बी जादा कोसिस करी।

2 कुरन्‍थियों 13:2

जब मैं दूसरी दफै तुमरे संग हो तौ मैंनै तुमकै चितौनी दई ही, और जब अब मैं तुमसै दूर हौं तौ मैं तुमकै फिर चितौनी देवौ हौं कै, अगर मैं फिर तुमरे धौंरे आंगो तौ जिन्‍नै पाप करो और जो पाप करते रैहबैं हैं, उनकै और बाकी के दूसरे लोगौ कै बी ना छोड़ंगो।

2 कुरन्‍थियों 10:11

ऐंसो कैनै बारौ कै जौ समजनो चँईऐ कै हम दूर रैहते भए बी चिट्‌ठिऔ मै जो बात लिखै हैं उनकै तुमरे सामने रैहते भए करकै बी दिखांगे।

2 कुरन्‍थियों 10:1

मैं पौलुस जो मसी की दीनता और दया की बजै सै तुमसै बिनती करौ हौं। पर कुछ लोग कैबै हैं कै जब मैं तुमरे धौंरे होबौ हौं तौ नमर हौं पर जब दूर हौं तौ कठोर हौं।

1 कुरन्‍थियों 5:12

कैसेकै दूसरे लोगौ को नियाय कन्‍नै को काम मेरो ना है। तुम तौ उनको नियाय करिओ जो बिसवासिऔ की मंडली के लोग हैं।