1 कुरन्‍थियों 4:9 - बुक्सा

⁹ हम परमेसर के भेजे भए चेला हैं, और मैंकै ऐंसो लगै है कै परमेसर नै हमकै उन छोटे लोगौ के हाँई ठैराओ है, जिनकै खुल्‍लम खुल्‍ला मारनै को हुकम दओ जावै है। कैसेकै हम दुनिया, सुरगदूतौं और लोगौ के ताँई तमासो बन गए हैं।

1 कुरन्‍थियों 4:9 Referans Kwoze

इबरानिओ 10:33

कबी सबई लोगौ के सामने तुमरी बेजती करी गई और सताओ गओ और तुमनै उन लोगौ को सात दओ जिनके संग ऐंसो बरताब करो जा रओ हो।

रोमियो 8:36

जैसो कै सास्तर मै लिखो है, “तेरे ताँई हम दिनभर मारे जावै हैं। हमकै काटी जानै बारी भेड़ौ के जैसो समजो जावै है।”

इबरानिओ 1:14

का जे सिगरे सुरगदूत परमेसर की सेवा कन्‍नै बारी आत्‍मा ना हैं? परमेसर इनकै मुक्‍ति पानै बारे लोगौ की सेवा कन्‍नै के ताँई भेजै है।

इबरानिओ 11:36

कुछ लोगौ की मजाक बनी और कुछ लोगौ कै कोड़ा मारे और किसी कै साँकरौ सै बांधकै जेल मै डार दओ।

1 थिसलुनीकियौ 3:3

जिस्सै कै कोई बी इन दुखौ की बजै सै ना घबराऐ। कैसेकै तुम जानौ हौ कै जौ सबई हमरे ताँई परमेसर की मरजी सै है।

2 कुरन्‍थियों 6:9

लोग हमकै परदेसिऔं के हाँई समजै हैं, पर हमकै सबई जानै हैं। हम मरे भए हाँई दिखाई देवै हैं, पर फिर बी जिन्‍दे हैं। मार खानै बारौ के हाँई हैं, फिर बी जान सै ना मारे जावै हैं।

चेलौ के काम 19:31

एसिया के अधकारिऔं मै सै जो बाके दोस्त हे उन्‍नै बाकै खबर भेजी कै बौ नौटंकी की जघै मै जानै को खतरा ना उठाऐ।

चेलौ के काम 19:29

तबई सिगरे सैहर मै भगदड़ मच गई और लोग मकिदुनिया के रैहनै बारे गयुस और अरितरखुस कै जो पौलुस के संग हे उनकै पकड़कै नौटंकी की जघै मै लाए।

1 कुरन्‍थियों 15:19

अगर हम बस जाई जिन्‍दगी के ताँई मसी सै उमीद रक्‍खै हैं, तौ हमरी हालत सबई आदमिऔ सै बी जादा दुख बारी है।

2 कुरन्‍थियों 11:23

का बेई मसी के सेवक हैं? पर एक पागल आदमी के हाँई मैं जौ कैबौ हौं कै मैं तौ उनसै बी बड़ो मसी को सेवक हौं। मैंनै भौत मैहनत करी, और बेरमबेरा जेल मै बी गओ, और मैंकै बेरमबेरा बेसानी पीटो, और मेरो कई दफै मौत सै सामनो बी भओ है।