1 कुरन्‍थियों 11:3 - बुक्सा

³ पर मैं चाँहौ हौं कै तुमकै जौ पतो लग जाऐ कै सिगरे आदमिऔ के ऊपर मसी को हक है, और बईयर के ऊपर बाके लोग को हक है, और मसी के ऊपर परमेसर को हक है।

1 कुरन्‍थियों 11:3 Referans Kwoze

कुलुसिऔं 3:18

ओ बईयरौं, जैसो परभु मै तुमरे ताँई सई है, बैसेई तुम अपने अपने लोग की बातौं कै मानिओ।

कुलुसिऔं 1:18

बिसवासिऔ की मंडली मसी को सरीर है और मसी बिसवासिऔ की मंडली की खोपड़ी है। बौई सबसै पैलेसैई है और मरे भएऔं मै सै फिर सै जिन्‍दो होनै बारो बौ पैलो है, जिस्सै कै सिगरी बातौं मै बौई सबसै बड़ो होगो।

1 कुरन्‍थियों 3:23

और तुम मसी के हौ और मसी परमेसर को है।

इफिसिऔ 4:15

पर हमकै पियार के संग सच्‍चाई की बातौं कै कैते भए, मसी मै पूरी तरै सै बढ़नो चँईऐ कैसेकै बौ हमरी खोपड़ी है।

1 पतरस 3:1

बईयरौं, तुम अपने लोग की बात माने करौ, इसताँई कै उनमै सै अगर कोई परमेसर के बचनौ कै ना मानै है, तौ बे तुमरे पबित्‍तर और आदर बारी जिन्‍दगी कै देक्‍कै, तुमरे बगैर कुछ कैए बिना मसी बिसवास मै आँय।

कुलुसिऔं 2:19

और बे खुद कै मसी के आधीन रखनो ना चाँहै हैं, जो मुखिया हैं। मसी बौ अंग है जो सरीर कै सकति देवै और जोड़ौ कै और नसौ कै बिनकै अग्गे बढ़ाबै है और जौ सबई कुछ परमेसर की सकति सै होवै है।

कुलुसिऔं 2:10

और तुम मसी मै भरपूर हो गए हौ, कैसेकै बौ सिगरे राजाऔं और अधकारिऔं के ऊपर राज करै है।

यहून्‍ना 14:28

तुमनै सुनी, कै मैंनै तुमसै कैई, ‘मैं जा रओ हौं और फिर तुमरे धौंरे आंगो।’ अगर तुम मैंसै पियार करते तौ खुस होते, इसताँई कै मैं अब्बा के धौंरे जा रओ हौं, कैसेकै अब्बा मैंसै महान है।

मत्‍ती 28:18

फिर ईसु नै उनके धौंरे जाकै कैई, “सुरग और धरती को सैरो अधकार मैंकै देओ गओ है।