1 कुरन्‍थियों 10:7 - बुक्सा

⁷ मूरती पूजा कन्‍नै बारे मत बनौ, जैसे कै उनमै सै भौस्से लोग हे। जैसो पबित्‍तर सास्तर मै लिखो है कै, “लोग खा-पीकै मतबाले होकै उठे और नाचल लगे।”

1 कुरन्‍थियों 10:7 Referans Kwoze

1 कुरन्‍थियों 6:9

का तुम जौ ना जानौ हौ कै बुरे काम कन्‍नै बारे परमेसर के राज के बारिस ना हौंगे? धोको ना खाऔ: कुकरम कन्‍नै बारे, मूरती पूजा कन्‍नै बारे, बईयरौं के संग गलत काम कन्‍नै बारे, आदमी आदमी के संग गलत काम कन्‍नै बारे,

1 कुरन्‍थियों 10:14

इसताँई ओ मेरे पियारे दोस्तौ, मूरती पूजा सै बचे रौह।

1 कुरन्‍थियों 5:11

मेरो कैनै को मतलब जौ है कै अगर कोई बिसवासी भाई बईयरौं सै गलत काम कन्‍नै बारो, लालची, या मूरती पूजा कन्‍नै बारो, चुगली कन्‍नै बारो, सरापी या धोकेबाज है, तौ ऐंसे आदमी के संग मेल-जोल रखनो तौ दूर बाके संग रोटी बी ना खइओ।

1 यहून्‍ना 5:21

हे बालकौ, खुद कै झूँटे देबी-देबताऔ सै बचाकै रक्‍खौ।

1 कुरन्‍थियों 8:7

पर सबई लोग जा सच्‍चाई कै ना जानै हैं। पर कुछ लोगौ कै मूरतिऔं के सामने बलि चढ़ानै की आदत ही, और जब बे चढ़ाबे कै खावै हैं तौ बे अब तक ऐंसो सोचै हैं कै मूरती भगबान हैं। उनके मन की समज कमजोर हो गई है और बे ऐंसो सोचै हैं कै हम असुद्‍द हो गए हैं।

चेलौ के काम 15:20

पर उनकै जौ बात लिखकै भेज देईओ कै बे ना तौ बैबिचार करैं, और ना मूरती मै चढ़ाओ भओ चढ़ाबो खाँय, और ना साँस गोट कै मारे भए जनाबर के मांस कै, और ना खून कै खाँय।