1 कुरन्‍थियों 1:5 - बुक्सा

⁵ तुम मसी के संग साजेदार होनै की बजै सै सबई चीजौ मै सेट हौ; परमेसर के बचन मै और उन सिगरी आत्‍मिक बातौं मै जिनकै तुम जानौ हौ, सेट बन गए हौ।

1 कुरन्‍थियों 1:5 Referans Kwoze

2 कुरन्‍थियों 9:11

तुम हर एक बातौं मै सेट करे जाऔगे जिस्सै कै तुम हर मौके मै दिल खोलकै दैनै बारे बनौ और जब तुमरे दान कै उन लोगौ तक पौंचाओ जागो जिनकै जरूरत है, तौ बे परमेसर कै धन्‍नबाद दंगे।

2 कुरन्‍थियों 8:7

पर तुम सिगरी बातौं मै अच्‍छे हौ, जैसे कै बिसवास मै, बचन मै, गियान मै, और हर तरै की हिम्मत मै, और जो पियार तुम हम सै करौ हौ बामै बढ़ते जाबौ हौ, बैसेई तुम बी जा दान की सेवा के काम मै बी बढ़ते जाऔ।

कुलुसिऔं 2:3

जिसमै समज और गियान को पूरो भन्डार लुको भओ है।

फिलिप्‍पीऔ 1:9

और मैं जौ पिराथना करौ हौं कै तुमरो पियार, पूरो गियान और सब तरै की समज मै और बी जादा बढ़तो जाऐ।

रोमियो 15:14

हे मेरे पियारे भईयौ, मैंकै पूरो बिसवास है कै तुम नेकी सै और परमेसर के गियान सै भरे भए हौ। तुम एक दूसरे कै सिक्‍छा दे सकौ हौ।

याकूब 3:13

अगर तुम लोगौ मै सै कोई खुद कै अकलमन्‍द और समजदार समजै है, तौ बौ बाकै अपने अच्‍छे चाल-चलन सै नमरता और समज सै करे भए कामौ के दुआरा दिखाऐ।

कुलुसिऔं 3:10

और एक नओ सौभाब कै पैहर लओ है, जो तुमकै बनानै बारे के हाँई है जो बाकै जान्‍नै की ओर अग्गे बढ़ानै के ताँई नओ होतो रैहबै है।

इफिसिऔ 6:19

तुम मेरे ताँई बी पिराथना करौ कै जब मैं अपने मौह सै बोलौं तौ तबई मैं हिम्मत के संग अच्‍छी खबर की भेद की बातौं कै बता सकौं।

इफिसिऔ 1:17

मैं जौ पिराथना करौ हौं कै हमरे परभु ईसु मसी को परमेसर जो महिमा सै भरो भओ अब्बा है, बौ तुमकै बुद्‍धि और परमेसर कै परकट कन्‍नै बारी आत्‍मा दे, जिस्सै कै तुम बाकै अच्‍छे सै जान सकौ।

1 कुरन्‍थियों 12:8

कैसेकै परमेसर के आत्‍मा के दुआरा किसी कै बुद्‍धि की बात दंई हैं, और किसी कै बाई आत्‍मा के दुआरा गियान की बात दंई हैं।

2 पतरस 3:18

पर हमरे परभु और मुक्‍ति दैनै बारे ईसु मसी के किरपा और गियान मै बढ़ते जाऔ; और बाकी बड़ाई अब्बी हो और युगौं-युगौं तक होती रैह। ऐंसोई होए।

इफिसिऔ 3:8

मैं परमेसर के सबई पबित्‍तर लोगौ मै छोटे सै बी छोटो हौं, तब्बी मैंकै जौ बरदान मिलो कै मैं गैर यहूदी लोगौ कै कबी खतम ना होनै बारे मसी की बरकत की अच्‍छी खबर सुनाऔ।

इफिसिऔ 2:7

कै बौ हमरे ऊपर अपनी बा दया सै जो ईसु मसी मै है, आनै बारे बखत मै अपने किरपा के धन कै दिखाऐ।

1 कुरन्‍थियों 13:2

मैंकै अगर परमेसर की ओर सै बोलनै को बरदान मिलो है, और मैं परमेसर की सिगरी भेद की बातौं और गियान की बातौं कै समजौ हौं, और मैंकै जौ बिसवास है कै पहाड़ कै एक जघै सै दूसरी जघै मै खिस्का सकौं। पर मेरे दिल मै पियार ना है, तौ मैं कुछ बी ना हौं।

2 कुरन्‍थियों 4:6

कैसेकै परमेसरई है जिसनै ऐंसो कैओ है कै, “इन्धेरे मै उज्‍जेरो हो जाय।” और बौई उज्‍जेरो हमरे दिलौ मै बी चमको जिस्सै कै हम परमेसर की बा महिमा के गियान की जोती कै जान जाऐ जो परभु ईसु मसी के मौह मै चमकै है।

1 कुरन्‍थियों 14:26

अरे भईयौ और बहनौ, फिर का कन्‍नो चँईऐ? जब तुम इखट्‍टे होबौ, तौ तुम्मै सै कोई भजन गावै, कोई कुछ सिकानै की बात, कोई परमेसर की ओर सै खास सन्‍देसो बताबै, और कोई किसी दूसरी दूसरी भासा मै बोलै है, तौ कोई बाको मतलब बताबै। जे सिगरी बात बिसवासी लोगौ कै आत्‍मिक रूप सै बढ़नै के ताँई होनी चँईऐ।

1 कुरन्‍थियों 13:8

पियार हमेसा अमर रैहगो। पर परमेसर के ओर सै बोलनै की तागत ना रैहंगी, और दूसरी दूसरी भासा बोलनै को बरदान बी खतम हो जागो, और गियान बी मिट जागो।

1 कुरन्‍थियों 12:10

किसी कै बड़े अचम्बे काम कन्‍नै की सकति, और किसी कै परमेसर की ओर सै बोलनै की सकति, और किसी कै अच्‍छी बुरी आत्‍मा कै परखनै की और किसी कै अगल अगल भासा बोलनै की और किसी कै भासाऔ को अरथ बतानै की सकति देर खाई है।

1 कुरन्‍थियों 8:11

इस तरै सै तेरे गियान की बजै सै बौ कमजोर भईया और बहन को नास हो जागो जिसके ताँई मसी मरो।

रोमियो 15:4

पबित्‍तर सास्तर मै जो कुछ पैले लिखो गओ हो, बौ हमकै सिकानै के ताँई लिखो गओ हो कै जो सबर और बढ़ाबो हमकै पबित्‍तर सास्तर मै लिखी भई बातौं सै मिलै है हमकै उस्सै उमीद मिलै है।

रोमियो 11:12

और अगर उनके गलत कदम सै, सिगरी दुनिया सेट हो गई, और उसके कामियाब ना होनै सै गैर यहूदी लोग सेट हो गए, तौ सिगरे यहूदी लोगौ के बापस आनै सै कितनो जादा फाएदा होगो।

चेलौ के काम 2:4

और बे सबई पबित्‍तर आत्‍मा सै भर गए और जिस तरै पबित्‍तर आत्‍मा नै उनकै सकति दई बैसेई बे ऐंसी ऐंसी भासाऔ मै बोलल लगे, जिनकै बे जानै तक ना हे।

2 कुरन्‍थियों 6:10

हम दुखी लोगौ के हाँई दिखाई देवै हैं, पर हम हमेसा खुस रैहबै हैं। हम गरीब लोगौ के हाँई दिखाई देवै हैं, पर दूसरौं कै सेट बना देवै हैं। लोग समजै हैं कै हमरे धौंरे कुछ ना है तौबी हमरे धौंरे सब कुछ है।