तीतस 3:13 - थुलुङ राई

¹³ वकील जेनास नुङ अपोल्‍लोस लाम्‍दिचिलो खोत्‍ले ल्‍वाडा इमा चाप्‍सी ख्‍लो़याची। मेम्‍मा मेर्चिपलाई हामकाम वो खेरेला मेदु़म्‍नु़।

तीतस 3:13 Referans Kwoze

थु़र्मा 18:24

मेराम थारीका अलेक्‍जेन्‍ड्रिया शहरडा गक्‍पा अपोल्‍लोस र्‍वाक्‍मा कोले यहूदी एफिससडा रोक्‍ता। गु जो़होमका जेमु थेट्‌पा, मा माम्‍चु़नीकु सिजेमकु दुथाम छो़म थेट्‌पा मु़चु़ बाइडा।

मत्ती 22:35

मेर्मिमगोडाम डु़म्‍ला छो़म थेट्‌पा कोलेका ओराम हिलाहिसीलामका येशूकु न छाम्‍मु माल्‍लु़,

थु़र्मा 28:10

मेर्मिमका गुकुलाई जो़होम-नु़होम बेत्तिकी। गुकु डोक्‍पु कुबी-बोक्‍साडा हुमु थारीका आकीमा लागि चाहेदु़म्‍पा मोमसोजाममिम मेगोडा फिक्‍साक्‍तिकिमी।

१ कोरिन्थी 16:11

मेम्मिमका सु़का वो गुलाई छेम छेम मेदु़मिनु़, मा गु आमाडा ख्‍लोसिमा रोलो उमा लाम्‍दीडा न भ्रसिबेट्‌निमा थु़र्नी। वाङमिम थो़रलु़पामिम वो गुनुङ रोमी र्‍वाक्‍साका गो लथाक्‍पु।

रोमी 15:24

गो मेराम लाम्‍दी दु़म्‍तो स्‍पेन लङुलो गानीनुङ घ्रो़म्‍डा रोक्‍पा न बु, मा कोलेम नलेम गानीनुङ बाट्‍पा न वो बेउतोम बु। मेम्‍लो स्‍पेनसम्‍म लमु लागि गानी गोलाई ख्‍लो़ङिनी डे र्‍वाक्‍पा आमा नडा मिम्‍तोम बु।

थु़र्मा 21:5

मेलामका आकी लाम्‍दिमु थारीका मेर्मिम उनी नाइमे नुङ चो़मिम खोत्‍लेका गुकुलाई शहरकु पाखानो दिरिदिन फार्डा सोक्‍थिक्‍तिकिमी। मेम्‍मा गुकु मेसिन्‍डा क्रचु़खुम बेसाका सो़म्‍दी बेत्तोको, मा मेर्मिमनुङ ब्‍र्‍वासिक्‍तोको।

लूका 14:3

गुमीका मोशाकु डु़म्‍ला छो़म थेट्‌पा मु़चु़मिम नुङ फरिसीमिमलाई हिलाबेम्‍डी, “ङेम्‍सिमुनेम नो़पामिमलाई सबेन्‍मु डु़म्‍लानुङ घ्रो़म डे मेएँ?”

लूका 11:52

“गानी मोशाकु डु़म्‍ला छो़म थेट्‌पामिम ने हाउरेमा, हेङालोने माम्‍चु़नीलाई छेपा नेप्‍ची गानी ल्‍वान्‍नी। गानी माम्‍चु़नीलाई आच्‍छाङाका मेछेनी। मेम्‍मा माम्‍चु़नीलाई छेमु न बेपामिमलाई वो छेमु मेग्‍वानी।”

लूका 11:45

कोले मोशाकु डु़म्‍ला छो़म थेट्‌पा मु़चु़का येशूनुङ र्‍वाक्‍ता, “ङाचो़ गानी ओर्मिम ल्‍वा सो़साका आकी नो़-कल पार्साक्‍तिकी।”

लूका 10:25

कोले मोशाकु डु़म्‍ला छो़म थेट्‌पा मु़चु़का येशूकु न छाम्‍मु लागि गुमीनुङ आरे र्‍वाक्‍ता, “ङाचो़, हेल्‍लो वो मेसिपा त्‍वारो़म ल्‍वामु लागि गो हाम बोमु बासी?”

लूका 7:30

लावो फरिसी नुङ मोशाकु डु़म्‍ला छो़म थेट्‌पा मु़चु़मिमका ने माम्‍चु़नीका मेर्मिमडला बेम्‍डिम न मेद्‌वाक्‍मिवा। हेङालोने यूहन्‍नालामका कु-रु़दु़म रम्‍डिम मेबायावा।

थु़र्मा 15:3

एन्‍टिओखिया मण्‍डलीडाम मु़चु़मिमका मेर्मिमलाई मेलामका थु़र्सोम्‍डी। मेकोतिमा मेर्मिम फोनिके नुङ सामरियालामका लम्‍डिलो वाङसामामिमका येशूडा थो़र लु़म्‍डिम ल्‍वा खोत्‍ले थो़रलु़पामिमनुङ सो़म्‍डी। ओराम थो़म्‍डिमा मेसिन्‍डाम थो़रलु़पामिम छो़म गेर्सिम्‍डी।

थु़र्मा 19:1

अपोल्‍लोस कोरिन्‍थ शहरडा बाइडालो पावल हालाङ्‌मी इलाकामिमलामका एफिसस शहरडा रोक्‍फाड्‌डा। मेसिन्‍डा गुका थो़रलु़पामिमलाई डार्रु़मी।

१ कोरिन्थी 16:12

ल्‍वाक अपोल्‍लोसकु दुथाम ने गो र्‍वाङु, वाङमिम वा-ल्‍वाकमिमनुङ कोयो इनीमाडा लक्‍नी र्‍वाक्‍साका गुलाई छो़म र्‍वाङ्‌डोम बाइडा। गु ओम्‍लो इनीमाडा रोमु नङा मेबु़वा, लावो उमा लागि जो़पा थारी दु़म्‍लो इनीमाडा रो।