तीतस 3:11 - थुलुङ राई

¹¹ आरेप्‍माम मु़चु़ आच्‍छाङाकु ल्‍वाडाम होनो लक्‍पा, मा उ त्‍वाकु छु़लमिमकाङा गुलाई मुमा बेडु़ र्‍वाक्‍पा गाना चसा।

तीतस 3:11 Referans Kwoze

हिब्रू 10:26

गुइ आच्‍छाङाकाम ल्‍वा थेडिमिम चङडा वो चक्‍सा-चक्‍सा छु़ल बिइहोम बुइ माला ने छु़ल हेम्‍मु लागि सासेसी हाम वो मेदु़म,

थु़र्मा 15:24

गुकुगोडाम लक्‍पा कोङ-कोङ मु़चु़मिमका वाङमी-वाङमी ङा ल्‍वा सीसाका गानीलाई छो़म दु़खा ग्‍वानिमिमा हाम बोमु-बोमु दु़म्‍बेट्‌निमी ए र्‍वाक्‍पा ल्‍वा गुकु थो़त्तोकोम बु। लावो मेर्मिम मु़चु़लाई गुकु थु़र्तोकोमिम मेएँ।

यूहन्‍ना 3:18

उहेम मु़चु़का गुमीडला थो़र बु़, मेराम मु़चु़ मुमा बेन्‍ला मेसो़सी। लावो उहेम मु़चु़का थो़र मेबु़, मेराम मु़चु़ ने ङादोङा मुमा बेन्‍ला सो़सिड्‌डाम बु, हेङालोने मेरामका माम्‍चु़नीकु कोलेङा तारापाचो़कु नङडा थो़र मेबु़वाम बु।

लूका 19:22

“हपका मे डु़ल्‍चो़लाई र्‍वाक्‍ता, ‘गाना इ सिलामका लुक्‍ताम ल्‍वालामकाङा गो मुमा बेनी, ए मेजो़पा न-गोनुङमा डु़ल्‍चो़ बाम आमा मेएँ मेराम रपा, मा हाम मेख्‍लिउवाम बु मेराम रु़पा गो आ न-थो़म मान्‍थिम मु़चु़ बुङु र्‍वाक्‍साका गाना चनामङा बाइडा।

तीतस 1:11

मेर्मिमलाई भोम्‍मुमि बासी, हेङालोने सीसि मेनु़पा लिमा ल्‍वा सीसाका मेर्मिमका हापा मु़चु़मिमलाई थो़रलु़सीलामका ताङताहेरथो़ ख्‍लोम्‍डिम बु। मेर्मिमका खउलुङकाम लागि कोङङा मेम बोमी।

२ तिमोथी 2:14

थो़रलु़पामिमलाई ओराम ल्‍वा मिम्‍बेडाम बाया: मेर्मिमका हाम ना हामकु ल्‍वाडा खालमेबोमिनु़ र्‍वाक्‍साका माम्‍चु़नीकु ङादोडा चङचङया बाबेडामी। आरेप्‍माम ल्‍वा बेसीका सु़लाई वो जो़पा मेबु़, मा थो़पामिमलाई पुयु़लुकु़मी।

रोमी 3:19

डु़म्‍लागोडाम ल्‍वा ने डु़म्‍लाका र्‍वामिम थो़पा मु़चु़मिमकाम लागि र्‍वाक्‍साका गुइ चडिम बु। मेम्‍मिमका खोत्‍ले मु़चु़मिमकु सि ड्‍यासी मा सु़म्‍दिसेरडाम मु़चु़मिमलाई माम्‍चु़नीकु ङादोडा येम्‍सिबेन्‍मी।

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

लूका 7:30

लावो फरिसी नुङ मोशाकु डु़म्‍ला छो़म थेट्‌पा मु़चु़मिमका ने माम्‍चु़नीका मेर्मिमडला बेम्‍डिम न मेद्‌वाक्‍मिवा। हेङालोने यूहन्‍नालामका कु-रु़दु़म रम्‍डिम मेबायावा।

थु़र्मा 23:25

गुका आरेप्‍माम सेलाखाजेम वो र्‍याक्‍तु़:

तीतस 1:14

मेम्‍मा यहूदीमिमकाम हाम ना हामकु ल्‍वाडा नुङ येशू ख्रीष्‍टकु दुथाममिम सीसि थो़मु मेद्‌वाक्‍पा मु़चु़मिमका र्‍वामिमिम ल्‍वाडा न मेसोमिनु़।