15 ओर्मिम ल्वा र्वाक्साका थो़रलु़पामिमकु सो हन्बेसाडामी मा गानानुङ बाट्पा साखामका मेर्मिमका ख्लो़ट्मिडिम ल्वाडा भुरामी। मेम्साका गाना र्वानामिम ल्वा खोत्लेका थो़मिनु़।
जो़पा-सेला थो़बेडामी, हाङकोलो लोवो जो़पा-सेला थो़बेन्मुडा न सोका, मु़चु़मिमलाई लु़म्ला बेडामी, भुरामी, उनीमा सो हन्बेसाडामी, मा इम्सिक्साका बुमुडा नुङ सीमुडा चङचङया बाया।
मेर्मिमकु माम्चु़नीलाम-जेपा मु़चु़का सो़यु़डु़म ल्वा आच्छाङा सो़। मेम्मिमका मेर्मिमलाई छो़म ख्र्वाकामी, मा मेर्मिम छो़म डोक्पु थो़रनुङमा दु़म्मिनु़।
छु़ल बेपामबाट्पामिमलाई थो़रलु़पामिम खोत्लेकु ङादोडा भुरामी, मा आरे बोनामिमका वाङमिम वो ङिमी।
हेङालोने मेर्मिमकु डु़म्ला सीपा पातु़म्रीमिमका होम्साका मेएँ, साखामनुङमा मु़चु़का होम्साका येशूका सीट्मिडिम बाइडा।”
उनी सीसिडा मेसिन्डा बाट्पा खोत्लेङा ङाङाया दु़म्मिडी, हेङालोने उनी सीसि मे यहूदीमिमकु डु़म्लासीपा पातु़म्रीमिमकाम होप्माम मेबायावा। लावो गुमीका उनी त्वाकु मुलु़गोनोम होम्साका सीट्मिडी।
खोत्ले मु़चु़मिम ङाङाया दु़म्मिडिमा आरे र्वाबोमु चु़म्मिडी, “ओरामका जेमिम ने हेप्माम साखाम नुङ यु़मनुङ रेछा! मुनाङपेलमिमका वो ओरामका र्वामिमिम थो़मिमा स्वामी रेछा।”
मेसिन्डाम खोत्ले मु़चु़मिमका मेराम ल्वाम्डिमा ङाङाया दु़म्मिडी, मा उनी त्वाप-त्वापडाङा, “हाम डे आरेप्माम? ओराम ने आच्छाङाकाम लाले सीसि डे रेछा! मा ओरामका ने उ मुलु़गोनोम होम्साकाङा मुनाङपेलमिमलाई वो भुरु़मी रेछा! मा मेर्मिमका वो ओरामका र्वामिम थो़मी रेछा!” र्वाबेम्डी।
मेम्मिमका सु़का वो गुलाई छेम छेम मेदु़मिनु़, मा गु आमाडा ख्लोसिमा रोलो उमा लाम्दीडा न भ्रसिबेट्निमा थु़र्नी। वाङमिम थो़रलु़पामिम वो गुनुङ रोमी र्वाक्साका गो लथाक्पु।
कोङनिम मु़चु़ जे माला माम्चु़नीकु सिजेम जेमिम होङङा मेरामका जेनु़। चापे-डुपे बु़ माला माम्चु़नीका ग्वामिमिम सोका बु़नु़। मेम्साका खोत्ले ल्वाडा येशू ख्रीष्टलामका माम्चु़नीकु नङ कोसिनु़। उनीमाङा हेल्लो लोवो यु़म नुङ यु़म झ्वानु़म बुनु़। आमेन।