तीतस 2:11 - थुलुङ राई

¹¹ हेङालोने खोत्‍ले मु़चु़मिम सेल्‍मुमि लागि माम्‍चु़नीका उनी दिदाम रेम्‍बेम्‍डिम बु।

तीतस 2:11 Referans Kwoze

१ तिमोथी 2:4

माम्‍चु़नीका खोत्‍ले मु़चु़मिम सेल्‍सिमिनु़, मा आच्‍छाङाकाम ल्‍वा थेसिथेन्‍मिनु़ र्‍वाक्‍पा न बोमी।

एफिसी 2:8

माम्‍चु़नीकु दिदामकाङा गानी थो़र बेन्‍नी मा सेल्‍सिट्‌नी। इनी त्‍वापङा सेल्‍सिट्‌निम ने मेएँ, लावो ओराम सेल्‍सी ने माम्‍चु़नीका न बेम्‍डिमा मेडेङा ग्‍वाक्‍निमिम बु।

हिब्रू 2:9

लावो गुइ येशूलाई ल्‍वासी, गुमी घरिकोङकाम लागि पाह्रीचो़मिमडाम याक्‍के दु़म्‍मिडी। मेम्‍मा माम्‍चु़नीकु दिदामका खोत्‍लेकाम लागि गुमीलाई सिप्‍डा थु़र्मिडी। येशूकाङा सिमु दु़खा इम्‍मिडिमका माम्‍चु़नीलामका यु़म झ्‍वाक्‍सी नुङ डोक्‍पु बेसीकु मुकुट ल्‍वाम्‍डी।

एफिसी 2:5

गुइ छु़ल बिइडिमका सिप्‍ल्‍याक्‍पा बाइडी लोवो माम्‍चु़नीका ख्रीष्‍टलाई सिमुलाम फम्‍डिलो गुमीनुङङा गुइलाई वो नु़बेसाड्‌डामी। आरेसाका गुमीका न-थो़म रेम्‍बेम्‍डिमा गानी सेल्‍सिट्‌निम बु।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

रोमी 5:15

लावो राप्‍लावा ने छु़ल होप्‍माम मेएँ। हेङालोने कोले आदमका बु़डु़म छु़लका हापा मु़चु़मिम सिम्‍डी लावो माम्‍चु़नीकु दिदामका मा कोले मु़चु़ येशू ख्रीष्‍टकु दिदामलामका हापा मु़चु़मिमलाई राप्‍लावा ग्‍वाम्‍डी।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

थु़र्मा 11:23

बारनाबास एन्‍टिओखिया शहरडा रोक्‍फाड्‌डालो मेसिन्‍डाम मु़चु़मिमलाई माम्‍चु़नीका उनी दिदाम ग्‍वाम्‍डिम ल्‍वास्‍तु़मा गु गेर्सी द्‌वाक्‍ता। गुका मेर्मिम खोत्‍लेलाई माम्‍चु़नीडा न-गोलामका ङा थो़रलु़मुमबुमु उनी सो हन्‍बेसाड्‌डु़मी।

थु़र्मा 20:24

लावो गो आमा मिरो़म त्‍वाकाम लागि हाम होङ्‍ङा वो मेलु़ङु। गो आकोति कोङङा मालुमिम बु– येशू ख्रीष्‍टका गोलाई ग्‍वाङ्‌डिमिम माम्‍चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्‍सोमु चापुनु़।

लूका 3:6

मा माम्‍चु़नीका मु़चु़मिमलाई सेल्‍मिमिम खोत्‍लेका ल्‍वामी’।”

१ तिमोथी 1:14

इकीमा ङाचो़ ने हाङकोम न-थो़मनुङमा नुङ दिदामचो़! गुमीका ख्रीष्‍ट येशूलामका रोक्‍पा थो़र नुङ रिखाम छो़म ग्‍वाङ्‌डिमी।

रोमी 5:2

येशू ख्रीष्‍टडा बिइडिम थो़रलामका गुमीका गुइलाई माम्‍चु़नीकु दिदामगोडा रेसाड्‍डामिम बु। ओम्‍लो गुइ मेराम दिदामगोडा बुइ। गुइ माम्‍चु़नीकु यु़म-झ्‍वाक्‍सीगोडा दु़म्‍पा न बेत्तो गेर्सी द्‍वाकी।

कलस्‍सी 1:6

मेराम जो़पा-सेला इनीमाडा रोक्‍ताम बु। सु़म्‍दिसेर खोत्‍लेथो़म हापा छो़म मु़चु़मिमका मेराम सेलाडा थो़र लु़मिम बुमी, मा मेराम जो़पा-सेलाका उनीमा बासी-दोसीडा जो़पा बु़डु़म बु। माम्‍चु़नीकु दिदाम गानी थो़न्‍नी मा आच्‍छाङा थेसिथेट्‌निलो आथाम मेराम सेलाका गानीगोडा वो मेमकाङा खारी बु़होम बु।

गलाती 2:21

माम्‍चु़नीकु दिदाम गो हाम ना हामकाम मेमिम्‍पु। हेङालोने डु़म्‍लाका माम्‍चु़नीकु ङादोडा मुमा मान्‍थिम दु़म्‍बेडु़ माला येशू ख्रीष्‍ट क्रूसडा चेन्‍ला सो़सिम्‍डिम ने हाम ना हामकाम दु़म।

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

थु़र्मा 13:47

हेङालोने ङाचो़का गुचुकुनुङ आरे र्‍वाम्‍डिम बु: ‘गो गानालाई वाङसामामिमकाम लागि ओल होप्‍माम दु़म्‍बेट्‌निम बु। सुबुडाम खोत्‍ले मु़चु़लाई सेल्‍मु गाना माम्‍चु़नीलाम यु़म ल्‍वाना’।”

थु़र्मा 13:43

माम्‍चु़नीकु सो़रलोले बेम्‍डिम चङडा हापा यहूदीमिम नुङ यहूदी दु़म्‍पा माम्‍चु़नीकु ङिम जु़ल्‍पा वाङसामामिम पावल नुङ बारनाबासकु चङचङ लाम्‍दिम्‍डी। मेकोतिमा मेर्चिपका मेर्मिमनुङ ल्‍वा बेत्तो मेर्मिमलाई माम्‍चु़नीकु दिदामडा बानी र्‍वाक्‍साका सो हन्‍बेसाच्‍चिमी।

यूहन्‍ना 1:9

खोत्‍ले मु़चु़लाई ओल ग्‍वाक्‍पा आच्‍छाङाकाम ओल सु़म्‍दिसेरडा योक्‍तोङा बेम्‍डी।

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

मर्कूस 16:15

मेकोतिमा येशूका मेर्मिमनुङ र्‍वाम्‍डी, “सु़म्‍दिसेर खोत्‍लेथो़ लक्‍निमा खोत्‍ले मु़चु़मिमलाई जो़पा-सेला थो़बेट्‌नी।

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

हिब्रू 12:15

कोलेका कोले रेम्‍बेनी, मेम्‍साका सु़ वो माम्‍चु़नीकु दिदाम ल्‍वामुडाम वाङ मेदु़म्‍नु़। न-गो खेम्‍ल्‍यामुकु सक्‍फार बर्साका दु़खा ग्‍वाक्‍पा होप्‍माम मेदु़म्‍नी, मेएँ माला ने ओरामका हापा मु़चु़मिमलाई मेसेपा दु़म्‍बेडु़मी।

२ तिमोथी 4:17

लावो वाङसामामिम खोत्‍लेका थो़मु चाम्‍मिनु़ र्‍वाक्‍साका येशू गोनुङ दु़म्‍मिडी, मा खोत्‍ले जो़पा-सेला थो़बेन्‍मु चापा यु़म ग्‍वाङ्‌डिमी। मेकोतिमा गो धेन्‍द्राकु सिगोडाम वाङ दु़म्‍मु ल्‍वाउतो।

कलस्‍सी 1:23

लावो गानी इनीमा नडा मेमुर्सिक्‍साका नुङ आनो-मेनो मेबासिक्‍साका थो़र बोमुम बुमु बासी, मा गानी जो़पा-सेला थो़न्‍निलो हाम-हुम ल्‍वापा न ल्‍वान्‍निम डिसिमेनु़। ओराम सेला माम्‍चु़नीकु खारीचो़मिमका सु़म्‍दिसेर खोत्‍लेथो़म मु़चु़मिमलाई थो़बेट्‌मिडी, मा गो पावल आ त्‍वाप वो ओराम सेला थो़बेट्‌पा सेलाचो़ दु़म्‍ङोडोम बु।

रोमी 10:18

मेम माला हाम मेर्मिमका थो़म्डिम मिबु? मेएँ मेर्मिमका थो़म्‍डी। “मेर्मिमकु लो़लाम खोत्‍ले सु़म्‍दिसेरडा फोन्‍सिड्‍डा मा मेर्मिमका र्‍वाम्‍डिम ल्‍वा सुबु बिर्खोपसम्‍म रोक्‍थिड्‍डा।”

थु़र्मा 17:30

ङादोम थारीबिलि गुइ माम्‍चु़नीलाई मेचक्‍साका मेथेसाका बिइडिम ल्‍वाडा माम्‍चु़नीका न मेसोक्‍मिवा। लावो गुमीका आथा ने खोत्‍लेथो़ बाट्‌पा खोत्‍ले मु़चु़मिमलाई उनी छु़लमिमलामका ख्‍लोसिमिनु़ र्‍वाम्‍डिम बु।

२ तिमोथी 1:10

ओम्‍लो मेराम दिदाम गुइलाई सेल्‍पा ख्रीष्‍ट येशू योम्‍डिमलाम रेम्‍बेम्‍डिम बु। येशूका सिमुलाम घ्‍ल्‍वाम्‍डिमा जो़पा-सेलालामका हेल्‍लो वो मेसिपा त्‍वारो़म ल्‍वापा लाम्‍दी ओलडा रेम्‍बेम्‍डी।