तीतस 1:12 - थुलुङ राई

¹² क्रेट टापुडा बाट्‌पा मेर्मिमकु माम्‍चु़नीलाम-जेपा कोले मु़चु़का वो मेर्मिमकु दुथाम आरे र्‍वाक्‍ताम बु: “क्रेटडाम खोत्‍ले मु़चु़मिम लिमा थेट्‌पा, सो़ब्‍दीडाम ङिमलु़पा हादीबारामिम होप्‍माम, मा भ्रेपा पोमसामिम सो़।”

तीतस 1:12 Referans Kwoze

१ तिमोथी 4:2

लिमा थेट्‌पा मु़चु़मिमकु न घ्रु़पा सेलका घ्रु़डामा मिनी मिक्‍सीलामडा जो़पा लिसिक्‍पा रेम्‍बेसाका वायम डमी।

रोमी 16:18

हेङालोने मेर्मिमका ने ङाचो़कु खारी बेपा मेएँ लावो त्‍वाकु ख्‍वाचेपकाम लागि कोङङा बोमी सो़। मेर्मिम ने ड-ड जो़पा लिसीमिमा भ्रपा जेमी मा जो़पा न-गोकाम मु़चु़मिमलाई गोलामका वायम डमी।

थु़र्मा 17:28

हेङालोने, ‘गुइ गुमीडा बुइ, गुमीडा दोसी, मा गुमीडा दु़प्‍सी।’ गानीगोडाम इनी कुरुवाचो़मिमका वो आरे र्‍वाम्‍डिम बु, ‘गुइ उनीमाङा चो़-चु़सु़मिम सो़।’

२ पत्रुस 2:15

मेर्मिमका जो़पा लाम्‍दी डिसाका ताङताहेरथो़ लक्‍पा बालामकु लाम्‍दी लाम्‍दिम्‍डिम बु। मे बालाम बोअरकु तारापाचो़ बाइडा, मेजो़पा खारी बेसाका खउलुङ डु़म्मु द्‌वाक्‍पा गु बाइडा।

२ पत्रुस 2:12

लावो मेर्मिम मु़चु़का उनी त्‍वाकाङा थेसिमेथेट्‌मिमिम ल्‍वाकु दुथाम मेजो़पा जेमी। मेर्मिम ने मेमिम्‍साका खारी बेपा मा चु़म्‍मुमिमा सेन्‍मुमि लागि कोङङा गम्‍डिम सो़ब्‍दीपोमिम होप्‍माम बुमी। मेर्मिम मु़चु़ सो़ब्‍दीपोमिम होङङा सिमी।

थु़र्मा 2:11

क्रेट नुङ अरबडा बाट्‌पामिम वो बुइ, मा हेसाका गुइ इकी त्‍वा-त्‍वाहोम ल्‍वाडा मेर्मिमका माम्‍चु़नीकु छो़म डोक्‍पु यु़मखारीकु दुथाम सो़मिम बुमिमिम गुइ थो़सीमिम बुइ!”

थु़र्मा 27:7

गुकु लक्‍पा लाम्‍दीलाम ब्‍लोजु़ फुड्‌डु़मका गुकु हापा नेमङा वाखा-वाखावा लक्‍तोकोमा चाप्‍तो-मेचाप्‍तो क्‍नीडस शहर फार्डा रोक्‍थित्तोको। मेकोतिलो ब्‍लोजु़का आथावो ङादो लमु मेग्‍वाक्‍किवा। मेम्‍मिमका गुकु ब्‍लोजु़ मेफुट्‌पा क्रेट टापुकु सो़पलाम सालमोने फारभाल लक्‍तोको।

थु़र्मा 27:12

ओराम बन्‍दरगाहडा जुनेमका बुमु मेझापामिमका हेसाका लोवो फोनिक्‍स शहरडा ङा रोक्‍थिसाका बुइ र्‍वाक्‍साका हापा सेर्पा मु़चु़का मेलामका डोक्‍पु कुबी-बोक्‍साडा लस्‍ल्‍याडी र्‍वाम्‍डी। मेकोतिमा जु थारीका मेसिन्‍डा बाम्‍डी। क्रेट टापुडाम कोले बन्‍दरगाह फोनिक्‍स बु, मेराम रायला-पश्‍चिम नुङ उत्तर-पश्‍चिमथो़ ख्‍लोसिक्‍पा बु।

थु़र्मा 27:13

रायलालामका जु वाखावा फुन्‍मु चो़म्‍डु़। मेर्मिम खोत्‍लेका आथा ने गुइ लमु चाप्‍सी र्‍वाक्‍पा मिम्‍सिसाका मेर्मिमका हाम्‍बेट्‌मिडिमा जु़ल्‍मिडिम लङ्‍गर थाट्‌मिडी। मेकोतिमा डोक्‍पु कुबी-बोक्‍सा क्रेटकु सो़पभाल थो़मु चो़म्‍मिडी।

फिलिप्‍पी 3:19

मेर्मिमकु लखोप ने पुयु़लुक्‍पाथो़, मेर्मिमकु मिरो़मका हाम मालु़ मेराम होम्‍साका बुमी-दोमी, मा मेर्मिम उनी क्रो़मलु़मु बासिक्‍पा ल्वाडा डोक्‍पु लिम्‍सिमी। मेर्मिमकु न सुबुडा बाट्पा ल्‍वामिमडा बु।

तीतस 1:5

इकी बोम्‍द खारी बेसोका, मा खोत्‍ले शहरडा एल्‍डरमिम थुडामी र्‍वाङडोमा गानालाई क्रेट टापुडा पार्जो़ल्‍निम। गो गानालाई र्‍वाङडोम ल्‍वा मेप्‍ल्‍वासा वो।