रोमी 9:8 - थुलुङ राई

⁸ ओराम र्‍वाक्‍मा ने, मिरो़मलामका गक्‍पामिम ने माम्‍चु़नीकु चो़-चु़सु़ मेएँ, लावो माम्‍चु़नीका ग्‍वानिनी र्‍वाक्‍साका याचे जेम्‍डिम कोङङा अब्राहामकु चो़-चु़सु़मिम सो़।

रोमी 9:8 Referans Kwoze

यूहन्‍ना 1:13

पाइमाखालामका वो मेएँ, मु़चु़कु मुलु़ लोवो मु़चु़कु नका वो मेर्मिम चो़मिम गम्‍डिम मेएँ। लावो माम्‍चु़नीकु नका मेर्मिम माम्‍चु़नीकु चो़ दु़म्‍मिडिम बाइडा।

रोमी 8:14

मा माम्‍चु़नी-पेलका रेम्‍बोमिमिम लाम्‍दीडा लाम्‍दिपा मु़चु़मिम ङा माम्‍चु़नीकु चो़-चु़सु़मिम सो़।

मत्ती 3:9

‘गुकु ने अब्राहामकु चो़-चु़सु़ सो़, मेम्‍मिमका देन्‍दे मेल्‍वाकु’ र्‍वाक्‍पा इनी त्‍वाप-त्‍वापगोडा मेमिम्‍सिट्‌नी, हेङालोने गो गानीलाई र्‍वाङु, माम्‍चु़नीका ओर्मिम लुङकाम वो अब्राहामकु चो़-चु़सु़ प्रङमु चाम्‍मी।

रोमी 8:16

मेराम ने गुइ माम्‍चु़नीकु चो़-चु़सु़ र्‍वाक्‍साका माम्‍चु़नी-पेलका इकीमा पेलनुङ सो़म्‍डिम सो़।

रोमी 8:19

सु़म्‍दिसेरडा प्रङ्‌सिट्‍पा खोत्‍लेम थोकका माम्‍चु़नीकु तारापाचो़मिम रेम्‍बेसिक्‍पा थारी नगोडा छो़म लन्‍थामी।

हिब्रू 11:11

अब्राहामकु नाइमे सारा चो़ मेकक्‍पा नुङ छो़म ङामी बाइडा लोवो उमा थो़रकाङा माम्‍चु़नीका गुलाई गोजु़मे दु़म्‍मु चापा दु़म्‍बेट्‌मिडी। हेङालोने ग्‍वानी र्‍वाक्‍पा माम्‍चु़नी थो़रलु़इमिम बुमी र्‍वाक्‍साका गुका थो़र बु़डु़म बाइडा।