रोमी 9:6 - थुलुङ राई

⁶ हाम माम्‍चु़नीकु सिजेम हाम ना हामकाम दु़स्‍ता मा? मेएँ, हेङालोने इस्राएलडा गक्‍पा र्‍वाक्‍साका आच्‍छाङा खोत्‍ले इस्राएली र्‍वामु मेझाम,

रोमी 9:6 Referans Kwoze

गलाती 6:16

ओराम ल्‍वा होम्‍साका दोपा मा माम्‍चु़नीकु खोत्‍ले मु़चु़मिमका न-भ्रसी नुङ न-थो़म ल्‍वामिनु़।

रोमी 3:3

लावो मेर्मिमगोडाम कोङनिमका माम्‍चु़नीकु सिजेमडा थो़र मेलु़मिवा र्‍वाक्‍साका हाम माम्‍चु़नी वो थो़र मेलु़इमिम बुमी मा?

यूहन्‍ना 1:47

नथानेल उनी त्‍वापथो़ बिक्‍तोङा लेट्‌पा ल्‍वाम्‍डिमा नथानेलकु दुथाम येशूका र्‍वाम्‍डी, “लु-फेले मेबेपा आच्‍छाङाकाम कोले इस्राएलीलाई रेप्‍नी।”

मत्ती 24:35

सुबु नुङ धामु दाम्‍मा ल, लावो आमा सिजेम हेल्‍लो वो मेदाम।

२ तिमोथी 2:13

गुइ थो़रमेलु़पा बुइ लोवो, गुमी थो़रलु़इमिम दु़म्‍मी, हेङालोने गुमीका उनी त्‍वापलाई लिमा थेन्‍मु मेचाम्‍मी।

यूहन्‍ना 10:35

माम्‍चु़नीकु सिजेमका र्‍वाक्‍ताम ल्‍वा हेल्‍लो लोवो आच्‍छाङा बु र्‍वाक्‍पा गुइ च। उनी सिजेम ग्‍वाक्‍मा मु़चु़मिमलाई माम्‍चु़नीका नो़पमिम र्‍वामी।

रोमी 9:4

मेर्मिम इस्राएलीमिम सो़, मा माम्‍चु़नीका मेर्मिमलाई उनीमा त्‍वाकु चो़-चु़सु़ दु़म्‍बेट्‌मिडी मा उनी त्‍वाकु यु़म-झ्‍वाक्‍सी मेर्मिमडला रेम्‍बेम्‍डी। मेम्‍मा मेर्मिमनुङ सो़रख्रेप्‍मिडी, मा डु़म्‍ला ग्‍वाम्‍डी, उनीमा लाले-पाङके बोमु वो सीट्‌मिडी, गुमीका याचे जेम्‍डिम ल्‍वा मेर्मिमका डार्मिडी।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।