रोमी 9:4 - थुलुङ राई

⁴ मेर्मिम इस्राएलीमिम सो़, मा माम्‍चु़नीका मेर्मिमलाई उनीमा त्‍वाकु चो़-चु़सु़ दु़म्‍बेट्‌मिडी मा उनी त्‍वाकु यु़म-झ्‍वाक्‍सी मेर्मिमडला रेम्‍बेम्‍डी। मेम्‍मा मेर्मिमनुङ सो़रख्रेप्‍मिडी, मा डु़म्‍ला ग्‍वाम्‍डी, उनीमा लाले-पाङके बोमु वो सीट्‌मिडी, गुमीका याचे जेम्‍डिम ल्‍वा मेर्मिमका डार्मिडी।

रोमी 9:4 Referans Kwoze

एफिसी 2:12

मेराम थारीका गानी ख्रीष्‍टडाम वाङ बान्‍नी। गानी माम्‍चु़नीका छेट्‌मिडिम सामा इस्राएलीनुङ हेमकेमङा मेबाट्‌पा वाङ नेब्‍दीलाम रोक्‍पा मु़चु़ होप्‍माम बान्‍नी, मा माम्‍चु़नीका मेर्मिमनुङ जेम्‍डिम याचे गानी मेचन्‍थाल्‍निवा, मा गानी सु़म्‍दिसेरडा बान्‍निलो हाम हुम ल्‍वामु न मेबेपा मा माम्‍चु़नी मान्‍थिम बान्‍नी।

रोमी 9:6

हाम माम्‍चु़नीकु सिजेम हाम ना हामकाम दु़स्‍ता मा? मेएँ, हेङालोने इस्राएलडा गक्‍पा र्‍वाक्‍साका आच्‍छाङा खोत्‍ले इस्राएली र्‍वामु मेझाम,

थु़र्मा 2:39

हेङालोने ओराम इनीमा लागि, इनी चो़-चु़सु़मिमकाम लागि, मा माम्‍चु़नीका येन्‍मिमिम वाङथो़ बाट्‌पामिम खोत्‍लेकाम लागि गुमीका ग्‍वानिनी र्‍वाम्‍डिम बु।”

हिब्रू 9:1

ङादोम सो़रख्रेप्‍सीडा सो़रलोले हेसाका बोमु बासी र्‍वाक्‍साका सीपा डु़म्‍लामिम बाइडा मा सुबुडा सो़रलोले बेपा सेपा खोम वो बाइडा।

रोमी 8:15

हेङालोने गुइलाई डु़ल्‍चो़ दु़म्‍बेसाका आथावो ङिम लु़बेट्‍पा पेल मेएँ लावो गुइलाई माम्‍चु़नीका डु़ल्‍साड्‍डामिम जाउमो तारापाचो़ दु़म्‍बेट्‍पा माम्‍चु़नी-पेल ल्‍वास्‍तिमका गुइ माम्‍चु़नीलाई “अब्‍बा, पाप” र्‍वाक्‍साका सो़म्‍दी बिइ।

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

हिब्रू 9:10

माम्‍चु़नीलाई ग्‍वाक्‍मा ङादोम बेसी ने पोमु-डुमु नुङ सो़ल्‍सिमु डु़म्‍ला कोङङा सो़। माम्‍चु़नीकु लाले लाम्‍दी मेरोक्‍थु़मसम्‍म मेराम होम्‍साका लाम्‍दिमु लागि मेर्मिम ने मिरो़मकु नियममिम कोङङा बाइडा।

हिब्रू 9:3

मेसिन्‍डा कोले रिपा-ये बाइडा। मेराम येका रिप्‍डु़म ननोम बाखोपलाई खोत्‍लेडाम सेपा खोम र्‍वाम्‍थाल्‍मिडी।

यूहन्‍ना 1:47

नथानेल उनी त्‍वापथो़ बिक्‍तोङा लेट्‌पा ल्‍वाम्‍डिमा नथानेलकु दुथाम येशूका र्‍वाम्‍डी, “लु-फेले मेबेपा आच्‍छाङाकाम कोले इस्राएलीलाई रेप्‍नी।”

मत्ती 21:33

“कोङमी सीसि-सो़म्‍दी थो़नी। कोले ये-दकु मु़चु़का उ ये-दडा अङ्‍गूर ख्‍लियु़डु़। मेरामकु होनोलाम-आथो़लाम भोम्‍बेलका खिर्डु़मा अङ्‍गूर खाल्‍पा कोले लुङ जु़ल्‍लु़, मा कोले याक्‍सा बनेबु़डु़। मेम्‍मा बोम्‍था बेपा मु़चु़मिमलाई ग्‍वाक्‍जो़ल्‍लु़मा वाङमी नेब्‍दीथो़ लस्‍ता।

रोमी 3:2

मेर्मिमकाम लागि जो़पा दु़स्‍ताम ल्‍वामिम ने हापाङा बु। खोत्‍लेडाम ङादो माम्‍चु़नीका यहूदीमिमलाई उनी त्‍वाकु सिजेम ग्‍वाम्‍डी।

२ कोरिन्‍थी 11:22

हाम मेर्मिम हिब्रू? गो वो हिब्रू ङा। हाम मेर्मिम इस्राएलीमिम? गो वो मेङा। हाम मेर्मिम अब्राहामकु चो़ चु़सु़मिम? गो वो मेङा।

गलाती 3:16

माम्‍चु़नीका अब्राहाम नुङ उमा चो़-चु़सु़नुङ याचे जेम्‍डिम बाइडा। हापा चो़-चु़सु़मिमनुङ मेएँ कोलेङा र्‍वाक्‍साका माम्‍चु़नीकु सिजेमडा र्‍याक्‍मा बु। कोलेङा चो़-चु़सु़ र्‍वाक्‍मा ख्रीष्‍ट सो़।

हिब्रू 9:5

करुब र्‍वाकिमिम यु़म झ्‍वासिक्‍पा पाह्रीचो़चिपका मेराम सो़रख्रेप्‍सीकु बाकसडलाम छु़ल हेपा ख्रेम उची लाप्‍तेरका फोप्‍थाक्‍चिम बाइडा। लावो ओम्‍लो मेर्मिम ल्‍वा पेन्‍तिका सो़मु मेझाम।

हिब्रू 9:6

सेपाखोमगोनो खोत्‍ले आरेसाका बनेबेम्‍मा दु़स्‍थाल्‍ला। मेकोतिमा डु़म्‍लाचो़मिम पाखालाममिम सेपाखोमडा हेल्‍लो लोवो सो़रलोले बेप्‍डा लम्‍थाल्‍मिडी।