रोमी 9:33 - थुलुङ राई

³³ ख्रीष्‍टकु दुथाम माम्‍चु़नीका र्‍वाम्‍डिम होङङा माम्‍चु़नीकु सिजेमडा र्‍याक्‍मा बु, “रेप्‍नी, गो सियोनडा कोले साम्‍फ्‍ले लुङ जु़ल्‍पु, उहेम लुङडा मु़चु़मिमका खेल तुमी, मेरामका मेर्मिमलाई चार्सु़मी, लावो गुमीडा थो़रलु़पामिम सु़ वो क्रो़म लु़मु बासिक्‍पा मेदु़म्‍मी।”

रोमी 9:33 Referans Kwoze

रोमी 10:11

माम्‍चु़नीकु सिजेमका र्‍वा, “गुमीडला थो़रलु़पा मु़चु़का हेल्‍लो वो उनी क्रो़म लुमु मेबासी।”

रोमी 5:5

हाम-हुम ल्‍वामु लागि हेल्‍लो वो इनी पाउ मेसोनु़। हेङालोने माम्‍चु़नी-पेललाम उनीमा रिखाम इकीमा न-गोडा देम्‍बेट्‌मिडिम बु।

१ यूहन्‍ना 2:28

आमा चो़च्‍चो़ होप्‍माम मु़चु़नी, ख्रीष्‍टडा बानिम बानी, मेम्‍साका गुमी रेम्‍बेम्‍सिप्‍मिलो मेङिसिनु़ मा गुमी योमिलो उनी ङादोडा इकीमा क्रो़म मेलु़नु़।

फिलिप्‍पी 1:20

गो छो़म बोमु मालुमिम नुङ आमा न ओरामङा सो़, हामता वो आमा क्रो़म लु़मु बासिक्‍पा मेदु़म्‍ङु, लावो आमा रुखु छो़म फिन्‍सिक्‍पा दु़म, मेम्‍साका सिङुनु़का बुङुनु़ मेलामका आमा मिरो़मडा हेल्‍लो लोवो दु़म्‍मिम होम्साका ओम्‍लो वो ख्रीष्‍ट डोक्‍पु दु़म्‍मी।

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

मत्ती 21:44

उहेम मु़चु़ ओराम लुङडला आल, मेराम मु़चु़ स्‍याकारिसी, मा कोङनिमडला ओराम आल्‍स्‍ता माला मेरामलाई योप्‍डु़मा सेडु़।”

मत्ती 21:42

येशूका मेर्मिमलाई र्‍वाम्‍डी, “माम्‍चु़नीकु सिजेमडा ओराम ल्‍वा हाम गानी हेल्‍लो वो डाट्‌निम मिबु? ‘नेम चिर्पा मु़चु़मिमका पार्मिडिम लुङङा नेमकु फारगोयु़म डोक्‍पु सुरलुङ दु़स्‍ता, मिप्रङमाका आरे बेम्‍डी, इकीमा मिक्‍सीलामडा ओराम ङाङाया दु़म्‍सीमिम बु।’

रोमी 10:1

वा-ल्‍वाकनी, इस्राएलीमिम सेल्‍सिमु ल्‍वामिनु़ र्‍वाक्‍साका आमा न-गोलाम ङा माम्‍चु़नीडा छो़म सो़म्‍दी बेउ।

गलाती 5:11

वा-ल्‍वाकनी, कोक्‍ते खिरिरि क्रिप्‍सी बोमुङा बासी र्‍वाक्‍साका आथावो गो मु़चु़मिमलाई थो़बेट्‌पुमी माला हेङा आरेसाका आमा थो़मतेर्ला सो़सिङुवा मा? गो आरे बेउवाम माला येशू ख्रीष्‍ट क्रूसडा चेसिम्डी र्‍वाक्‍साका थो़बेट्‍मा ल्‍वाकु कोर्थो़लाम बक्‍पा ने सु़ वो मेदु़म्‍मिवा।