रोमी 9:32 - थुलुङ राई

³² हेङालोने मेर्मिमका थो़रमेलु़साका डु़म्‍लालाम कोङङा माम्‍चु़नीकु ङादोडा जो़पा दु़म्‍मु माल्‍मिडिम बाइडा। आरेसाका डु़म्‍ला होम्‍साका दोसाका मेर्मिमका ख्रीष्‍टलाम मेडेङा ल्‍वापा राप्‍लावाडा थो़रमेलु़मिवा। मेम्‍मिमका मेर्मिमकाम लागि ख्रीष्‍ट ने खेल तुक्‍पा लुङ होप्‍माम दु़म्‍मिडी।

रोमी 9:32 Referans Kwoze

१ कोरिन्थी 1:23

लावो गुकु ने क्रूसडा चेम्‍सिम्‍डिम ख्रीष्‍टकु दुथाम जो़पा-सेला थो़बेन्‍कुमी, उहेम ने यहूदीमिमलाई तुक्‍पा मा वाङसामामिमकाम लागि ने हाम ना हामकु ल्‍वा बाइडा।

१ पत्रुस 2:8

मेम्‍मा, “मु़चु़मिमलाई दुबेट्‌पा कोले लुङ नुङ मेर्मिमलाई चार्पा भ्‍र्‍वा।” मेर्मिमका माम्‍चु़नीकु सिजेम होम्‍साका मेबोमी मा दुम्‍सिमी। मेर्मिमडला आरे दु़म्‍मुङा माम्‍चु़नीका मुलु़ बेम्‍डिम बाइडा।

रोमी 11:11

मेम्‍मिमका गो र्‍वाङु, “मेर्मिम बमु मेचापा बेसाका उनी खेल तुम्‍डिमा ताम्‍डिम मा?” मेम ने मेएँ, मेर्मिमका थो़रमेलु़मिवामका वाङसामाडाम मु़चु़मिम सेल्‍सिम्‍डी। ओराम ल्‍वामिनु़ मा इस्राएलीमिमका वो नाचु़र बोमिनु़ र्‍वाक्‍पा माम्‍चु़नीकु न बाइडा।

लूका 7:23

आमा दुथाम सु़का उ नड्‍डा मेमुर्सी, मेराम मु़चु़ आलाकाम सो़।”

रोमी 10:3

हेङालोने माम्‍चु़नीलाम रोक्‍पा जो़पा नकु दुथाम मेथेसाका मेर्मिमका त्‍वाकु न-गो होम्‍साका जो़पा दु़म्‍मु माल्‍मी। मेम्‍साका मेर्मिम माम्‍चु़नीकु जो़पा न-गोडाम साखामगोडा मेदु़म्‍मिवा।

रोमी 4:16

माम्‍चु़नीका याचेजेम्‍डिम ल्‍वा ने थो़रलाम ल्‍वासिक्‍पामिमका ओराम माम्‍चु़नीकु दिदामलाम रो। ओरामका डु़म्‍ला होम्‍साका दोपा अब्राहामकु खोत्‍ले चो़-चु़सु़मिमकाम लागि कोङङा मेएँ, लावो अब्राहाम होम्‍साका थो़रलु़पा मु़चु़मिमका वो आच्‍छाङा ल्‍वामी। हेङालोने थो़रलु़पामिमकु ङाउ-खुउ ने अब्राहाम सो़।

लूका 2:34

शिमियोनका मेर्मिमलाई जि ग्‍वाक्‍तु़मी, मा येशूकु माम मरियमनुङ र्‍वाक्‍ता, “रेप्‍डा, इस्राएलडाम हापा मु़चु़मिमलाई सेल्‍मु मा याङलाई देन्‍दे ग्‍वामु माम्‍चु़नीका ओराम चो़च्‍चो़लाई छेट्‌मिडिम बु। माम्‍चु़नीका गुमीलाई छेखोप होप्‍मामङा थुट्‌मिडिम बु, लावो मु़चु़मिमका गुमीलाई मेद्‌वामी।

मत्ती 13:57

मेर्मिमका येशूकु न छो़म नो़बेड्‌मिडी। लावो येशूका मेर्मिमलाई र्‍वाम्‍डी, “वाङथो़म मु़चु़का माम्‍चु़नीलाम-जेपालाई डोक्‍पु मिम्‍मी, लावो उ त्‍वाकु देलडाम नुङ उमा नेमगोडाम मु़चु़का डोक्‍पु मेमिम्‍मी।”

१ पत्रुस 2:6

हेङालोने माम्‍चु़नीकु सिजेमका आरे र्‍वा, “डोक्‍पु दु़म्‍मुकाम लागि थुट्‌मा नेमकु फारगोयु़म कोले डोक्‍पु लुङ गो यरूशलेमडा जु़लु, मा उहेमका गुमीडला थो़र बु़ मेरामकु नो़-कल हेल्‍लो वो मेल।”