रोमी 9:31 - थुलुङ राई

³¹ लावो इस्राएलीमिमका ने माम्‍चु़नीकु जो़पा डु़म्‍ला ख्‍लक्‍साका माम्‍चु़नीकु ङादोडा जो़पा न-गोकाम दु़म्‍मु माल्‍मिडी लोवो दु़म्‍मु मेचाप्‍मिवा।

रोमी 9:31 Referans Kwoze

रोमी 11:7

मेम माला मेर्मिमलाई हाम दु़स्‍ता मा? खोत्‍ले इस्राएलीमिमका उनी त्‍वाकु नका माल्‍मिडिम ल्‍वा मेडार्मिवा। लावो माम्‍चु़नीका थुट्‌मिडिम इस्राएलीमिमका कोङङा मेराम ल्‍वा डार्मिडी। वाङमिम खोत्‍ले इस्राएलीमिम लुङ होप्‍माम न-गोनुङमा दु़म्‍मिडी।

रोमी 3:20

डु़म्‍ला होम्‍साका दोपा मु़चु़ सु़ वो माम्‍चु़नीकु ङादोडा जो़पा मेदु़म, हेङालोने डु़म्‍लाका ने मु़चु़का बेम्‍डिम छु़ल रेम्‍बु़।

फिलिप्‍पी 3:6

माम्चु़नीकु लाले-पाङके बोमु नकु फेसिलोक्‍पाकु दुथाम र्‍वाकी माला येशूडा थो़र लु़पामिमकु थो़मतेर्साक्‍तोमिम, डु़म्‍ला होम्‍साका जो़पा दु़म्‍सीडा र्‍वाकी माला मेख्‍लो़साका मेराम होम्‍साका दोङडोम।

गलाती 3:21

मेम माला हाम डु़म्‍ला ने माम्‍चु़नीका याचे जेम्‍डिम ल्‍वाकु कोर्थो़लाम मा? मेएँ, डु़म्‍लाका मु़चु़मिमलाई त्‍वारो़म ग्‍वामु चाप्‍सु़वाम माला ने गुइ डु़म्‍ला होम्‍साका दोसाकाङा माम्‍चु़नीकु ङादोडा जो़पा न-गोकाम दु़म्‍सिवा।

रोमी 3:27

मेम माला उहेम ल्‍वाकु दुथाम गुइ डोक्‍पु लिसिमु? डोक्‍पु लिसिक्‍पा ने ल्‍वा ङा मिबु। गुइ डु़म्‍ला होम्‍साका दोसीमिमका? मेम ने मेएँ, लावो येशूडा थो़र लु़इमिमका कोङङा सो़।

रोमी 10:20

माम्‍चु़नीलाम जेपा यशैयाका माम्‍चु़नीका र्‍वाम्‍डिम ल्‍वा मेङिसाका र्‍याक्‍तु़म बु, “गोलाई माल्‍मु ङा मेमाल्‍पाका डार्ङिडिमी, रेम्‍मु मेमाल्‍पामिमकाडा वो गो रेम्‍बेसिङडो।”