रोमी 9:30 - थुलुङ राई30 गो र्वामु माल्तोम ल्वा ओराम ङा सो़। वाङसामामिम माम्चु़नीकु न-गो होम्साका मेदोपा मु़चु़ बाम्डी। लावो मेर्मिम ने थो़रलु़सीलामका माम्चु़नीकु ङादोडा जो़पा न-गोकाम मु़चु़ दु़म्मिडी। Gade chapit la |
रोमी 9:30
28 Referans Kwoze
थो़रकाङा नोआका उमा नेमडाममिमलाई होङकोर्माडाम सेल्मु कोले डोक्पु कुबी-बोक्सा बनेबु़डु़। मेरामडाम ङादो हेल्लो वो मेदु़म्थेङा बाट्पा ल्वाकु दुथाम गुलाई चङचङया बाबेट्पा माम्चु़नीका र्वाम्डिम होङङा गुका बु़डु़। थो़रकाङा गुका सु़म्दिसेरलाई मुमा बेड्डु़ मा थो़रकाङा गुलाई माम्चु़नीका जो़पा र्वाम्डी।
लावो सु़ वो डु़म्ला होम्साका दोसाका मुमा मान्थिम दु़म्मु मेचाप्सु़, लावो येशू ख्रीष्टडा थो़रलु़साका कोङङा माम्चु़नीकु ङादोडा मुमा मान्थिम दु़म्मु चाप्सु़ र्वाक्पा ल्वा गुकु चक्त्तोकोम बु। मेम्मिमका गुकु वो माम्चु़नीकु ङादोडा मुमा मान्थिम दु़म्मु लागि येशू ख्रीष्टडा थो़र लु़त्तोकोम बु, हेङालोने डु़म्ला होम्साका दोपामिम सु़ वो मुमा मान्थिम दु़म्मु मेचाप्सु़।
मेराम थारीका गानी ख्रीष्टडाम वाङ बान्नी। गानी माम्चु़नीका छेट्मिडिम सामा इस्राएलीनुङ हेमकेमङा मेबाट्पा वाङ नेब्दीलाम रोक्पा मु़चु़ होप्माम बान्नी, मा माम्चु़नीका मेर्मिमनुङ जेम्डिम याचे गानी मेचन्थाल्निवा, मा गानी सु़म्दिसेरडा बान्निलो हाम हुम ल्वामु न मेबेपा मा माम्चु़नी मान्थिम बान्नी।
Piblisite