रोमी 9:24 - थुलुङ राई

²⁴ गुमीका येसाड्‍डामिम ने गुइ ङा सो़। गुमीका यहूदीमिमलाई कोङङा मेयेट्‌मिवा लावो वाङसामागोडाम मु़चु़मिमलाई वो येट्‌मिडी।

रोमी 9:24 Referans Kwoze

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

रेम्‍बेट्‌मिडिम ल्‍वा 19:9

मेम्‍मा मे पाह्रीचो़का गोनुङ र्‍वाक्‍ता, “ओराम ल्‍वा र्‍याका: भेन्‍दाचो़कु लालीकुन्‍दाडाम ग्रुलाडा येन्‍सिक्‍पा मु़चु़मिम आलाकाम सो़!” मेम्‍मा गुका आथावो र्‍वाक्‍ता, “माम्‍चु़नीकाम आच्‍छाङाम सिजेममिम ओर्मिमङा सो़।”

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

हिब्रू 3:1

गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

१ कोरिन्थी 1:9

माम्‍चु़नी थो़र लु़इमिम बुमी। गुमीका उनीमा तारापाचो़ येशू ख्रीष्‍ट इकी ङाचो़नुङ हेमकेम दु़म्‍मु लागि गानीलाई येट्‌निमी।

रोमी 10:12

यहूदी नुङ वाङसामाडा हाम वो वाङ मिबु। गुमी गुइ खोत्‍लेकाम कोलेङा माम्‍चु़नी बुमी मा गुमीडा सो़म्‍दी बेपा खोत्‍लेलाई हापा जि ग्‍वामी।

थु़र्मा 15:14

हेसाका माम्‍चु़नीका ङादो वाङसामामिमडला उनी न-थो़म रेम्‍बेसाका मेर्मिमगोलाम उनीमा लागि मु़चु़मिम छेट्‌मिडिम ल्‍वा सिमोन पत्रुसका गुइनुङ र्‍वाक्‍ताम बु।