रोमी 9:23 - थुलुङ राई

²³ मेम्‍मा गुइडला छो़म डोक्‍पु यु़म नुङ गुमीनुङ बाट्‍पा यु़म-झ्‍वाक्‍सी रेम्‍बोमु न बेम्‍डी। गुइ उनीमा न-थो़म रेम्‍बेपा सोजाम दु़स्‍ती।

रोमी 9:23 Referans Kwoze

रोमी 2:4

डे माम्‍चु़नीका गानीडला न-थो़म रेम्‍बेसाका इनीमा छु़ललाम ख्‍लोनिमी र्‍वाक्‍पा मेचनिमा, हाम उनीमा न-थो़म, इम्‍सीलाई हाम ना हामकाम मिम्‍नी?

एफिसी 3:16

उनीमा हेल्‍लो वो मेहुक्‍पा जि-वाका सासाका उनीमा पेललामका गानीलाई यु़म ग्‍वाक्‍साका इनीमा न-गो सोनुङमा दु़म्‍बेन्‍मिनु़ र्‍वाक्‍साका यु़मनुङमा माम्‍चु़नीनुङ सो़म्‍दी बेउ।

एफिसी 2:10

गुइ ने माम्‍चु़नीका प्रङ्‍साड्‍डामिम सो़। गुइ जो़पा खारी बिइनु़ र्‍वाक्‍साका गुमीका गुइलाई ङाचो़ येशू ख्रीष्‍टडा प्रङ्‍साड्‌डामी। गुइ मेर्मिम जो़पा खारी बिइनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

२ तिमोथी 2:21

मे याक्‍के खारीडा मोमु जु़ल्‍मा कोङनिमका उ त्‍वापलाई सेपा बु़डु़ माला मेराम डोक्‍पु खारीडा मोमु घ्रेट्‌पा सोजाम दु़म, मा नेमहपका मोमु घ्रेट्‌पा नुङ कोङनिम डोक्‍पु खारी बोमु घ्रेट्‌पा दु़म।

कलस्‍सी 1:27

मेयहूदीमिमकाम लागि उनीमा थक्‍मा ल्‍वा हाङको जो़पा बु र्‍वाक्‍साका उनीमा मु़चु़मिमलाई रेम्‍बोमु माम्‍चु़नीका न बेम्डी। ओराम थक्‍मा ल्‍वा ने गानीगोडा ख्रीष्‍ट बुमिमिम सो़, मेम्मिमका माम्‍चु़नीका गानीलाई कोमी र्‍वाक्‍साका थो़र बोमु चाम्नी।

एफिसी 2:7

रोक्‍पा थारीमिमडा हेल्‍लो लोवो गुइलाई बेसाड्‌डामिम डोक्‍पु रिखाम रेम्‍बोमुलाई ओर्मिम खोत्‍ले बेम्‍डी। ओराम रिखाम गुमीका गुइलाई ङाचो़ येशू ख्रीष्‍टलामका रेम्‍बेम्‍डिम बु।

एफिसी 1:18

मेम्‍मा इनीमा नगोडा माम्‍चु़नीकु ओल झ्‍वाबेसाका, माम्‍चु़नीका गानीलाई हाम ग्‍वामु लागि येट्‌निमिम, मा उनीमा मु़चु़मिमलाई ग्‍वानिनी र्‍वाम्‍डिम डोक्‍पु जि-वामिम,

रोमी 8:29

उहेम-उहेमलाई माम्‍चु़नीका छेट्‌मिडिम बु, मेर्मिमलाई गुमीका उनीमा तारापाचो़ ख्रीष्‍ट येशू होप्‍माम दु़म्‍बेन्‍मु लागि हापा वा-ल्‍वाकमिमगोडाम खोत्‍लेडाम ङादोम तारापाचो़ ने येशू ख्रीष्‍टङा दु़म्‍मिनु़ र्‍वाक्‍साका गुमीलाई थुट्‌मिडी।

लूका 1:17

गुका त्‍वारो़मडा नुङ यु़मका एलिया होप्‍मामङा दु़म्‍साका ङाचो़डाम ङादो यो, मा उनीमा लाम्‍दी बनेबु़। गुका पाप नुङ चो़मिम दु़बेडु़मी, मा र्‍वाकिमिम मेथो़पामिमलाई माम्‍चु़नीका र्‍वामिमिम थो़पा मु़चु़कु नेप्‍चीथो़ ख्‍लोकु़मी। आरेसाका गुका ङाचो़कु मु़चु़मिमलाई उनीमा लागि ङा झो़म्‍सिबेट्‌जो़लु़मी।”

१ थेसलोनिकी 5:9

माम्‍चु़नीका उनी छोक्‍चो गुइडला हान्‍मु लागि मेएँ, लावो इकी ङाचो़ येशू ख्रीष्‍टलामका गुइलाई सेल्‍मु लागि थुसाड्‌डामी।

कलस्‍सी 1:12

भ्रसिक्‍साका पापलाई आलासो़ ग्‍वाक्‍नी। हेङालोने गुमीका ओलकु किब्दीडा उनीमा मु़चु़मिमका ल्वापा ल्वा गानीलाई वो ल्वामु घ्रेट्‍पा दु़म्बेट्‌निम बु।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

रोमी 8:30

गुमीका ङादोङा छेट्‌मिडिम मु़चु़मिमलाई वो येट्‌मिडी मा मेर्मिमलाई उनीमा ङादोडा जो़पा नगोकाम दु़म्‍बेट्‌मिडी। मेम्‍मा जो़पा न-गोकाम दु़म्‍पामिमलाई गुमीका यु़म-झ्‍वाक्‍सी ल्‍वापा वो दु़म्‍बेट्‌मिडी।