रोमी 9:20 - थुलुङ राई

²⁰ ए मु़चु़नी, माम्‍चु़नीकु कोर्थो़लाम जेपा इनीमा साखाम मिबु। क्‍वाकु सोजामका गोलाई हेङा आरेप्‍माम बनेबेङ्‍डी र्‍वा मा?

रोमी 9:20 Referans Kwoze

मत्ती 20:15

आमा त्‍वाकु खउलुङलाई हे बेबेद्‌वा मेमङा बोमु आमा मुलु़गोडा मिबु मा? गो वाङमिमडला न-थो़म रेम्‍बेउलो इमा नो़ मेनु़मिम?’

१ तिमोथी 6:5

आरेप्‍माम मु़चु़मिमका हेल्‍लो लोवो रिबुसी कमिम बुमी। मेर्मिमकु न मेजो़पा बु मा आच्‍छाङाकाम ल्‍वा दाम्‍सोमु दु़म्‍मिडिम बु। मेर्मिमका माम्‍चु़नीकु सो़रलोले बोमु ने खउलुङ डु़पा लाम्‍दी र्‍वाक्‍पा मिम्‍मी।

१ कोरिन्थी 1:20

नेप्‍चीनुङमा बान्‍ते बु? पातु़म्‍री बान्‍ते बु? ल्‍वालाम खाल्‍पा आथामबिलिम मु़चु़ बान्‍ते बु? हाम माम्‍चु़नीका ओ सु़म्‍दिसेरकु नेप्‍ची हाम ना हामकाम मेदु़म्बेट्‌मिवा मा?

याकूब 2:20

ए नेप्‍ची मान्‍थिम मु़चु़नी, खारी मान्‍थिम थो़र हाम ना हामकाम दु़म र्‍वाक्‍पा मेचनी?

तीतस 2:9

डु़ल्‍चो़मिमका वो उनी हपमिमकु ल्‍वाडा बासाका खोत्‍ले ल्‍वाडा उनी हपमिमलाई गेर्सिबेट्‌निमी। डु़ल्‍चो़मिम सि कोल्‍पा मेदु़म्‍मिनु़।

रोमी 2:1

मेम्‍मिमका वाङमिमकु निया बेपा मु़चु़नी, गो मुमा मान्‍थिम बुङु र्‍वामु मेल्‍वानी, हेङालोने उहेम ल्‍वाडा गानी वाङमिमलाई मुमा बेनिमी मेराम खारी इनी त्‍वाका वो बोनी मा मुमाचो़ दु़म्‍नी।

१ कोरिन्थी 7:16

थो़रलु़पा नाइमेनी, हाम गानी मेचनी, गानी थो़रडा बुनिमिमका इनीमा वोचु़मिम वो थो़रडा रोमु चाम्मी डे? मेम्‍साकाङा थो़रलु़पा वोचु़नी हाम गानी मेचनी, गानी थो़रडा बुनिमिमका इनीमा नाइमेमिम वो थो़रडा रोमु चाम्मी डे?

लूका 12:14

लावो येशूका मेराम मु़चु़लाई र्‍वाम्‍डी, “ङोप्‍सो़, मेम्‍साका निया बेपा, मा मुलु़ बेप्‍साक्‍पा सु़का गोलाई थुट्‌ङिडिम बु मा?”

रोमी 2:3

ए मु़चु़नी, गानी आरेप्‍माम खारी बेपामिमलाई मुमा बेनिमी मा गानी वो मेप्‍माम ङा खारी बोनी माला, हाम माम्‍चु़नीकु नियालामका लुङल्‍याङु र्‍वाक्‍पा गानी मिम्‍सिनी?

रोमी 9:21

कोदेप ङोल्‍मा क्‍वा कोङनिम डोक्‍पु खारीडा मोक्‍पा मा कोङनिम याक्‍के खारीडा मोक्‍पा सोजाम बनेबेपा साखाम क्‍वाकु सोजाम बनेबेपा मु़चु़नुङ मेदु़म मा?

रोमी 9:22

मेम्‍साकाङा माम्‍चु़नीनुङ वो उनीमा छोक्‍चो हाट्‍पा नुङ निया बेपा साखाम गुमी नुङ बु। लावो उनी छोक्‍चो हान्‍मु नुङ पुयु़लुबेन्मु घ्रेट्‍पा मु़चु़मिमलाई वो हापा इम्‍सिसाका लथाट्‌मिडी।

रोमी 14:4

वाङमिमकु डु़ल्‍चो़काम निया बेपा गानी सु़ मा? उमा नेमहपकाङा डु़ल्‍चो़कु खारी बेसी जो़पा बु डे मेएँ र्‍वाक्‍साका निया बोमी। जो़होमका खारी बोमु मेचापा डु़ल्‍चो़लाई ङाचो़काङा जो़होमका खारी बोमु चापा दु़म्‍बेन्‍मी।

२ तिमोथी 2:20

डोक्‍पु नेमडा सङ नुङ क्‍वाकु सोजाम कोङङा मेदु़म, लावो सो़ना नुङ मतोकाम सोजाम वो दु़म। कोङनिम याक्‍के खारीडा मा कोङनिम डोक्‍पु खारीडा मोमु जु़ल्‍मा दु़म।