रोमी 9:17 - थुलुङ राई

¹⁷ माम्‍चु़नीकु सिजेमडा मिश्रडाम फारो हपकु दुथाम आरेसाका र्‍वाक्‍मा बु, “आमा यु़म गानालाम रेम्‍बेसाका सुबुडा खोत्‍लेथो़ आमा नङ सो़मिनु़ र्‍वाक्‍पा नका गो गानालाई हप दु़म्‍बेट्‌निम बु।”

रोमी 9:17 Referans Kwoze

यूहन्‍ना 17:26

गोलाई बेङ्‌डिनिम इनीमा रिखाम मेर्मिमकाडा दु़म्‍नु़, मा गो आ त्‍वाप मेर्मिमकाडा दु़म्‍ङुनु़ र्‍वाक्‍साका गो गानीलाई थो़रलु़पामिमकाडा छेबेट्‌निनिम बु मा छेबेनिनिमिम बुङु।”

गलाती 3:22

लावो खोत्‍ले मु़चु़मिमलाई छु़लका बथाडु़मिम बु र्‍वाक्‍पा माम्‍चु़नीकु सिजेमका रेम्‍बु़। मेम्‍मिमका माम्‍चु़नीका याचे जेम्‍डिम ल्‍वा येशू ख्रीष्‍टडा थो़रलु़साका कोङङा गुइ ल्‍वामु चाप्‍सी।

गलाती 4:30

लावो माम्‍चु़नीकु सिजेमका हाम र्‍वा? “डु़ल्‍चो़मे नुङ मेरामकु तारापाचो़लाई ख्‍लुन्‍सोट्‌नी, हेङालोने त्‍वाकु नाइमेलाम गक्‍पा तारापाचो़का कोङङा उमा पापलाममिम खुन्‍चु़म रमु ल्‍वासु़, डु़ल्‍चो़मेकु तारापाचो़का ने हेल्‍लो वो रमु मेल्‍वासु़।”

गलाती 3:8

माम्‍चु़नीका वाङसामामिमलाई थो़रलु़सीलामका जो़पा न-गोकाम र्‍वाक्‍पा मिम्‍मिडिम बु र्‍वाक्‍साका माम्‍चु़नीकु सिजेमडा ङादोङा र्‍याक्‍मा बाइडा। मेम्‍मिमका अब्राहामलाई, “गानालामकाङा सुबुडा बाट्‌पा खोत्‍ले सामाडाम मु़चु़मिमका जि ल्‍वामी” र्‍वाक्‍साका आरेप्‍माम जो़पा-सेला ङादोङा थो़बेट्‌मा बाइडा।

रोमी 11:4

माम्‍चु़नीका गुनुङ र्‍वाम्‍डी, “बाल नो़प सेव मेसाट्‍पा गो येत धु़मसङ (७,०००) मु़चु़मिम आमा लागि गेत्तोमिम बु।”