रोमी 9:13 - थुलुङ राई

¹³ माम्‍चु़नीकु सिजेमडा आरेसाका र्‍याक्‍मा बु, “याकूबलाई रिखाम बेउतो, लावो एसावलाई छेकुरेम वाइरेम बेउतो।”

रोमी 9:13 Referans Kwoze

यूहन्‍ना 12:25

उ त्‍वाकाम लागि नु़पा मु़चु़का त्‍वारो़म मेल्‍वासु़। ओराम सु़म्‍दिसेरडा उ त्‍वाकाम लागि नु़मु मेद्‌वाक्‍पाका त्‍वारो़म ल्‍वासु़।

लूका 14:26

“कोङनिम मु़चु़ आमा सीसिपा दु़म्‍मु न बु़ माला, मेराम मु़चु़का वो उ त्‍वाकु माम-पाप, उ नाइमे, उ चो़च्‍चो़मिम, उ वा-ल्‍वाकमिम, मा उ त्‍वापडाम वो हापा गोलाई रिखाम बोमु बासी। मेएँ माला मेराम मु़चु़ आमा सीसिपा मेदु़म।

मत्ती 10:37

“उहेमका गोडाम हापा उ मामलाई लोवो उ पापलाई लोवो रिखाम बु़, मेराम आमा सीसिपा दु़म्‍मु मेघ्रेडु़। उहेमका गोडाम हापा उ जाउमोचो़लाई लोवो तारापाचो़लाई लोवो रिखाम बु़, मेराम आमा सीसिपा दु़म्‍मु मेघ्रेडु़।

मर्कूस 12:10

हाम गानी माम्‍चु़नीकु सिजेमडा हेल्‍लो वो डाट्‌निम मिबु? ‘उहेम लुङ नेम बनेबेपामिमका पार्मिडी मेराम ङा सुरलुङ दु़स्‍ता,