रोमी 9:11 - थुलुङ राई

¹¹ लावो चो़च्‍चो़चिप गमु ङादोङा मेर्चिपगोडाम कोलेका जो़पा मा कोङमीका मेजो़पा बोमु ने खारीलामका मेएँ, लावो माम्‍चु़नीका छेट्‌मिडिम होम्‍साका दु़म्‍नु़ र्‍वाक्‍साका सो़।

रोमी 9:11 Referans Kwoze

२ तिमोथी 1:9

गुमीका गुइलाई सेल्‍साड्‌डामी, मा सेपा दु़म्‍मु गुइलाई येसाड्‌डामी। गुइ बिडिम कोङनिम खारीलाम मेएँ, गुमीका उनीमा त्‍वाकु नका नुङ दिदामका गुइलाई सेल्‍साका येसाड्‌डामी। सु़म्‍दिमोडाम वो ङादोङा गुइलाई गुमीका ख्रीष्‍ट येशूडा ओराम दिदाम ग्‍वाक्‍साड्‌डामिम बाइडा।

२ पत्रुस 1:10

मेम्‍मिमका वा-ल्‍वाकनी, माम्‍चु़नीका गानीलाई येट्‌निम नुङ छेट्‌निम र्‍वाक्‍पा रेम्‍बोमु छो़म सो हन्‍पा दु़म्‍नी। गानी आरे बोनी माला इनी थो़रडाम हेल्‍लो वो ताङताहेरथो़ मेलनी।

तीतस 3:5

मा गुइ बिइडिम जो़पा खारीका ने मेएँ, माम्‍चु़नीकु न-थो़मका सेल्‍साड्‌डामी। गुमीका इकीमा छु़लमिम हेप्‍साड्‌डामी, मेम्‍मा उनीमा पेलका लाले त्‍वारो़म ग्‍वाक्‍साका लाले मु़चु़ दु़म्‍बेसाड्‌डामी।

रेम्‍बेट्‌मिडिम ल्‍वा 17:14

मेर्मिमका भेन्‍दाचो़डला क्‍वाल्‍बा बोमी, लावो भेन्‍दाचो़ मेर्मिमडला घ्‍ल्‍वामी, हेङालोने खोत्‍ले ङाचो़गोडाम गुमीङा डोक्‍पु ङाचो़ मा खोत्‍ले हपमिमगोडाम गुमीङा डोक्‍पु हप। मेम्मा भेन्‍दाचो़नुङ बाट्पा ने मेर्मिम सो़, उहेममिमलाई माम्‍चु़नीका येट्‌मिडिम, थुट्‌मिडिम मा गुमीडा थो़रलु़इमिम सो़।”

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

रोमी 4:17

माम्‍चु़नीकु सिजेमडा आरेसाका र्‍याक्‍मा बु, “गो गानालाई हापा सामामिमकु पाप दु़म्‍बेट्‌निम बु।” सिपामिमका त्‍वारो़म ल्‍वापा मा मेबाट्‍पा थोकलामका वो बाट्‍पा दु़म्‍बेन्‍मु लागि येट्‍पा माम्‍चु़नीडा अब्राहामका थो़र बु़डु़म बाइडा।

एफिसी 2:9

मु़चु़कु सेल्‍सी ने जो़पा खारी बेसाका ल्‍वापा मेएँ, मेम्‍मिमका मेरामकु दुथाम सु़का वो नो़ डोक्‍पु बोमु मेचाप्‍सु़।

१ थेसलोनिकी 1:4

वा-ल्‍वाकनी, माम्‍चु़नीका गानीलाई रिखाम बेन्‍निमी, मा उनीमा मु़चु़ दु़म्‍मु लागि छेट्‌निमी र्‍वाक्‍पा गुकु चकु।

एफिसी 2:3

गुइ वो कोखेप मेर्मिम होप्‍मामङा बाइडी। त्‍वाकु मिरो़म नुङ नका र्‍वाक्‍ताम मेजो़पा ल्‍वा होम्‍साका दोस्‍थाल्‍ली। मेम्‍साका इकीमा त्‍वाकु मेजो़पा न होम्‍साका दोसिवाम माला गुइ वो वाङमिम होम्‍साकाङा माम्‍चु़नीकु देन्‍दे ल्‍वामु बासिक्‍पा बाइडा।

१ थेसलोनिकी 2:12

हेङालोने माम्‍चु़नीका घ्रेट्‌पा मिम्‍मिमिम लाम्‍दीडा गानी बानी-दोनी। गुमीका उनीमा किब्‍दी नुङ यु़म-झ्‍वाक्‍सी ग्‍वामु लागि गानीलाई येनिमी।

एफिसी 3:11

सु़म्‍दि प्रङमु ङादोङा गुमीका ओराम मुलु़ बेम्‍डिम बाइडा, मा उनीमा मुलु़ होङङा ओम्‍लो इकीमा ङाचो़ येशू ख्रीष्‍ट थु़र्साका बेम्‍सोम्‍डी।