रोमी 8:39 - थुलुङ राई

³⁹ ना येप्‍पालाम ल्‍वाका, ना घ्‍लु़म्‍पा ल्‍वाका, ना प्रङसिड्‍डाम खोत्‍ले ल्‍वाका, येशू ख्रीष्‍टनुङ बाट्‍पा माम्‍चु़नीकु रिखामलामका गुइलाई वाङ बोमु मेचाप्सा।

रोमी 8:39 Referans Kwoze

रोमी 8:35

गुइडला रोक्‍पा मिम्‍ताम-सो़र्ताम, दु़खा थारीका, ङिमलु़पा थारीका, पोमुकु दु़खाका, फम्‍सिमुकु दु़खाका, सेन्‍ला सो़सिपा थारीका, ङिमलु़पा थारीकु कातु़रु़का, ओर्मिम उहेम ल्‍वाका गुइलाई येशू ख्रीष्‍टकु रिखामलाम वाङ बोमु चाप्‍सा मा?

रोमी 5:8

लावो माम्‍चु़नीका उनीमा रिखाम गुइडला आरेसाका रेम्‍बेम्‍डी, गुइ छु़लचो़ बाइडिलोङा येशू ख्रीष्‍ट इकीमा लागि सिम्‍डी।

१ यूहन्‍ना 4:19

गुइ रिखाम बेबी, हेङालोने ङादो माम्‍चु़नीका गुइलाई रिखाम बेसाड्‌डामी।

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

एफिसी 1:4

माम्‍चु़नीकु मिक्‍सीलामडा गुइ छु़ल मान्‍थिम नुङ हाम वो मेख्‍लो़ट्‌पा दु़म्‍सिनु़ र्‍वाक्‍साका सु़म्‍दिसेर प्रङमु ङादोङा गुमीका गुइलाई ख्रीष्‍टडा छेसाड्‌डामी। गुमीका गुइलाई रिखाम बेसाड्‍डामिमका,

१ यूहन्‍ना 4:16

माम्‍चु़नीका हाङको छो़म रिखाम बेसाड्‌डामी, मेराम गुइ च, मा गुमीडा थो़र लु़इ। माम्‍चु़नीका खोत्‍ले मु़चु़लाई खोत्‍लेडा रिखाम बोमी, मा उहेम मु़चु़ रिखामडा बु मेराम मु़चु़ माम्‍चु़नीडा बु मा माम्‍चु़नी मेरामकाडा बुमी।

यूहन्‍ना 17:26

गोलाई बेङ्‌डिनिम इनीमा रिखाम मेर्मिमकाडा दु़म्‍नु़, मा गो आ त्‍वाप मेर्मिमकाडा दु़म्‍ङुनु़ र्‍वाक्‍साका गो गानीलाई थो़रलु़पामिमकाडा छेबेट्‌निनिम बु मा छेबेनिनिमिम बुङु।”

यूहन्‍ना 16:27

पाप उनी त्‍वाकाङा गानीलाई रिखाम बोनी, हेङालोने गानी गोलाई रिखाम बेङ्‌डिनिम बु। गो माम्‍चु़नीलाम योङडोम र्‍वाक्‍साका गानी थो़र लु़न्‍निम बु।

रोमी 11:33

अहो! हेल्‍लो वो मेल्‍वाम्‍मा यु़मखारीनुङमा माम्‍चु़नी गुइनुङ बुमी, गुमी नेप्‍चीनुङमा बुमी, मा खोलेम थोक थेट्‍पा चक्‍पा वो गुमी ङा बुमी। अहो! उनीमा निया हाङको डोक्‍पु मा गुमी लाम्‍दीमिम लाम्‍दी सु़का छेमु चाप्‍सु़?

२ कोरिन्‍थी 11:3

ब्‍लोका उमा मेजो़पा नका हव्‍बालाई वायम डस्‍तु़म होङङा ख्रीष्‍टडलाम सेपा नुङ आच्‍छाङाकाम रिखाम बेपा इनीमा न ताङताहेरथो़ ल डे र्‍वाक्‍साका गोलाई ङिमलु़डाम बु।

२ कोरिन्‍थी 2:11

आरेसाका शैतानका गुइलाई फोसो़ आम्‍मु मेल्‍वास्‍नु़, हेङालोने गुइ शैतानकु नडाम मुलु़मिम चडिम बु।

मत्ती 24:24

हेङालोने ख्रीष्‍ट लिसिक्‍पामिम नुङ माम्‍चु़नीलाम-जेपा लिसिक्‍पामिम लुमी। मेम्‍मा झापा माला माम्‍चु़नीका उनी मु़चु़ दु़म्‍मु छेट्‌मिडिम मु़चु़मिमलाई वो ताङताहेरथो़ लमु लागि डोक्‍पुतो छेखोपमिम नुङ यु़मखारीमिम रेम्‍बोमी।

रेम्‍बेट्‌मिडिम ल्‍वा 20:7

को धु़म सङ थ हु मा बड्‌डु़म शैतान पाह्रीचो़का डिडु़,

रेम्‍बेट्‌मिडिम ल्‍वा 20:3

को धु़म सङ थ मेहुक्‍थु़मसम्‍म मे डोमिफुका मु़चु़मिमलाई ताङताहेरथो़ मेलनु़मी र्‍वाक्‍साका मे पाह्रीचो़का मेरामलाई उ फार मेडार्सिमिम पोलु़म गोयु़ छाघ्रोक्‍तु़मा चक्‍तु़ मा मेरामडला छाप ओप्‍डु़। को धु़म सङ थ हुमा मेरामलाई घरिकोङकाम लागि डिडु़।

रेम्‍बेट्‌मिडिम ल्‍वा 19:20

लावो मसीहका मे हादीबारा नुङ माम्‍चु़नीलाम जेपा लिसिक्‍पालाई उनी ल्‍वाड्‌डा बेम्‍डी। मे माम्‍चु़नीलाम जेपा लिसिक्‍पाका हेल्‍लो वो मेल्‍वाम्‍मा छेखोपमिम मे हादीबाराकु ङादोडा रेम्‍बु़डु़म बाइडा। ओर्मिम छेखोपमिमलामकाङा मे हादीबाराकु छाप रपा नुङ उ ङाटा सेव साट्‌पामिमलाई ताङताहेरथो़ लडु़मिम बाइडा। ओर्चिप निफि उची सामनुङमाङा गन्‍धक वाक्‍तोङा बेपा छो़म डोक्‍पु मुकु भुल्‍मु गोयु़ गुमीका छाघ्रोम्‍डिची।

रेम्‍बेट्‌मिडिम ल्‍वा 13:14

मे कोनोम हादीबाराकु खोमडा मेराम हादीबाराका छेखोपमिम रेम्‍बेपा यु़म डार्स्‍तु़म बाइडा। मेराम खारीलामका सुबुडा बाट्‌पा मु़चु़मिमलाई ताङताहेरथो़ लडु़मी। कातु़रु़का फल्‍साका रावा सिडामा वो नु़पा दु़स्‍ताम मे कोनोम हादीबारालाई डोक्‍पु मिम्‍मु लागि मेरामका ङाटा बनेबेबेड्‌डु़मी।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।

रेम्‍बेट्‌मिडिम ल्‍वा 2:24

उहेमका मेराम मेसेमकु मेजो़पा सीसिडा मेलाम्‍सिट्‌निवाम मा शैतानलाममिम थक्‍साका जु़ल्‍मा सीसि मेसीन्‍सिट्‌निवाम गानी थिआटीरा मण्‍डलीडा बाट्‌पा याङ मु़चु़मिमलाई गो र्‍वाङु, गानी वाङमिम खारी बोमु बासी र्‍वाक्‍साका मेकाम्‍सानिनी।

२ थेसलोनिकी 2:4

माम्‍चु़नीकु कोर्थो़लाम नुङ मु़चु़मिमका सो़रलोले बोमिमिम ङाटाकु कोर्थो़लाम मेराम ब। मेम्‍साका गु उ त्‍वाप ने माम्‍चु़नीकु सो़रनेम गोडा डोक्‍पु लिसिमा गन, मा माम्‍चु़नी गोङा र्‍वा।

रोमी 1:7

रोम शहरडा बाट्‍पा गानी खोत्‍लेलाई माम्‍चु़नीका हापा रिखाम बेन्‍निमिमा उनीमा त्‍वाकु सेपा मु़चु़ दु़म्‍मु लागि येट्‌निमिम सो़: इकीमा माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न भ्रसी ल्‍वानिनु़।

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

फिलिप्‍पी 3:8

मेकोति कोङङा मेएँ, ख्रीष्‍ट येशू आमा ङाचो़लाई छेत्तोमका हापा थिकाम ल्‍वानुङ थो़प्‍सीडा खोत्‍ले ल्‍वा हाम वो मेएँ र्‍वाक्‍पा लु़ङु। ख्रीष्‍टलाई गो ल्‍वाउनु़ मा गो गुमीनुङ दु़म्‍ङुनु़ र्‍वाक्‍साका खोत्‍ले ल्‍वा हाम ना हामकाम दु़म्‍बेत्तो मा मेर्मिम ने पारिमिम घ्राम्‍लु़पा कोतिम लु़ङु।

फिलिप्‍पी 3:12

ओर्मिम खोत्‍ले गो ल्‍वामु दु़म्‍तोम बु डे, जो़पा दु़म्‍मु दु़म्‍ङोडोम बु र्‍वाक्‍साका ने मेएँ, लावो मेर्मिम ल्‍वा जेन्‍मु लागि आमा सो हन, उहेम ल्‍वाकाम लागि ख्रीष्‍ट येशूका गोलाई जेट्‌ङिडिमी।