रोमी 8:37 - थुलुङ राई

³⁷ ओर्मिम खोत्‍ले ल्‍वा दु़म लोवो गुइलाई रिखाम बेपा ख्रीष्‍टलामका ङा ओर्मिम ल्‍वाडा गुइ घ्‍ल्‍वास्‍तिम बु।

रोमी 8:37 Referans Kwoze

१ कोरिन्थी 15:57

लावो माम्‍चु़नीलाई आलासो़ ग्‍वाकी, गुमीका गुइलाई इकी ङाचो़ येशू ख्रीष्‍टलामका घ्‍ल्‍वासी ग्‍वाक्‍सामी।

१ यूहन्‍ना 4:4

आमा चो़च्‍चो़नी, गानी ने माम्‍चु़नीकाम सो़। माम्‍चु़नीलाम-जेपा लिसिक्‍पा ओर्मिम मु़चु़डला गानी घ्‍ल्‍वान्‍निम बु, हेङालोने सु़म्‍दिसेरडा बाट्‌पा पेलडाम ने गानीगोडा बुमिमिम पेल छो़म डोक्‍पु बुमी।

२ कोरिन्‍थी 2:14

माम्‍चु़नीलाई आलासो़ दु़म्‍नु़, हेङालोने माम्‍चु़नीका गुइलाई हेल्‍लो लोवो ख्रीष्‍टनुङ घ्‍ल्‍वासीकु लाम्‍दीडा लाम्‍दिबेसामी। गुमीका ख्रीष्‍ट छेबेट्‍पा नेप्‍चीलाई भ्रपा मुरनेम्‍पा धूप होङङा खोत्‍लेथो़ फोट्‍पा खारी गुकुलाई ग्‍वाकिमी।

रेम्‍बेट्‌मिडिम ल्‍वा 21:7

उहेम घ्‍ल्‍वा, ओर्मिम खोत्‍ले मेरामकाम दु़म मा गो मेरामकु माम्‍चु़नी दु़म्‍ङु मा मेराम आमा चो़ दु़म।

रेम्‍बेट्‌मिडिम ल्‍वा 12:11

भेन्‍दाचो़कु सिसिका नुङ मेर्मिमका सो़म्‍डिम सिजेमका मेराम मुनाङडला घ्‍ल्‍वाम्‍डिम बु। मेर्मिम सिमुङा बासिक्‍पा लोवो सिमु मेङिपा बाम्‍डी।

यहूदा 1:24

माम्‍चु़नी यु़मनुङमा बुमी मा गानीलाई छु़लडा वाम्‍मुडाम सेल्‍मु चापा बुमी। गानीलाई हाम वो मेख्‍लो़ट्‌पा दु़म्‍बेसाका नुङ छो़म भ्रसिबेसाका उनी यु़म-झ्‍वाक्‍सी ङादोडा रेन्‍मु चापा गुमी बुमी।

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

२ कोरिन्‍थी 12:9

लावो गुमीका गोलाई र्‍वाम्‍डी, “इमा लागि आमा दिदाम हापा बु। इमा मेचाप्‍सीडा आमा यु़मका खारी बु़।” मेम्‍मिमका ख्रीष्‍टकु यु़म गोडला दु़म्‍नु़ र्‍वाक्‍साका आमा मेचाप्‍सीडा गो छो़म गेर्सी द्‍वाक्‍तो आमा धक्‍ची डोक्‍पु बेउ।

रेम्‍बेट्‌मिडिम ल्‍वा 17:14

मेर्मिमका भेन्‍दाचो़डला क्‍वाल्‍बा बोमी, लावो भेन्‍दाचो़ मेर्मिमडला घ्‍ल्‍वामी, हेङालोने खोत्‍ले ङाचो़गोडाम गुमीङा डोक्‍पु ङाचो़ मा खोत्‍ले हपमिमगोडाम गुमीङा डोक्‍पु हप। मेम्मा भेन्‍दाचो़नुङ बाट्पा ने मेर्मिम सो़, उहेममिमलाई माम्‍चु़नीका येट्‌मिडिम, थुट्‌मिडिम मा गुमीडा थो़रलु़इमिम सो़।”

एफिसी 5:2

येशू ख्रीष्‍टका गानीलाई रिखाम बेन्‍निमिमका इनी छु़ललाम वाङ बोमु लागि उनी त्‍वापङा सासेन्‍सिम्‍डी मा माम्‍चु़नीलाई गेर्सीबेट्‌पा भ्रपा मुर्नेम्‍पा धूप होप्‍माम दु़म्‍मिडी। मेम्‍साका गानी वो रिखामडा बानी-दोनी।

१ यूहन्‍ना 4:19

गुइ रिखाम बेबी, हेङालोने ङादो माम्‍चु़नीका गुइलाई रिखाम बेसाड्‌डामी।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

१ कोरिन्थी 15:54

इकीमा झिपा मिरो़म हेल्‍लो वो मेसिपा मिरो़मडा ख्‍लोसी, मेकोतिलो माम्‍चु़नीकु सिजेमडा र्‍याक्‍मा ओराम ल्‍वा रोथी, “सिमुलाम ने क्‍वाल्‍बाडा सो़ड्‍डाम बु!

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

रेम्‍बेट्‌मिडिम ल्‍वा 3:9

शैतानकु घ्रो़म्‍दीनेमडाम मु़चु़मिम उहेमका उनी त्‍वापलाई यहूदी र्‍वामी लावो यहूदी ने मेएँ मेर्मिम ने लिमाचो़मिम सो़। मेर्मिमलाई गो इमाडा रेट्‌पुमी मा इमा खेल चु़म्‍बेसाका सेव सान्‍बेट्‌पुमी। मेम्‍मा गो गानालाई रिखाम बोनी र्‍वाक्‍पा मेर्मिमका चमी।

१ यूहन्‍ना 4:10

रिखाम ओरामङा सो़: माम्‍चु़नीलाई गुइ रिखाम बिडिम मेएँ, लावो गुमीका गुइलाई रिखाम बेसाड्‌डामी, मा इकीमा छु़लमिम हेम्‍सामु सासेन्‍सिप्‍डा उनीमा तारापाचो़ थु़र्मिडी।

२ कोरिन्‍थी 12:19

गुकु आकी त्‍वापलाई बोमु-थार्मु ओर्मिम खोत्‍ले ल्‍वा बोकुमिम र्‍वाक्‍पा हाम गानी मिम्‍निम बुनी? द्‍वादीबुङ ङोप्‍सो़नी, माम्‍चु़नीकु ङादोडा ख्रीष्‍टकु डु़ल्‍चो़मिम होप्‍माम दु़म्‍साका गुकु जेकु। गानीलाई सोनुङमा दु़म्‍बेन्‍मु लागि गुकु ओर्मिम खोत्‍ले खारी बोकु।

रोमी 8:35

गुइडला रोक्‍पा मिम्‍ताम-सो़र्ताम, दु़खा थारीका, ङिमलु़पा थारीका, पोमुकु दु़खाका, फम्‍सिमुकु दु़खाका, सेन्‍ला सो़सिपा थारीका, ङिमलु़पा थारीकु कातु़रु़का, ओर्मिम उहेम ल्‍वाका गुइलाई येशू ख्रीष्‍टकु रिखामलाम वाङ बोमु चाप्‍सा मा?