रोमी 8:36 - थुलुङ राई

³⁶ माम्‍चु़नीकु सिजेमडा र्‍याक्‍मा बु, “गुकु गानीडला थो़रलु़त्तोकोमका इनीमा लागि हेल्‍लो लोवो सेन्‍मु माल्की, गुकु फल्‍ला सो़सिमु खापा भेन्‍दा होप्माम ङा सो़।”

रोमी 8:36 Referans Kwoze

१ कोरिन्थी 15:30

गुकु हेङा आकी त्‍वाप थारी-थारीकाङा ङिम्‍लु़सीडा दु़म्कुम बुकु?

१ कोरिन्थी 4:9

क्‍वाल्‍बाडा घ्‍ल्‍वापा मु़चु़मिमका सो़पामा सिमु देन्दे ल्‍वापा चु़म्‍मामिमलाई खोत्‍लेडाम चङडा जु़ल्‍मिमा लाम्‍दिबेन्‍मी। मे चु़म्‍मामिमलाई होम्‍साकाङा माम्‍चु़नीका गुकु थु़र्मामिमलाई वो खोत्‍लेडाम चङडा जु़ल्तिकिम बु। गुकु खोत्‍ले सु़म्‍दिसेर, पाह्रीचो़ नुङ मु़चु़मिमकु ङादोडा रङमा दु़म्‍तोकोम बु, र्‍वाक्‍पा गोलाई लु़।

थु़र्मा 8:32

मेरामका डात्तोङा लेड्‌डु़म माम्‍चु़नीकु सिजेम ओराम बाइडा, “गुमी फल्‍डा लक्‍मा भेन्‍दाकु चो़ होप्‍मामङा बाम्‍डी, उ बोलुङ खुरिलो लिबा बाट्‌पा भेन्‍दा होप्‍माङा गुमी को सि वो मेजेमिवा।

थु़र्मा 20:24

लावो गो आमा मिरो़म त्‍वाकाम लागि हाम होङ्‍ङा वो मेलु़ङु। गो आकोति कोङङा मालुमिम बु– येशू ख्रीष्‍टका गोलाई ग्‍वाङ्‌डिमिम माम्‍चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्‍सोमु चापुनु़।

यूहन्‍ना 16:2

मेर्मिमका गानीलाई घ्रो़म्‍दीनेममिमलामका पाखा कोल्‍निमी। लावो आरेप्‍माम थारी रोक्‍तोङा लेडु़, कोङनिम उहेमका गानीलाई सेनी मेर्मिमका माम्‍चु़नीकु लाले-पाङके बेत्तोङा लेट्‌पु र्‍वाक्‍पा मिम्‍मी।

१ कोरिन्थी 15:31

वा-ल्‍वाकनी, इकी ङाचो़ येशू ख्रीष्‍टका गानीडा बेम्डिम ल्वाडा आमा न भ्रसिड्‍डामका र्‍वामु चापु, गो हेल्‍लो लोवो सिमुङा बासिलोवो सिमु चापु।

२ कोरिन्‍थी 1:9

गुकु ने आच्‍छाङा सिमु होङङा लु़त्तोकोम बाइडा। गुकु आकी त्‍वाकु यु़मडा मेएँ, लावो सिपामिमलाई फक्‍पा माम्‍चु़नीडा थो़र लु़कुनु़ र्‍वाक्‍साका आरे दु़स्‍ताम।

२ कोरिन्‍थी 6:9

मेछेट्‌मा मु़चु़ होङङा बोकिमी लावो खोत्‍लेका छेकिमी। सिमुङा खापा लोवो आथावो गुकु नु़पाङा बुकु। याल्‍तिकिमी लोवो सेत्तिकिमिम मिबु।

२ कोरिन्‍थी 11:23

हाम मेर्मिम ख्रीष्‍टकु डु़ल्‍चो़मिम? गो नेप्‍ची मान्‍थिम होङङा जेत्तोङा लेट्‌पु। गो मेर्मिमडाम हापा जो़पा डु़ल्‍चो़। गो हापा ब्राम्‍दु़ल्‍वा बेउतो। हापा खेप चसिङडोमा बाङडो। हापा इम्‍मु मेचापा बेसाका कोक्‍तेकु रिबाका याल्‍ला सो़सिङडो। हापा खेपङा र्‍वाप्‍डा सिङडो।

फिलिप्‍पी 3:10

ख्रीष्‍टलाई नुङ सिमुलाम गुमीलाई फक्‍पा यु़मलाई गो जो़होमका छेमु न बु। गुमीका ल्‍वाम्‍डिम होङङा दु़खा ल्‍वामु मा उनी साम लक्‍सीडा गुमी होङङा दु़म्‍मु न बु,