रोमी 8:35 - थुलुङ राई

³⁵ गुइडला रोक्‍पा मिम्‍ताम-सो़र्ताम, दु़खा थारीका, ङिमलु़पा थारीका, पोमुकु दु़खाका, फम्‍सिमुकु दु़खाका, सेन्‍ला सो़सिपा थारीका, ङिमलु़पा थारीकु कातु़रु़का, ओर्मिम उहेम ल्‍वाका गुइलाई येशू ख्रीष्‍टकु रिखामलाम वाङ बोमु चाप्‍सा मा?

रोमी 8:35 Referans Kwoze

यूहन्‍ना 10:28

मेर्मिमलाई मेसिपा त्‍वारो़म ग्‍वाक्‍पुमी, मा मेर्मिम हेल्‍लो वो पुयु़ मेलुमी, मा सु़का वो मेर्मिमलाई आमा ल्‍वालामका रोसाका लमु मेचाप्‍सु़।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

२ कोरिन्‍थी 4:17

गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।

रोमी 8:39

ना येप्‍पालाम ल्‍वाका, ना घ्‍लु़म्‍पा ल्‍वाका, ना प्रङसिड्‍डाम खोत्‍ले ल्‍वाका, येशू ख्रीष्‍टनुङ बाट्‍पा माम्‍चु़नीकु रिखामलामका गुइलाई वाङ बोमु मेचाप्सा।

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

१ कोरिन्थी 4:11

ओम्‍लो वो गुकु क्रु़म-कोरा सिपा बुकु, आकी ये-सेम मिबु। गुकु याल्‍ला सो़सिन्‍कु, नेम-किम मान्‍थिम बुकु।

रोमी 8:17

गुइ उनीमा चो़-चु़सु़ माला, ने उनीमा खुन्‍चु़म ल्‍वापा वो गुइ ङा सो़। माम्‍चु़नीलाममिम खुन्‍चु़म ल्‍वापा मा ख्रीष्‍टनुङ बोम्‍था खुन्‍चु़म ल्‍वापा सो़। गुमीनुङङा गुइ वो दु़खा इम्‍डी माला उनीमा यु़म-झ्‍वाक्‍सीडा गुइ वो दु़म्‍सी।

यूहन्‍ना 13:1

सेल्‍सिमुनेमकु चाड ङादो गुमीका ओराम सु़म्‍दिसेर डिसाका पापकाडा लक्‍पा उनी थारी रोक्‍फाड्‌डा र्‍वाक्‍साका येशूका चम्‍डी। गुमीका सु़म्‍दिसेरडा बाट्‌पा उनी सीसिपामिम खोत्‍लेलाई रिखाम बेत्तो मेर्मिमलाई चङ्‌डासम्‍म छो़म रिखाम बेम्‍डी।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

थु़र्मा 14:22

मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

रोमी 2:9

मेजो़पा खारी बेपा खोत्‍ले मु़चु़मिमगोडा खोत्‍लेडाम ङादो यहूदीमिम मा वाङसामाडला दु़खा नुङ ङिमलु़पा थारीमिम रो।

रोमी 8:37

ओर्मिम खोत्‍ले ल्‍वा दु़म लोवो गुइलाई रिखाम बेपा ख्रीष्‍टलामका ङा ओर्मिम ल्‍वाडा गुइ घ्‍ल्‍वास्‍तिम बु।

१ कोरिन्थी 4:12

आकी पोमु-डुमुकाम लागि आकी त्‍वाकु ल्‍वाका ब्राम्‍दु़ल्‍वा बोकु। मु़चु़मिमका वाइतो बेन्‍किमिलो गुकु जि-वा ग्‍वाकु। मु़चु़मिमका आकी थो़मतेर्मिलो इम्‍सिन्कु।

२ कोरिन्‍थी 4:8

गुकु खोत्लेलामका खाल्सितोकोम बु, लावो गुकु हिल्‍सिक्‍तोकोम मिबु। गुकु हाम वो बोमु मेचापा थारी रोहोम बु, लावो आकी न सेत्तोकोम मिबु।

२ कोरिन्‍थी 4:9

मु़चु़मिमका छो़म आकी थो़मतेर्मिडिम बु, लावो माम्‍चु़नीका गुकुलाई हेल्‍लो वो डित्तिकिमिम मिबु। मु़चु़मिमका गुकुलाई याल्‍त्तिकिमिम बु, लावो मेर्मिमका गुकुलाई सेन्‍मु चाप्‍त्तिकिमिम मिबु।

२ कोरिन्‍थी 12:10

मेम्‍मिमका मेचाप्‍सीमिमडा, डसिसिमिमडा, दु़खामिमडा, थो़मतेर्सीमिमडा, इम्‍मु मेझापा ल्‍वामिमडा ख्रीष्‍टकाम लागि गो गेर्सी द्‌वाङु। हेङालोने मेचापा दु़म्‍ङुलो गो सो नुङमा दु़म्‍ङु।

एफिसी 3:19

खोत्‍ले थेसी-चक्‍सी नुङ नेप्‍चीका मिम्‍मु मेचापा ख्रीष्‍टकु रिखाम गानी थेसिथेट्‍नी, मा इनीमा खोत्‍ले बासी-दोसीडा माम्‍चु़नीका द्‍वाक्‍पा मु़चु़ दु़म्‍निनु़ र्‍वाक्‍साका सो़म्‍दी बेउ।