रोमी 8:33 - थुलुङ राई

³³ माम्‍चु़नीका छेट्‌मिडिम मु़चु़लाई सु़का मुमा बेन्‍मु चाप्‍सु़ मा? माम्‍चु़नी उनी त्‍वाकाङा मुमा मान्‍थिम दु़म्‍बेट्‌मिडिम बु।

रोमी 8:33 Referans Kwoze

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

लूका 18:7

हाम नेम्‍फु सिन्‍था माम्‍चु़नीकु नङडा सो़म्‍दी बेपा उनी मु़चु़मिमकाम माम्‍चु़नीका निया मेबोम्‍सामी मा? हाम मेर्मिमकाम लागि निया बोमु गुमी छु़मी मा?

१ थेसलोनिकी 1:4

वा-ल्‍वाकनी, माम्‍चु़नीका गानीलाई रिखाम बेन्‍निमी, मा उनीमा मु़चु़ दु़म्‍मु लागि छेट्‌निमी र्‍वाक्‍पा गुकु चकु।

मत्ती 24:24

हेङालोने ख्रीष्‍ट लिसिक्‍पामिम नुङ माम्‍चु़नीलाम-जेपा लिसिक्‍पामिम लुमी। मेम्‍मा झापा माला माम्‍चु़नीका उनी मु़चु़ दु़म्‍मु छेट्‌मिडिम मु़चु़मिमलाई वो ताङताहेरथो़ लमु लागि डोक्‍पुतो छेखोपमिम नुङ यु़मखारीमिम रेम्‍बोमी।

१ पत्रुस 1:2

ङादो आथाममिम उनी मुलु़ होम्‍साका माम्‍चु़नी पापका गानीलाई उनी त्‍वाकु मु़चु़ दु़म्‍मु छेट्‌निमी। येशू ख्रीष्‍टकु सिसिका कोसाका सेपा दु़म्‍साका गुमीका र्‍वामिमिम गानी थो़नी र्‍वाक्‍साका गुमीका गानीलाई उनी पेलका उनीमा बनेबेन्‍नी। माम्‍चु़नीका गानीलाई दिदाम नुङ न-भ्रसी छो़म हापा ग्‍वानिमिनु़।

रोमी 3:26

माम्‍चु़नीका मु़चु़मिमकु छु़ल हेप्‍साका उनी त्‍वाप जो़पा न-गोकाम बुमी, मा येशूडा थो़रलु़पामिमलाई जो़पा न-गोकाम दु़म्‍बेन्‍मी र्‍वाक्‍पा ल्‍वा ओम्‍लोम थारीका वो रेम्‍बोमी।

गलाती 3:8

माम्‍चु़नीका वाङसामामिमलाई थो़रलु़सीलामका जो़पा न-गोकाम र्‍वाक्‍पा मिम्‍मिडिम बु र्‍वाक्‍साका माम्‍चु़नीकु सिजेमडा ङादोङा र्‍याक्‍मा बाइडा। मेम्‍मिमका अब्राहामलाई, “गानालामकाङा सुबुडा बाट्‌पा खोत्‍ले सामाडाम मु़चु़मिमका जि ल्‍वामी” र्‍वाक्‍साका आरेप्‍माम जो़पा-सेला ङादोङा थो़बेट्‌मा बाइडा।

तीतस 1:1

माम्‍चु़नीकु डु़ल्‍चो़ नुङ येशू ख्रीष्‍टकु थु़र्मा गो पावलका ओराम सेलाखाजेम र्‍याक्‍तोङा बेउ। उनीमा मु़चु़मिमलाई छो़म थो़र लु़बेसाका नुङ आच्‍छाङाकु सिजेम थेसिथेन्‍बेसाका उनीमा लाम्‍दीडा लाम्‍दिबेन्‍मु लागि माम्‍चु़नीका गोलाई थु़र्ङिडिमिम।