रोमी 8:26 - थुलुङ राई

²⁶ गुइ याक्‍के थो़रनुङमा दु़म्‍सिमिम थारीका माम्‍चु़नी-पेलका ख्‍लो़सामी। हेसाका सो़म्‍दी बोमु बासिक्‍पा मेराम गुइ मेचमिम थारीका माम्‍चु़नी-पेल त्‍वाकाङा सो़मुङा मेयु़ट्‍पा बेसाका सो़म्‍दी बोमु ख्‍लो़सामी।

रोमी 8:26 Referans Kwoze

मत्ती 10:20

हेङालोने जेपा ने गानी मेदु़म्‍नी, लावो माम्‍चु़नी इनीमा पापकु पेल गानीलामका जेमी।

एफिसी 6:18

हेल्‍लो लोवो सो़म्‍दी बेनी, माम्‍चु़नीनुङ ख्‍लो़ला सो़न्‍सिट्‌नी। खोत्‍ले थारीका माम्‍चु़नी-पेलनुङ दु़म्‍साका सो़म्‍दी बेनिम बानी। ओर्मिम ल्‍वा नडा जु़ल्‍साका चङचङया दु़म्‍तो कुदु़मार सो़म्‍दी बेनी, मेम्‍मा खोत्‍ले थो़रलु़पामिमकाम लागि सो़म्‍दी बेनी।

गलाती 4:6

गानी माम्‍चु़नीकु जाउमो तारापाचो़ दु़म्‍निमका गुमीका उनी त्‍वाकु तारापाचो़कु पेल इकीमा नगोडा थु़र्मिडी, मेराम पेलका माम्‍चु़नीलाई “ए अब्‍बा, ए पाप” र्‍वाक्‍साका र्‍वामी।

यूहन्‍ना 14:16

मेम्‍मा गो पापनुङ र्‍वाङुमा गानीलाई इनीमा लागि कोङ जेप्‍साक्‍पा थु़र्मी। मेम्‍मा गुमी गानीनुङ हेल्‍लो लोवो दु़म्‍मी।

एफिसी 2:18

येशू ख्रीष्‍ट क्रूसडा सिम्‍डिमका यहूदी नुङ मेयेहूदी गुइ खोत्‍ले कोलेङा माम्‍चु़नी पेललामका माम्‍चु़नीकु ङादोडा रोमु चाप्‍स्‍तिम बु।

रोमी 8:15

हेङालोने गुइलाई डु़ल्‍चो़ दु़म्‍बेसाका आथावो ङिम लु़बेट्‍पा पेल मेएँ लावो गुइलाई माम्‍चु़नीका डु़ल्‍साड्‍डामिम जाउमो तारापाचो़ दु़म्‍बेट्‍पा माम्‍चु़नी-पेल ल्‍वास्‍तिमका गुइ माम्‍चु़नीलाई “अब्‍बा, पाप” र्‍वाक्‍साका सो़म्‍दी बिइ।

हिब्रू 4:15

इकीमा खोत्‍लेडाम डोक्‍पु ङाउ डु़म्‍लाचो़ इकी मेचाप्‍सीडा रेम्‍मु मेचाम्‍निनी र्‍वाक्‍पा मेबुमी। गुइ होम्‍साकाङा गुमी वो खोत्‍ले ल्‍वाडा न-छाम्‍ला सो़म्‍सिम्‍डिम बाइडा। लावो गुमीका ने छु़ल मेबेमिवा।

याकूब 4:3

गानी बिनी लावो मेल्‍वानी, हेङालोने त्‍वाकु न गेर्सिबेन्‍मु लागि मेजो़पा नका बिनी।

रोमी 15:1

गुइ थो़रडा सोनुङमा दु़म्‍पाका त्‍वाप कोङङा गेर्सी द्‍वाक्‍पा न बेसी मेनु़, लावो याक्‍के थो़रनुङमा थो़रलु़पामिमनुङ इम्‍सिसाका बुमु बासी। वाङमिमकाम न होङङा बोमु बासी।

लूका 22:44

येशू छो़म मेभ्रम्‍सिप्‍मिवा, मा छो़म सो़म्‍दी बोमु चो़म्‍मिडी, मा सिसिकु थप्‍का चाप्‍सु़मिम होङङा बेपा उनी ग्‍वाल क्‍वायु़ चाप्‍तोङा लेड्‌डु़।

२ कोरिन्‍थी 5:4

गुइ इकीमा क्‍वाकु मिरो़मडा बुइमिम थारीका मिम्‍ताम-सो़र्ताम बेत्तो ओसु़म बिइ। गुइ ओराम मिरो़म डिन्‍मु न बेसाका मेएँ, लावो पाह्रीलाम त्वारो़मकु ये-सेम फसिनु़ र्‍वाक्‍साका सो़, मेम्‍साका सिपा मिरो़म ने मेसिपा त्‍वारो़मडा ख्‍लोसी।

२ कोरिन्‍थी 5:2

ओम्‍लो गुकु ओराम मिरो़मडा बुकुलो छो़म आकी न नो़। गुकु ने पाह्रीला बाट्‍पा मिरो़म ये-सेम होम्‍साका फम्‍सिमु न बोकु।

मत्ती 20:22

लावो येशूका मेर्चिपलाई र्‍वाम्‍डी, “गाची हाम बेत्तोङा लेन्‍ची, मेराम मेचची। गो डुमु खापुमिम मेभ्रपा दु़खाकु कान्‍चु़रेलामका हाम गाची डुमु चाम्‍ची मा?” मेर्चिपका र्‍वाक्‍ची, “चाम्‍चुकु।”

हिब्रू 5:2

मेचक्‍साका मेजो़पा खारी बेपा नुङ लाम्‍दी ख्‍लो़ट्‌पामिमनुङ गु याक्‍के दु़म्‍साका दो बु। हेङालोने उ त्‍वाप वो छु़ल बोमु चापा मु़चु़ सो़।

रोमी 7:24

गो हाङको नाम्‍नाम्चो़ मु़चु़, ओराम सिमुलाम रेट्‍पा मिरो़मलाम गोलाई सु़का सेल्‍मु चाम्‍ङी?