रोमी 8:16 - थुलुङ राई

¹⁶ मेराम ने गुइ माम्‍चु़नीकु चो़-चु़सु़ र्‍वाक्‍साका माम्‍चु़नी-पेलका इकीमा पेलनुङ सो़म्‍डिम सो़।

रोमी 8:16 Referans Kwoze

१ यूहन्‍ना 4:13

माम्‍चु़नीडा गुइ बुइ मा गुमी गुइगोडा बुमी र्‍वाक्‍पा रेम्‍बोमु माम्‍चु़नीका माम्‍चु़नी-पेल गुइलाई ग्‍वाक्‍साड्‌डामिम बु।

२ कोरिन्‍थी 1:22

गुइ गुमीकाम ङा र्‍वाक्‍साका गुमीका गुइडला उनीमा छेखोप ओप्‍मिडिम बु मा ङादो ग्‍वाक्‍पा बैना होप्‍मामङा इकीमा न-गोडा माम्‍चु़नी-पेल ग्‍वाक्‍साड्‌डामिम बु।

२ कोरिन्‍थी 5:5

आरेप्‍माम खारी झो़म्‍सी बेट्‌पा ने माम्‍चु़नीङा सो़। गुमीका मेराम खारी आच्‍छाङा बोम्‍सोमी र्‍वाक्‍पा रेम्‍बोमु लागि ङादो ग्‍वाम्‍जो़ल्‍मा बैना होङङा माम्‍चु़नी-पेल गुइलाई ग्‍वाक्‍साड्‌डामिम बु।

एफिसी 1:13

मेम्साका गानी वो आच्‍छाङाकु सिजेम, सेल्सिक्‍पा जो़पा-सेला थो़न्‍निमा ख्रीष्‍टडा थो़र बेन्‍नी। मेम्मिमका माम्‍चु़नीका ङादो याचे जेम्‍डिम माम्‍चु़नी-पेल गानीलाई ग्‍वाक्‍साका उनीमा मु़चु़ र्‍वाक्‍पा छाप ओप्‍मिडिम बु।

रोमी 8:26

गुइ याक्‍के थो़रनुङमा दु़म्‍सिमिम थारीका माम्‍चु़नी-पेलका ख्‍लो़सामी। हेसाका सो़म्‍दी बोमु बासिक्‍पा मेराम गुइ मेचमिम थारीका माम्‍चु़नी-पेल त्‍वाकाङा सो़मुङा मेयु़ट्‍पा बेसाका सो़म्‍दी बोमु ख्‍लो़सामी।

एफिसी 4:30

गानीगोडा बाट्‌पा माम्‍चु़नी-पेललाई इनी बासी-दोसीलामका मेभ्रसिक्‍पा मेदु़म्‍बेट्‌नी, हेङालोने सेल्‍सिक्‍पा नेम गानी वो सेल्‍सिमु ल्‍वानी र्‍वाक्‍साका माम्‍चु़नीका उनी त्‍वाकु पेल ग्‍वाक्‍साका गानीडला छाप ओप्‍मिडिम बु।

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

रोमी 8:23

प्रङसिट्‍पा कोङङा मेएँ, माम्‍चु़नी-पेलका चङडा रेट्‍पा न भ्रसी ल्‍वामु लागि गुइ वो नगोनो दु़खा इम्‍तोङा बिइ। इकीमा माम्‍चु़नीका उनीमा त्‍वाकु तारापाचो़ दु़म्‍बेसामी मा इकीमा मिरो़म पुयु़लुमुलाम सेल्‍सामिनु़ र्‍वाक्‍साका गुइ लथाडी।

१ यूहन्‍ना 5:10

उहेम मु़चु़का माम्‍चु़नीकु तारापाचो़डला थो़र बु़ मेरामका ओराम आच्‍छाङा र्‍वाक्‍पा च। उहेमका थो़र मेबु़ मेरामका माम्‍चु़नीलाई लिमाचो़ दु़म्‍बेडु़, हेङालोने माम्‍चु़नीका उनीमा तारापाचो़कु दुथाम सो़म्‍डिम ल्‍वा मेराम मु़चु़का थो़र मेबु़।

मत्ती 5:9

न-थो़म घ्रो़म्‍बेट्‌पामिम जिनुङमा सो़, हेङालोने मेर्मिम माम्‍चु़नीकु चो़-चु़सु़ र्‍वाला सो़सिमी।

लूका 20:36

मेर्मिम पाह्रीचो़ होप्‍मामङा दु़म्‍मी, मा मेसिमी। हेङालोने सिमुलामका बम्‍गेम्‍डिमका मेर्मिम माम्‍चु़नीकु चो-चु़सु़ सो़।

यूहन्‍ना 1:12

लावो गुमीलाई हुनाखाना बेपा, मा गुमीडला थो़र लु़पामिम खोत्‍लेलाई गुमीका माम्‍चु़नीकु चो़मिम दु़म्‍पा साखाम ग्‍वाम्‍डिमी।

थु़र्मा 5:32

गुकु ओर्मिम खोत्‍ले ल्‍वा आकी मिक्‍सीका ङा ल्‍वात्तोकोम बु, मा गुमीका र्‍वामिमिम थो़पामिमलाई माम्‍चु़नीका ग्‍वाम्‍डिम उनी पेलका वो मेराम सो़मी।”

रोमी 8:14

मा माम्‍चु़नी-पेलका रेम्‍बोमिमिम लाम्‍दीडा लाम्‍दिपा मु़चु़मिम ङा माम्‍चु़नीकु चो़-चु़सु़मिम सो़।

रोमी 8:19

सु़म्‍दिसेरडा प्रङ्‌सिट्‍पा खोत्‍लेम थोकका माम्‍चु़नीकु तारापाचो़मिम रेम्‍बेसिक्‍पा थारी नगोडा छो़म लन्‍थामी।

रोमी 9:8

ओराम र्‍वाक्‍मा ने, मिरो़मलामका गक्‍पामिम ने माम्‍चु़नीकु चो़-चु़सु़ मेएँ, लावो माम्‍चु़नीका ग्‍वानिनी र्‍वाक्‍साका याचे जेम्‍डिम कोङङा अब्राहामकु चो़-चु़सु़मिम सो़।

रोमी 9:26

“मेम्‍मा गानी आमा मु़चु़ मेएँ र्‍वाक्‍मामिम ङा हेल्‍लो लोवो दु़म्‍पाम बाट्‍पा माम्‍चु़नीकु चो़-चु़सु़ र्‍वाक्‍साका छेला सो़सिनी।”

२ कोरिन्‍थी 6:18

गो इनीमा पाप दु़म्‍ङु, मा गानी आमा जाउमो-तारापाचो़मिम दु़म्‍नी, खोत्‍लेडाम घ्‍ल्‍वापा मिप्रङमाका र्‍वामी।”

गलाती 3:26

थो़रलामका गानी खोत्‍ले येशू ख्रीष्‍टडा माम्‍चु़नीकु चो़-चु़सु़ दु़म्‍निम बु,

गलाती 4:6

गानी माम्‍चु़नीकु जाउमो तारापाचो़ दु़म्‍निमका गुमीका उनी त्‍वाकु तारापाचो़कु पेल इकीमा नगोडा थु़र्मिडी, मेराम पेलका माम्‍चु़नीलाई “ए अब्‍बा, ए पाप” र्‍वाक्‍साका र्‍वामी।

१ यूहन्‍ना 3:1

रेप्‍नी, पाह्रीलाम इकीमा पापका गुइलाई हाङको छो़म रिखाम बेसामी, गुइलाई माम्‍चु़नीकु चो़मिम र्‍वामी, मा आच्‍छाङा गुइ उनीमा चो़च्‍चो़मिमङा सो़। सु़म्‍दिसेरडाम मु़चु़मिमका माम्‍चु़नी मेछेमिवा, मेम्‍मिमका गुइलाई मेछेसामी।

१ यूहन्‍ना 3:2

द्‌वादीबुङ ङोप्‍सो़नी, ओम्‍लो गुइ माम्‍चु़नीकु चो़च्‍चो़मिम बुइ, मा दिफु गुइ हाम दु़म्‍सी मेराम मेच। लावो गुइ ओराम च, ख्रीष्‍ट आथावो योमिलो गुइ गुमी होप्‍मामङा दु़म्‍सी हेङालोने गुमी हेप्‍माम बुमी मेप्‍मामङा गुमीलाई ल्‍वासी।

१ यूहन्‍ना 3:10

ओलामकाङा माम्‍चु़नीकु चो़मिम सु़ मा शैतानकु चो़मिम सु़ र्‍वाक्‍पा छेडी: उहेम मु़चु़का हाम जो़पा बु मेराम मेबु़, मेराम मु़चु़ माम्‍चु़नीकु चो़ मेएँ, मा उमा वा-ल्‍वाकलाई रिखाम मेबेपा मु़चु़ वो माम्‍चु़नीकु चो़ मेएँ।

रेम्‍बेट्‌मिडिम ल्‍वा 21:7

उहेम घ्‍ल्‍वा, ओर्मिम खोत्‍ले मेरामकाम दु़म मा गो मेरामकु माम्‍चु़नी दु़म्‍ङु मा मेराम आमा चो़ दु़म।