रोमी 8:15 - थुलुङ राई

¹⁵ हेङालोने गुइलाई डु़ल्‍चो़ दु़म्‍बेसाका आथावो ङिम लु़बेट्‍पा पेल मेएँ लावो गुइलाई माम्‍चु़नीका डु़ल्‍साड्‍डामिम जाउमो तारापाचो़ दु़म्‍बेट्‍पा माम्‍चु़नी-पेल ल्‍वास्‍तिमका गुइ माम्‍चु़नीलाई “अब्‍बा, पाप” र्‍वाक्‍साका सो़म्‍दी बिइ।

रोमी 8:15 Referans Kwoze

२ तिमोथी 1:7

हेङालोने माम्‍चु़नीका गुइलाई ङिमलु़बेट्‌पा न मेएँ, लावो यु़म, रिखाम नुङ त्‍वापलाई जो़होमका जु़ल्‍पा न ग्‍वाक्‍साड्‌डामिम बु।

१ कोरिन्थी 2:12

गुइ सु़म्‍दिसेरडाम पेल ल्‍वास्‍तिम मेएँ, लावो माम्‍चु़नीका गुइलाई ग्‍वाक्‍साड्‌डामिम खोत्ले ल्‍वा थेसिथेडिनु़ र्‍वाक्‍साका माम्‍चु़नीलाममिम पेल ल्‍वास्‍तिम बु।

रोमी 8:16

मेराम ने गुइ माम्‍चु़नीकु चो़-चु़सु़ र्‍वाक्‍साका माम्‍चु़नी-पेलका इकीमा पेलनुङ सो़म्‍डिम सो़।

हिब्रू 2:15

मा साम बुमिमसम्‍म सिमुकु ङिमुगोयु़ बाट्‌पा मु़चु़मिमलाई येशूका सेल्‍मी।

एफिसी 1:5

भ्रसिक्‍साका उनीमा न होम्साका येशू ख्रीष्‍टलाम गुइ उनी त्‍वाकु चो़मिम दु़म्सिनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

१ यूहन्‍ना 4:18

रिखामडा ङिम मेदु़म, लावो माम्‍चु़नीकु न होङङा दु़म्‍पा गुइगोडाम रिखामका ङिम कोलु़। देन्‍देका मु़चु़लाई ङिबेडु़ मा उहेम मु़चु़ ङि मेराम मु़चु़ माम्‍चु़नीकु न होङङा दु़म्‍पा रिखामडा मेदु़म।

मर्कूस 14:36

मेकोतिमा गुमीका र्‍वाम्‍डी, “अब्‍बा, पाआ, गानी बोमु मेचाम्‍निमिम हाम वो मिबु। ओराम कान्‍चु़रे गोलामका हेम्‍साङ्‍नी, लावो गो न बेउमिम होम्‍साका मेएँ इनी न होम्‍साका ङा दु़म्‍नु़।”

रोमी 8:23

प्रङसिट्‍पा कोङङा मेएँ, माम्‍चु़नी-पेलका चङडा रेट्‍पा न भ्रसी ल्‍वामु लागि गुइ वो नगोनो दु़खा इम्‍तोङा बिइ। इकीमा माम्‍चु़नीका उनीमा त्‍वाकु तारापाचो़ दु़म्‍बेसामी मा इकीमा मिरो़म पुयु़लुमुलाम सेल्‍सामिनु़ र्‍वाक्‍साका गुइ लथाडी।

लूका 11:2

गुमीका मेर्मिमलाई र्‍वाम्‍डी, “गानी आरे र्‍वाक्‍साका सो़म्‍दी बेनी: ‘ए पाह्रीला बाट्पा आकीमा पाप, इनीमा सेपा नङ कोसिनु़, इनीमा किब्दी रोनु़,

यूहन्‍ना 20:17

येशूका गुलाई र्‍वाम्‍डी, “गोलाई मेजेट्‌ङी, हेङालोने गो पापकाडा ख्‍लोङसिङ्‌डोम मिबु। लावो आमा ल्‍वाकमिमकाडा लक्‍सामा र्‍वाका, ‘गो आमा पाप नुङ इनीमा पापकाडा मा आमा माम्‍चु़नी नुङ इनीमा माम्‍चु़नीकाडा लक्‍तोङा लेट्‌पु’।”

लूका 22:42

मा गुमीका र्‍वाम्‍डी, “ए माम्‍चु़नी पाआ, गानी न बोनी माला ओराम दु़खाकु कान्‍चु़रे गोलामका हेम्‍साङ्‍नी। लावो आमा न होम्‍साका मेएँ, इनी न होम्‍साका बेनी।”

यूहन्‍ना 16:8

गुमी योमिमा सु़म्‍दिसेरलाई उमा छु़लकु दुथाम, माम्‍चु़नीकु न-गो होप्‍मामकु दुथाम मा रोक्‍पा नियाकु दुथाम मुमा बेन्‍मी।

थु़र्मा 16:29

मेकोतिमा मे डोक्‍पु मु़चु़का धिप्‍री बिइयु़डु़मा ओन्‍तो झ्‍यालखानगोनो हुङडा, मा उ ङिमुका रुत्तो पावल नुङ सिलासकु ङादोडा खुम्‍बु बु़डु़।

थु़र्मा 2:37

ओराम ल्‍वा थो़म्‍डिमा मेर्मिमकु न-गो ख्राप्‍डा, मा मेर्मिमका पत्रुस नुङ वाङमिम थु़र्मामिमलाई, “ए वा-ल्‍वाकनी, गुकु हाम बोमु बासी?” र्‍वाक्‍साका हिलाबेम्‍डी।

लूका 8:37

गेरासेनस इलाकाडाम खोत्‍ले मु़चु़मिमका येशूलाई मेर्मिमकु इलाका डिट्‌निमा लक्‍ल्‍याट्‌नी र्‍वाम्‍डिम-र्‍वाम्‍डिम ङा बेम्‍डी, हेङालोने मेर्मिम छो़म ङिम्‍डिम बाइडा। मेम्‍मिमका येशू कुबी-बोक्‍साडला हुम्‍डिमा ख्‍लोम्‍सिम्‍डी।

लूका 8:28

मेराम मु़चु़का येशूलाई ल्‍वास्‍तु़मा उनी खेलफारयु़ खुम्‍बु बु़डु़, मा डोक्‍पु लो़लामका र्‍वाक्‍ता, “खोत्‍लेडाम घ्‍ल्‍वापा माम्‍चु़नीकु चो़ येशू, गानी गोनुङ हाम बोमु माल्‍निमिम? गो गानीनुङ र्‍वाङु, गोलाई दु़खा मेग्‍वाङनी।”

याकूब 2:19

माम्‍चु़नी कोले कोङङा बुमी र्‍वाक्‍साका गानी थो़र लु़नी, मेराम जो़पाङा सो़। मुनाङपेलमिमका वो मेराम थो़रलु़मी, मा उनी ङिमुका रुडु़मी।

रोमी 8:26

गुइ याक्‍के थो़रनुङमा दु़म्‍सिमिम थारीका माम्‍चु़नी-पेलका ख्‍लो़सामी। हेसाका सो़म्‍दी बोमु बासिक्‍पा मेराम गुइ मेचमिम थारीका माम्‍चु़नी-पेल त्‍वाकाङा सो़मुङा मेयु़ट्‍पा बेसाका सो़म्‍दी बोमु ख्‍लो़सामी।

रोमी 9:4

मेर्मिम इस्राएलीमिम सो़, मा माम्‍चु़नीका मेर्मिमलाई उनीमा त्‍वाकु चो़-चु़सु़ दु़म्‍बेट्‌मिडी मा उनी त्‍वाकु यु़म-झ्‍वाक्‍सी मेर्मिमडला रेम्‍बेम्‍डी। मेम्‍मा मेर्मिमनुङ सो़रख्रेप्‍मिडी, मा डु़म्‍ला ग्‍वाम्‍डी, उनीमा लाले-पाङके बोमु वो सीट्‌मिडी, गुमीका याचे जेम्‍डिम ल्‍वा मेर्मिमका डार्मिडी।

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!

गलाती 2:4

लावो कोङनिम थो़रलु़पा लिसिक्‍पा वा-ल्‍वाकमिम आकीमा सामागोडा रोम्‍डिमा कोक्‍ते खिरिरि दु़म्‍मु बासी र्‍वाम्‍डी। हेङालोने गुकु येशू ख्रीष्‍टनुङ कोले दु़म्‍साका मोशाकु डु़म्‍ला होम्‍साका दोमु बासिक्‍पा ल्‍वाडाम वाङ दु़म्‍तोकोम बाइडा, मा मेर्मिमका गुकु वाङ दु़म्‍तोकोम ल्‍वाकु दुथाम गो-गो चो़पा बेसाका आथावो उनीमा यहूदी डु़म्‍लाकु डु़ल्‍चो़ होप्‍मामङा दु़म्बेन्‍मु माल्‍तिकिम बाइडा।

गलाती 5:1

आथाडा आनो गुइ डु़ल्‍चो़ मेदु़म्‍सिनु़ र्‍वाक्‍साका येशू ख्रीष्‍टका गुइलाई वाङ बेसाड्‌डामिम सो़। मेम्‍मिमका गानी वाङ दु़म्‍पा मु़चु़मिम सोनुङमा दु़म्‍साका बानी मा आथावो डु़म्‍लाकु जुवागोडा हुमु मेमाल्‍नी।

मत्ती 25:25

मेम्‍मिमका आमा ङिम लु़डामा मे इनीमा खउलुङ क्‍वागोयु़ थक्‍तो। रेप्‍नी, इनीमा खउलुङ आसिन्‍डा बु सो़।’