रोमी 8:11 - थुलुङ राई

¹¹ ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।

रोमी 8:11 Referans Kwoze

२ कोरिन्‍थी 4:14

गुकु चकु, इकीमा ङाचो़ येशूलाई सिमुलाम फक्‍पा माम्‍चु़नीकाङा गुइलाई वो येशूनुङ फक्‍सामी। मेम्‍मा गानी नुङ गुकुलाई उनी त्‍वाकाडा लक्‍सामी।

२ कोरिन्‍थी 4:11

सिपामा लक्‍पा आकीमा मिरो़मडा येशूकु त्‍वारो़म रेम्‍बेसिनु़ र्‍वाक्‍साका उनीमा लागि ङा हेल्‍लो लोवो गुकु र्‍वाप्‍डा सिकुम बुकु।

रोमी 8:9

आच्‍छाङा माम्‍चु़नीकु पेल गानीगोडा बुमी माला गानी त्‍वाकु मिरो़मगोडाम साखामडा मेएँ माम्‍चु़नी-पेलकु साखामगोडा दु़म्‍नी। कोङनिमनुङ ख्रीष्‍टकु पेल मिबु माला गु ख्रीष्‍टकाम दु़म्‍मु ङा मेचाप्‍सु़।

१ कोरिन्थी 6:14

माम्‍चु़नीका उनी यु़मका ङाचो़ येशूलाई सिमुलामका फम्‍डी, मा गुइलाई वो उनी यु़मका फक्‍सामी।

रोमी 8:2

हेङालोने ख्रीष्‍ट येशूलाम त्‍वारो़म ल्‍वापा, माम्‍चु़नी-पेलकु डु़म्‍लाका छु़ल नुङ सिमुलाम रेट्‍पा डु़म्‍लाडाम गोलाई सेल्‍ङिडिमिम बु।

फिलिप्‍पी 3:21

गुमीनुङ खोत्‍लेलाई उनीमा ल्‍वाडा जु़ल्‍मु यु़म बु। मेराम यु़मका इकीमा सिपा मिरो़म उनीमा झ्‍वाक्‍पा मिरो़म होप्‍माम दु़म्‍नु़ र्‍वाक्‍साका गुमीका ख्‍लोक्‍साक्‍सामी।

यूहन्‍ना 5:21

पापका सिपा मु़चु़मिमलाई फमिमा मेर्मिमलाई मेसिपा त्‍वारो़म ग्‍वामी। मेम्‍साकाङा तारापाचो़का उहेमलाई उ ग्‍वाग्‍वाद्‌वा मेरामलाई मेसिपा त्‍वारो़म ग्‍वाकु़।

थु़र्मा 2:24

लावो गुमीलाई माम्‍चु़नीका सिमुकु दु़खालामका फ्‍वाक्‍साका फम्‍खेम्‍डी। हेङालोने सिमुका गुमीलाई बन्‍थामु मेचाप्‍सु़वा।

एफिसी 2:5

गुइ छु़ल बिइडिमका सिप्‍ल्‍याक्‍पा बाइडी लोवो माम्‍चु़नीका ख्रीष्‍टलाई सिमुलाम फम्‍डिलो गुमीनुङङा गुइलाई वो नु़बेसाड्‌डामी। आरेसाका गुमीका न-थो़म रेम्‍बेम्‍डिमा गानी सेल्‍सिट्‌निम बु।

रेम्‍बेट्‌मिडिम ल्‍वा 11:11

लावो सुलेम नुङ को नेम्‍फु चङडा मेर्चिप गोडा माम्‍चु़नीलाममिम त्‍वारो़म ल्‍वापा साम हुङडा। मेम्‍मा मेर्चिप उची खेलका येम्‍सिट्‌ची मा मेर्चिपलाई ल्‍वापा मु़चु़मिम छो़म ङिम्‍डी।

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

यूहन्‍ना 14:17

माम्‍चु़नीकु दुथाम सो़पा पेल गुमी सो़। उनीमा ल्‍वाडा सु़म्‍दिसेरडाम मु़चु़मिम बुमु मेचाम्‍मी, हेङालोने मेर्मिमका गुमीलाई मेल्‍वामी, मा मेछेमी वो। लावो गानी गुमीलाई छेनी, हेङालोने गुमी गानीगोडा दु़म्‍मी, मा गानीनुङ दु़म्‍मी।

रेम्‍बेट्‌मिडिम ल्‍वा 1:18

नु़पा ने गोङा सो़, गो सिङ्‌डोम बाइडा, लावो रेप्‍नी, गो हेल्‍लो लोवो नु़ङुम बुङु। मेम्‍मा सिमुलाम नुङ सिपा मु़चु़मिम बाखोप खादी ल्‍वाडा बेपा चाबीमिम गोनुङ बु।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

१ कोरिन्थी 15:16

हेङालोने सिपा मु़चु़ मेबम्‍गेमी माला ख्रीष्‍ट वो सिमुलाम मेबम्‍गेट्‌मिवा।

रोमी 6:12

मेम्‍मिमका त्‍वाकु मिरो़म होम्‍साका दोमु मेबासिनु़ र्‍वाक्‍साका इनीमा सिपामा लक्‍पा मिरो़मका आथावो छु़ल बोमु मेग्‍वाक्‍नी।

हिब्रू 13:20

भेन्‍दा रेपा-क्रिपा डोक्‍पु इकीमा ङाचो़ येशूलाई हेल्‍लो लोवो दु़म्‍पा लाले सो़रख्रेप्‍सीकु सिसिका सिमुलाम फक्‍साका न-भ्रसी बेट्‌पा माम्‍चु़नीका

२ कोरिन्‍थी 5:4

गुइ इकीमा क्‍वाकु मिरो़मडा बुइमिम थारीका मिम्‍ताम-सो़र्ताम बेत्तो ओसु़म बिइ। गुइ ओराम मिरो़म डिन्‍मु न बेसाका मेएँ, लावो पाह्रीलाम त्वारो़मकु ये-सेम फसिनु़ र्‍वाक्‍साका सो़, मेम्‍साका सिपा मिरो़म ने मेसिपा त्‍वारो़मडा ख्‍लोसी।

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

रोमी 8:12

मेम्‍मिमका वा-ल्‍वाकनी, इकीमा मिरो़मडाम नसीहोमका बोमु ङा बासी र्‍वाक्‍पा मिबु।

रोमी 16:3

गोनुङङा खारी बेपा प्रिस्‍का नुङ अकिलासलाई वो आमा सेव र्‍वाङ्‍साङनी।

रोमी 16:7

एन्‍ड्रोनिकस नुङ यूनियस र्‍वाक्‍मा आमा त्‍वाकु मु़चु़चिप मा गोनुङङा चसिक्‍पा यहूदी ङोप्‍सो़मिमलाई आमा सेव र्‍वाङ्‍साङ्‍नी। थु़र्मामिमगोडा मेर्मिमकु नङ हापा दोस्‍ताम बाइडा। मेम्‍मा गो थो़रलु़मु हापा ङादोङा मेर्मिमका ख्रीष्‍टडा थो़र लु़म्‍डिम बाइडा।

रोमी 16:9

गोनुङ कोयोङा ख्रीष्‍टकु खारी बेपा उर्बानस नुङ द्‍वादीबुङ ङोप्‍सो़ स्‍ताखुसलाई सेव र्‍वाङ्‌साङनी।

रोमी 16:10

ख्रीष्‍टकु खारीडा थो़रलु़इमिम अपोल्‍लोसलाई सेव र्‍वाङसाङ्‍नी। अरिस्‍तोबुलसकु नेमडाममिमलाई वो सेव बु।

गलाती 6:8

उहेम मु़चु़का छु़ल बेपा उमा त्‍वाकु बादु़खाम होम्‍साका मेजो़पा खारी बु़, गु मेराम बादु़खामका ङा पुयु़ ल। लावो उहेमका माम्‍चु़नी-पेललाममिम जो़पा खारी बु़, गुका माम्‍चु़नी-पेललाम ङा हेल्‍लो वो मेसिपा त्‍वारो़म ल्‍वासु़।