रोमी 8:10 - थुलुङ राई

¹⁰ ख्रीष्‍ट गानीगोडा बुमी माला छु़ल बेन्‍निमका इनीमा मिरो़म सिडाम लोवो माम्‍चु़नीकु ङादोडा जो़पा न-गोकाम दु़म्‍निमका इनीमा त्‍वारो़म ने हेल्‍लो लोवो दु़महोम बु।

रोमी 8:10 Referans Kwoze

एफिसी 3:17

गानी थो़र बेनिम बानी मा ख्रीष्‍ट इनीमा नगोडा बुमिनु़म बुमिनु़, रिखामडा फ्रु़प क्रोसिसाका गानी होनो आथो़ मेदु़म्‍पा डोक्‍पु थो़रनुङमा दु़म्‍नी,

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

यूहन्‍ना 17:23

मेर्मिम खोत्‍ले कोले दु़म्‍मिनु़ र्‍वाक्‍साका गानी गोगोडा दु़म्‍निमा गो मेर्मिमडा दु़म्‍ङु। मेम्‍मा गानी गोलाई रिखाम बेङ्‌डिनिम होङ्‍ङा मेर्मिमलाई रिखाम बेनिमी र्‍वाक्‍पा नुङ गानी गोलाई थु़र्ङिडिनिम र्‍वाक्‍पा सु़म्‍दिसेरका च।

कलस्‍सी 1:27

मेयहूदीमिमकाम लागि उनीमा थक्‍मा ल्‍वा हाङको जो़पा बु र्‍वाक्‍साका उनीमा मु़चु़मिमलाई रेम्‍बोमु माम्‍चु़नीका न बेम्डी। ओराम थक्‍मा ल्‍वा ने गानीगोडा ख्रीष्‍ट बुमिमिम सो़, मेम्मिमका माम्‍चु़नीका गानीलाई कोमी र्‍वाक्‍साका थो़र बोमु चाम्नी।

रोमी 8:11

ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।

फिलिप्‍पी 1:23

गो ने हाम बोमु-बोमु दु़म्‍ङोडोम बु: गो ने भ्‍र्‍वाम्‍सिमुमा ख्रीष्‍टनुङ दु़म्‍मु आमा न बु। मेम बोमु ने आमा लागि छो़म जो़पा दु़म,

फिलिप्‍पी 3:9

गो माम्‍चु़नीडा जो़पा दु़म्‍मु ने डु़म्‍ला होम्‍साका दोसाका मेएँ, लावो ख्रीष्‍टडलाम थो़रका जो़पा दु़म्‍ङु। माम्‍चु़नीडा जो़पा दु़म्‍सी ने गुमीलामका रो मा ओराम खारी थो़रलामका दु़म।

१ कोरिन्थी 15:45

मेम्‍मिमका माम्‍चु़नी सिजेमडा र्‍याक्‍मा बु, “खोत्‍लेडाम ङादोम मु़चु़ आदम उ सामनुङमा दु़स्‍ता।” लावो चङडाम आदम त्‍वारो़म ग्‍वाक्‍पा पेल सो़।

रेम्‍बेट्‌मिडिम ल्‍वा 14:13

मेम्‍मा पाह्रीलाम कोङ लो़लामका आरे र्‍वाक्‍ताम गो थो़उतो, “ओराम र्‍याका: आथाडा आनो ङाचो़डा थो़र बु़डु़मका सिपामिम आलाकाम सो़।” माम्‍चु़नी-पेलका र्‍वाम्‍डी, “आच्‍छाङा सो़, मेर्मिमका उनी ब्राम्‍दु़ल्‍वा बेसीडाम ङेम्‍सिमु ल्‍वामी, हेङालोने मेर्मिमका बेम्‍डिम जो़पा खारीकाम पुरस्‍कार ल्‍वामी।”

यूहन्‍ना 15:5

“गो अङ्‍गूरकु रो़ल सो़, मा गानी ग्रेममिम। कोङनिम मु़चु़ गोगोडा दु़म माला गो गुगोडा दु़म्‍ङुमा मेरामका हापा मा सिन्‍बेडु़। गोडाम फ्‍वासिक्‍साका गानी हाम वो बोमु मेचाम्‍नी।

यूहन्‍ना 14:23

येशूका मेरामलाई सिख्‍लोम्‍डिमा र्‍वाम्‍डी, “उहेमका गोलाई रिखाम बोङि, मेरामका आमा सीसि थो़सु़। आमा पापका मेरामलाई रिखाम बोमी, मा आमा पाप नुङ गुचुकु मेरामकाडा रोचुकुमा मेरामकाडा बुचुकु।

हिब्रू 12:23

पाह्रीला नङ र्‍याक्‍मा ङादो गक्‍पामिमकु घ्रो़म्‍दीडा गानी रोक्‍निम बु। खोत्‍ले मु़चु़कु निया बेपा माम्‍चु़नी नुङ माम्‍चु़नीकु न होप्‍माम जो़पा दु़म्‍पा मु़चु़मिमकु घ्रो़म्‍दीडा रोक्‍निम बु।

हिब्रू 9:27

खोत्‍लेका ङा कोखेम सिमु बासी मा मेराम चङडा माम्‍चु़नीका उमा निया बोमी।

१ थेसलोनिकी 4:16

डोक्‍पु-पाह्रीचो़कु लो़लाम नुङ पाह्रीचो़मिमका माम्‍चु़नीकु भुम डु़प्‍मिमिमकु लो़लामका ङाचो़ येशू उनी त्‍वापङा डोक्‍पु लो़लामका साखामनुङ येत्तो पाह्रीलामका योमी। मेम्‍मा ख्रीष्‍टडला थो़रलु़साका सिपामिम ङादोङा बम्‍गेमी।

२ कोरिन्‍थी 13:5

गानी आच्‍छाङा थो़र लु़न्‍निम बु डे मेएँ र्‍वाक्‍साका इनी त्‍वाका त्‍वापलाई छाम्‍नी। येशू ख्रीष्‍ट गानीगोडा बुमी र्‍वाक्‍पा गानी आच्‍छाङा चनी। गुमी गानीगोडा मेबुमी माला गानी गुमीडा थो़र बोनी र्‍वाक्‍पा ल्‍वा आच्‍छाङा मेएँ।

२ कोरिन्‍थी 4:11

सिपामा लक्‍पा आकीमा मिरो़मडा येशूकु त्‍वारो़म रेम्‍बेसिनु़ र्‍वाक्‍साका उनीमा लागि ङा हेल्‍लो लोवो गुकु र्‍वाप्‍डा सिकुम बुकु।

रोमी 5:21

मेराम थारीका छु़लका सिमुलाम रेड्‍डु़ मा मु़चु़मिमडला साखाम थो़डु़म होम्‍साकाङा ओम्‍लो माम्‍चु़नीकु दिदामका साखाम थो़त्तोङा बु़। ओराम दिदामका गुइलाई माम्‍चु़नीकु ङादोडा जो़पा न-गोकाम दु़म्‍बेसाका इकीमा ङाचो़ येशू ख्रीष्‍टलाम हेल्‍लो वो मेसिपा त्‍वारो़म ग्‍वाक्‍साड्‍डामिम बु।

रोमी 5:12

सु़म्‍दिमोलोम मु़चु़ आदमलामका सुबुडा छु़ल गस्‍ता मा मेराम छु़लका सिमुलाम रेड्‍डु़। आरेसाका खोत्‍ले मु़चु़मिमका छु़ल बेम्‍डिमका खोत्‍ले मु़चु़डा सिमुलाम छास्‍ता।

यूहन्‍ना 6:56

उहेमका आमा मिरो़म पु़, मा आमा सिसि डुङु़, मेराम मु़चु़ गोनुङ दु़म, मा गो गुनुङ दु़म्‍ङु।

यूहन्‍ना 4:14

लावो गो ग्‍वाक्‍पुमिम कु सु़का डुङु़, मेराम हेल्‍लो वो कोरा मेसि। गो मेरामलाई ग्‍वाक्‍पुमिम कु मेसिपा त्‍वारो़म ग्‍वामु लागि गुगोडा हेल्‍लो लोवो पुट्‌पाम बाट्‌पा कु पुन्‍खोप खोम दु़म।”

यूहन्‍ना 6:54

सु़का आमा मिरो़म पु़, मा आमा सिसि डुङु़, मेरामनुङ मेसिपा त्‍वारो़म दु़म, मा हुक्‍पा थारीनेम गो मेरामलाई नु़बेट्‌पु।