रोमी 7:7 - थुलुङ राई

⁷ मेम माला गुइ हाम र्‍वामु? हाम डु़म्‍लाका ङा छु़ल रेड्‍डु़म मा? मेम ने मेएँ, डु़म्‍लाका ने आमा छु़लमिम रेम्‍बु़डु़। हेङालोने डु़म्‍लाका, “गानी रारी बेसी मेनु़” र्‍वाक्‍साका मेसो़यु़वाम माला ने रारी बोमु जो़पा ल्‍वा मेएँ र्‍वाक्‍साका गो मेचक्‍पुवा ङा।

रोमी 7:7 Referans Kwoze

रोमी 3:20

डु़म्‍ला होम्‍साका दोपा मु़चु़ सु़ वो माम्‍चु़नीकु ङादोडा जो़पा मेदु़म, हेङालोने डु़म्‍लाका ने मु़चु़का बेम्‍डिम छु़ल रेम्‍बु़।

रोमी 4:15

डु़म्‍लाका र्‍वामिम मेथो़पामिमडला माम्‍चु़नीका छोक्‍चो हान्‍मी, मा डु़म्‍ला मेबायावाम माला ने छु़ल वो मेगक्‍सावा।

१ कोरिन्थी 15:56

सिमुलामका यु़म छु़ललाम ल्‍वासु़ मा छु़लका यु़म डु़म्‍लालाम ल्‍वासु़।

रोमी 13:9

“गाना नाम्‍सु़रु़ मेबे, मु़चु़ मेसेडा, मेखुया, रारी मेबे” कोङङा ने मेएँ, वाङ डु़म्‍लाका र्‍वाक्‍ताम खोत्‍ले ल्‍वा ने “गाना त्‍वापलाई होम्‍साका साउखोरेलाई रिखाम बे” र्‍वाक्‍मा ल्‍वागोडा बु।

रोमी 7:8

छु़लका खाप रेप्‍डु़मा गोलाई आमा नगोडा खोत्‍ले खालकाम रारी बेबेट्‌ङिडी। डु़म्‍ला मेबायावाम माला ने छु़ल सिडाम कोतिम ङा दु़म।

१ थेसलोनिकी 4:5

माम्‍चु़नीलाई मेछेपा थो़रमेलु़पामिम होङङा मेसेमनुङ छो़म अम-अम द्‌वाक्‍पा ननुङमा मेदु़म्‍नी।

रोमी 3:5

लावो गुइ बिमिम मेजो़पा खारीका माम्‍चु़नीलाई जो़पा ल्‍वासी माला गुइ हाम र्‍वामु मा? हाम माम्‍चु़नी गुइनुङ भुर्मु मेजो़पा मा? कोङनिम मु़चु़का आरेप्‍माम मिम्‍मी।

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

एफिसी 5:3

माम्‍चु़नीकु सेपा मु़चु़ दु़म्‍निमका गानी नाम्‍सु़रु़, रारी बेपा मा खोत्‍लेखालकाम मेसेपा ल्‍वाकु नङ वो मेरनी।

रोमी 7:13

मेम माला हाम आरेप्‍माम जो़पा डु़म्‍लाका गोलाई सेट्‌ङिडिम मा? मेरामका ने मेएँ, लावो छु़लका डे गोलाई ने सेट्‌ङिडिम सो़। छु़ल ने छु़लङा दु़म्‍नु़ र्‍वाक्‍साका छु़लका जो़पा डु़म्‍लालाम आमा न-गोडा सिमुलाम रेड्‍डु़। आरेसाका जो़पा डु़म्‍लाका र्‍वाक्‍ताम ल्‍वालामका छु़ल हेप्‍माम दु़म आच्‍छाङा रेम्‍बु़डु़।

रोमी 7:11

छु़लका डु़म्‍लागोडाम ल्‍वाकु खाप रेप्‍डु़मा गोलाई लु-फेले बु़डु़। आरेसाका गोलाई डु़म्‍लालाम सेट्‌ङिडी।

रोमी 7:5

गुइ कोबिलि इकीमा मिरो़मडाम बादीखाम होम्‍साका दोस्‍थाल्‍ली। मेम्‍लो डु़म्‍लाका इकीमा न होम्‍साका दोमु लागि गुइलाई कोमुमा छु़लथो़ लाम बबेसाका गुइगोडा सिमुलाम रेथाल्‍लु़।

रोमी 6:15

हाम गुइ डु़म्‍लाकु साखाम गोडा मेबुइ, लावो दिदामकु साखामगोडा बुइ र्‍वाक्‍साका गुइ छु़ल बोमु? आरेप्‍माम ने हेल्‍लो वो मेएँ।

रोमी 4:1

मेम माला इकीमा यहूदीमिमकाम ङाउ-खुउ अब्राहामकु दुथाम गुइ हाम र्‍वामु? गुका हाम ल्‍वास्‍तु़? थो़रलामका गु माम्‍चु़नीकु ङादोडा जो़पा न-गोकाम दु़स्‍ता।

थु़र्मा 20:33

गो सु़काम वो सो़ना, मतो नुङ ये-सेमकाम रारी मेबेउवा।

लूका 12:15

गुमीका मेसिन्‍डा खोम्‍सिक्‍पा मु़चु़मिमलाई र्‍वाम्‍डी, “गानी चङचङया बानी वो, खोलेम थोक रारी बोमुडाम वाङ बानी, हेङालोने हापा खाप्‍चीनुङमा मु़चु़ बु, लावो मेराम मु़चु़का त्‍वारो़म ने मेग्‍वाकु़।”

मत्ती 5:28

लावो गो गानीलाई र्‍वाङु, उहेम मु़चु़का कोङनिम मेसेमनुङ अम्‍पा नका रेप्‍डु़, मेरामका उ न-गोडा मे मेसेमनुङ ङादोङा नाम्‍सु़रु़ बु़।

लूका 20:16

गु रोमा मे बोम्‍था बेपा मु़चु़मिमलाई सेडु़मी, मा अङ्‍गूर ये कोङमीलाई ङा ग्‍वाकु़मी।” मु़चु़मिमका ओराम थो़म्‍डिमा र्‍वाम्‍डी, “आरेप्‍माम हेल्‍लो वो मेदु़म्‍नु़।”

रोमी 5:20

डु़म्‍ला रोक्‍ताम चङडा छु़ल बर्डा। छु़ल बर्तो लस्‍ता लोवो मेरामडाम हापा माम्‍चु़नीकु दिदाम बर्तो लस्‍ता।

हिब्रू 7:19

मोशाकु डु़म्‍लाका ने मु़चु़मिमलाई माम्‍चु़नीकु ङादोडा जो़पा बोमु मेचाप्‍सु़वा, लावो मेरामडाम हापा जो़पा ल्‍वा माम्‍चु़नीका ग्‍वानिनी र्‍वाम्‍डिम मेराम ल्‍वालामका गुइ माम्‍चु़नीकु फार्डा रोम्‍थिमु चाप्‍सी।