रोमी 7:25 - थुलुङ राई

²⁵ येशू ख्रीष्‍ट इकीमा ङाचो़लामका ङा माम्‍चु़नीलाई आला दु़म्‍नु़। मेम्‍मिमका गो आमा त्‍वाकु नका ने माम्‍चु़नीकु डु़म्‍लाकाम लाले पाङके बेउ, लावो आमा छु़ललाममिम बासी दोसी होम्‍साका आथावो गो दोङुम बुङु।

रोमी 7:25 Referans Kwoze

कलस्‍सी 3:17

जेमुडा लोवो खारी बोमुडा लोवो गानी हा-हाम बोनी ङाचो़ येशूकु नङडा ओर्मिम खोत्‍ले बेनी, मा गुमीलामका माम्‍चु़नी पापलाई आलासो़ ग्‍वाक्‍नी।

१ पत्रुस 2:5

गानीलाई वो माम्‍चु़नीका नु़पा लुङ होप्‍माम दु़म्‍बेसाका सो़रलोले दु़म्‍पा नेम बनेबोनिमी। गानी येशू ख्रीष्‍टलाम माम्‍चु़नीलाई गेर्सीबेट्‌पा उनीमा सेपा डु़म्‍लाचो़ बुनी।

१ कोरिन्थी 15:57

लावो माम्‍चु़नीलाई आलासो़ ग्‍वाकी, गुमीका गुइलाई इकी ङाचो़ येशू ख्रीष्‍टलामका घ्‍ल्‍वासी ग्‍वाक्‍सामी।

रोमी 6:17

गानी ङादो छु़लकु डु़ल्‍चो़ बान्‍नी। लावो ओम्‍लो ने गानी सीसिट्‌निमिम सीसि होङङा इनी त्‍वाकु न-गोलामका बेन्‍निमका माम्‍चु़नीलाई आलासो़।

रोमी 6:14

छु़लका गानीडला साखाम मेथो़डु़, हेङालोने गानी डु़म्‍लाकु साखामगोडा मेबुनी, गानी ने माम्‍चु़नीकु दिदामगोडा बुनी।

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

२ कोरिन्‍थी 9:15

र्‍वामुङा मेझापा हापा थिकु राप्‍लावाकाम लागि माम्‍चु़नीलाई आलासो़ दु़म्‍नु़।

मत्ती 1:21

गुका कोले तारापाचो़ कक्‍सु़, मा गाना उनीमा नङ येशू बाबेना, हेङालोने गुमीका उनी त्‍वाकु मु़चु़मिमलाई मेर्मिमकु छु़लमिमडाम सेल्‍मी।”

फिलिप्‍पी 4:6

हामकाम वो मिम्‍ताम-सो़र्ताम मेबेनी, लावो खोत्‍लेडा सो़म्‍दी नुङ येप्‍सीका मा गुमीलाई आलासो़ ग्‍वाक्‍तो माम्‍चु़नीकाडा गानी बिनी।

एफिसी 5:20

खोत्‍ले थोककाम लागि इकीमा ङाचो़ येशू ख्रीष्‍टकु नङडा माम्‍चु़नी पापलाई आलासो़ ग्‍वाक्‍नी।

रोमी 8:2

हेङालोने ख्रीष्‍ट येशूलाम त्‍वारो़म ल्‍वापा, माम्‍चु़नी-पेलकु डु़म्‍लाका छु़ल नुङ सिमुलाम रेट्‍पा डु़म्‍लाडाम गोलाई सेल्‍ङिडिमिम बु।