रोमी 7:24 - थुलुङ राई

²⁴ गो हाङको नाम्‍नाम्चो़ मु़चु़, ओराम सिमुलाम रेट्‍पा मिरो़मलाम गोलाई सु़का सेल्‍मु चाम्‍ङी?

रोमी 7:24 Referans Kwoze

रोमी 6:6

गुइ ओराम ल्‍वा चडिम बु, ङादोम छु़लका देम्‍पा इकीमा त्‍वारो़म पुयु़लुनु़ र्‍वाक्‍साका मेराम त्‍वारो़म येशू ख्रीष्‍टनुङङा क्रूसडा चेसिड्‍डाम बु। मेम्‍मिमका आथाडा आनो गुइ ने छु़लका बथाक्‍पा मेदु़म्‍सी।

२ तिमोथी 4:18

ङाचो़का गोलाई खोत्‍ले मेजो़पा ल्‍वालामका गेङिमी, मा गुमीका उनीमा पाह्रीलाम किब्‍दीकाम लागि गोलाई बोङिमी-थार्ङिमी। हेल्‍लो लोवो उनीमा यु़म झ्‍वानु़म बुनु़! आमेन।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

रोमी 8:2

हेङालोने ख्रीष्‍ट येशूलाम त्‍वारो़म ल्‍वापा, माम्‍चु़नी-पेलकु डु़म्‍लाका छु़ल नुङ सिमुलाम रेट्‍पा डु़म्‍लाडाम गोलाई सेल्‍ङिडिमिम बु।

रेम्‍बेट्‌मिडिम ल्‍वा 21:4

गुमीका मेर्मिम खोत्‍लेकाम मिक्‍सीडाम प्‍ल बम्‍सामी। मेर्मिम आथा ने मेसिमी, मेख्राम्‍मी मेदुमी मा उनी थो़म्‍बोक ख्‍वाक्‍पा दु़खा मेदु़म, हेङालोने ङादोम ल्‍वामिम दाम्‍स्‍ल्‍याड्‌डाम बु।”

हिब्रू 2:15

मा साम बुमिमसम्‍म सिमुकु ङिमुगोयु़ बाट्‌पा मु़चु़मिमलाई येशूका सेल्‍मी।

रोमी 8:26

गुइ याक्‍के थो़रनुङमा दु़म्‍सिमिम थारीका माम्‍चु़नी-पेलका ख्‍लो़सामी। हेसाका सो़म्‍दी बोमु बासिक्‍पा मेराम गुइ मेचमिम थारीका माम्‍चु़नी-पेल त्‍वाकाङा सो़मुङा मेयु़ट्‍पा बेसाका सो़म्‍दी बोमु ख्‍लो़सामी।

रोमी 8:13

हेङालोने इनीमा नसीहोमका दोनी माला गानी सिनी। लावो माम्‍चु़नी-पेलकु यु़मका इनीमा मिरो़मडाम बादु़खाम पार्नी माला गानी त्‍वारो़म ल्‍वानी,

लूका 4:18

“‘मिप्रङमाकु पेलका गोलाई लु़ट्‌ङिडिमिम बु, मेम्‍साका उनी हाम वो मेबाट्‌पामिमलाई गो जो़पा-सेला थो़बेट्‌पुमी, मा शैतानका बथाडु़मिम मु़चु़मिम मेलामका वाङ दु़म्‍मी। मेम्‍मा मिक्‍सीका मेल्‍वापामिमकाम उनी मिक्‍सी ह्‌वासी, मा दु़खाडा बाट्‌पामिम मेलामका वाङ दु़म्‍मी,

कलस्‍सी 2:11

गानी ख्रीष्‍टनुङ दु़म्मु ने आच्‍छाङा क्रिप्‍सी दु़म्मु ङा सो़। मु़चु़लाम मिरो़मडा दु़म्डिम खिरिरि क्रिप्‍सी मेएँ, लावो गानीलाई ख्रीष्‍टलाम क्रिप्‍सी दु़म्निम बु। ओराम क्रिप्‍सी ने इनीमा छु़ल बेपा न नुङ छु़लकु यु़मलामका सेल्सिमु ल्वामु सो़।

मत्ती 5:6

माम्‍चु़नीकु जो़पा खारीकाम लागि क्रु़म-कोरा सिपामिम जिनुङमा सो़, हेङालोने माम्‍चु़नीका मेर्मिमकु गो तिम्‍सिबेट्‌मी।

मत्ती 5:4

न-गोडा ख्रापामिम जिनुङमा सो़, हेङालोने माम्‍चु़नीका मेर्मिमकु न-भ्रसिबेन्मी।

रोमी 8:23

प्रङसिट्‍पा कोङङा मेएँ, माम्‍चु़नी-पेलका चङडा रेट्‍पा न भ्रसी ल्‍वामु लागि गुइ वो नगोनो दु़खा इम्‍तोङा बिइ। इकीमा माम्‍चु़नीका उनीमा त्‍वाकु तारापाचो़ दु़म्‍बेसामी मा इकीमा मिरो़म पुयु़लुमुलाम सेल्‍सामिनु़ र्‍वाक्‍साका गुइ लथाडी।