रोमी 7:21 - थुलुङ राई

²¹ मेम्‍मिमका जो़पा खारी बोमु न बेत्तो-बेत्तोङा वो मेजो़पा खारी गोनुङङा दु़म। गोनुङङा दु़म्‍पा मेराम ल्‍वाकाङा आमा त्‍वारो़मडा खारी बु़डु़म गो लु़लेट्‍पु।

रोमी 7:21 Referans Kwoze

रोमी 7:23

लावो आमा अंगमिमडा कोङमी ल्‍वाकु यु़मका आमा न-गोडा बाट्‍पा यु़मनुङ क्‍वाल्‍बा बु़। मेम्‍मा नगोडा बाट्‍पा ओराम छु़लनुङमा यु़मका गोलाई बन्‍थाङी।

हिब्रू 2:17

मेम्‍मिमका खोत्‍ले ल्‍वाडा गुमी उनी त्‍वाकु मु़चु़मिम होप्‍मामङा दु़म्‍मु बास्‍ता। मेम्‍मा मु़चु़मिमका बेम्‍डिम छु़लकु दुथाम पाचो बिमु लागि माम्‍चु़नीकु ङादोडा गुमी न-थो़मनुङमा नुङ थो़रलु़इमिम डोक्‍पु डु़म्‍लाचो़ दु़म्‍मिडी।

रोमी 8:2

हेङालोने ख्रीष्‍ट येशूलाम त्‍वारो़म ल्‍वापा, माम्‍चु़नी-पेलकु डु़म्‍लाका छु़ल नुङ सिमुलाम रेट्‍पा डु़म्‍लाडाम गोलाई सेल्‍ङिडिमिम बु।

रोमी 6:14

छु़लका गानीडला साखाम मेथो़डु़, हेङालोने गानी डु़म्‍लाकु साखामगोडा मेबुनी, गानी ने माम्‍चु़नीकु दिदामगोडा बुनी।

रोमी 6:12

मेम्‍मिमका त्‍वाकु मिरो़म होम्‍साका दोमु मेबासिनु़ र्‍वाक्‍साका इनीमा सिपामा लक्‍पा मिरो़मका आथावो छु़ल बोमु मेग्‍वाक्‍नी।

२ पत्रुस 2:19

मेर्मिमका उनी त्‍वापङा त्‍वापलाई पुयु़लुबेट्‌पा बादु़खाम नुङ छु़ल गोडा बुमी लावो मु़चु़मिमलाई ने मेरामलामका वाङ बेपा याचे जेमी।

हिब्रू 4:15

इकीमा खोत्‍लेडाम डोक्‍पु ङाउ डु़म्‍लाचो़ इकी मेचाप्‍सीडा रेम्‍मु मेचाम्‍निनी र्‍वाक्‍पा मेबुमी। गुइ होम्‍साकाङा गुमी वो खोत्‍ले ल्‍वाडा न-छाम्‍ला सो़म्‍सिम्‍डिम बाइडा। लावो गुमीका ने छु़ल मेबेमिवा।

यूहन्‍ना 8:34

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, छु़ल बेपा खोत्‍ले मु़चु़ ने छु़लका र्‍वामिम होङ्‍ङा बेपा डु़ल्‍चो़ होप्‍माम सो़।

लूका 4:1

येशू माम्‍चु़नी-पेलका लु़न्‍सिम्‍डी, मा यर्दन ब्‍लोकुलामका ख्‍लोम्‍सिम्‍डी। मेकोतिमा माम्‍चु़नी-पेलका गुमीलाई र्‍याङगो-र्‍याङगोथो़ लम्‍डी,

रोमी 7:25

येशू ख्रीष्‍ट इकीमा ङाचो़लामका ङा माम्‍चु़नीलाई आला दु़म्‍नु़। मेम्‍मिमका गो आमा त्‍वाकु नका ने माम्‍चु़नीकु डु़म्‍लाकाम लाले पाङके बेउ, लावो आमा छु़ललाममिम बासी दोसी होम्‍साका आथावो गो दोङुम बुङु।