रोमी 7:18 - थुलुङ राई

¹⁸ आमा न-गोडा जो़पा ल्‍वा मिबु र्‍वाक्‍साका गो चक्‍पु, हेङालोने जो़पा खारी बोमु न बेउ लोवो गो बोमु मेचापु।

रोमी 7:18 Referans Kwoze

यूहन्‍ना 3:6

मु़चु़लामका मु़चु़ङा ग, लावो पेललामका त्‍वारो़म रो।

गलाती 5:17

हेङालोने न-गोडाम मेजो़पा नकु को-कोक्‍सी ने माम्‍चु़नी-पेलकु कोर्थो़लाम दु़म। मेम्‍मा माम्‍चु़नी-पेलका र्‍वामु माल्‍लु़म ने मेजो़पा नकु को-कोक्‍सीकु कोर्थो़लाम दु़म। ओर्चिप ल्‍वा कोले कोङमीकु कोर्थो़लाम दु़म्‍चिमका गानी बोमु माल्‍निमिम ल्‍वा दु़म्‍मु मेचाप्‍सु़।

रोमी 7:25

येशू ख्रीष्‍ट इकीमा ङाचो़लामका ङा माम्‍चु़नीलाई आला दु़म्‍नु़। मेम्‍मिमका गो आमा त्‍वाकु नका ने माम्‍चु़नीकु डु़म्‍लाकाम लाले पाङके बेउ, लावो आमा छु़ललाममिम बासी दोसी होम्‍साका आथावो गो दोङुम बुङु।

गलाती 5:24

येशू ख्रीष्‍टकु मु़चु़मिमका छु़लबेपा त्‍वाकु बादु़खाम नुङ मेम बोमुम बुमु माल्‍पा मेजो़पा न-गो ने क्रूसडा चेट्‌मिडिम बु।

फिलिप्‍पी 2:13

हेङालोने गानी गुमीलाई गेर्सिबेट्‌पा खारी बोमु चापा नुङ बोमु माल्‍पा दु़म्‍बेन्‍मु लागि माम्‍चु़नीकाङा गानीगोडा खारी बेत्तोङा लेन्‍मी।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

रोमी 7:19

गो जो़पा खारी बोमु न बेउ लोवो मेचापु, लावो गो बोमु न मेबेउमिम मेजो़पा खारी ङा बेउहोम बुङु।

रोमी 7:15

गो हाम बेत्तोङा बेउ मेराम त्‍वाकाङा मेचक्‍पु। हेङालोने गो हाम बोमु न बेउ मेराम ङा मेबेउ। लावो उहेम खारी घ्राम्‍सिङु मेरामङा बेउ।

मत्ती 15:19

हेङालोने न-गोलामकाङा मेजो़पा न, मु़चु़ सेट्‌पा, नाम्‍सु़रु़, वाङमी मेसेमनुङ अम्‍बाल्‍पा, खुपा, लिमा थेट्‌पा, मा डक्‍साका जेपा ल्‍वामिम लुमी।

१ पत्रुस 4:2

मेम्‍मा आथाडा आनो गु सु़म्‍दिसेरडाम मेजो़पा उ न होम्‍साका मेदो, लावो माम्‍चु़नीकु न होम्‍साका दो।

फिलिप्‍पी 3:12

ओर्मिम खोत्‍ले गो ल्‍वामु दु़म्‍तोम बु डे, जो़पा दु़म्‍मु दु़म्‍ङोडोम बु र्‍वाक्‍साका ने मेएँ, लावो मेर्मिम ल्‍वा जेन्‍मु लागि आमा सो हन, उहेम ल्‍वाकाम लागि ख्रीष्‍ट येशूका गोलाई जेट्‌ङिडिमी।

लूका 11:13

मेम्‍मिमका गानी छु़लचो़ बुनीमा वो इनी चो़मिमलाई जो़पा-जो़पा ल्‍वामिम ग्‍वामु थेनी माला पाह्रीलाम इनी माम्‍चु़नीका गुमीनुङ बिपा मु़चु़मिमलाई हाङको छो़म उनी-पेल ग्‍वामी।”

रोमी 13:14

मेम बोमु डिसाका जो़पा ये फम्‍सिक्‍मा होम्‍साका येशू ख्रीष्‍टकु जो़पा बासीदोसीडा लाम्‍दीइ। त्‍वाकु छु़लनुङमा मिरो़मडाम नसीहोमका मेदोसी।

रोमी 7:5

गुइ कोबिलि इकीमा मिरो़मडाम बादीखाम होम्‍साका दोस्‍थाल्‍ली। मेम्‍लो डु़म्‍लाका इकीमा न होम्‍साका दोमु लागि गुइलाई कोमुमा छु़लथो़ लाम बबेसाका गुइगोडा सिमुलाम रेथाल्‍लु़।