रोमी 7:15 - थुलुङ राई

¹⁵ गो हाम बेत्तोङा बेउ मेराम त्‍वाकाङा मेचक्‍पु। हेङालोने गो हाम बोमु न बेउ मेराम ङा मेबेउ। लावो उहेम खारी घ्राम्‍सिङु मेरामङा बेउ।

रोमी 7:15 Referans Kwoze

गलाती 5:17

हेङालोने न-गोडाम मेजो़पा नकु को-कोक्‍सी ने माम्‍चु़नी-पेलकु कोर्थो़लाम दु़म। मेम्‍मा माम्‍चु़नी-पेलका र्‍वामु माल्‍लु़म ने मेजो़पा नकु को-कोक्‍सीकु कोर्थो़लाम दु़म। ओर्चिप ल्‍वा कोले कोङमीकु कोर्थो़लाम दु़म्‍चिमका गानी बोमु माल्‍निमिम ल्‍वा दु़म्‍मु मेचाप्‍सु़।

याकूब 3:2

गुइ खोत्‍लेका हापा ल्‍वामिम ख्‍लो़डी। उहेमका गु जेमिम ल्‍वाडा मेख्‍लो़डु़ मेराम मु़चु़ जो़पा दु़म। मेप्‍माम मु़चु़का वाङमिम ल्‍वामिमडा वो मेख्‍लो़साका उ त्‍वापलाई जो़होमका जु़ल्‍मु चाप्‍सु़।

रोमी 12:9

मु़चु़कु मिक्‍सीलामडा रेम्‍बेपा रिखाम मेएँ लावो आच्‍छाङाकाम बेपा दु़म्‍नी। मेजो़पा ल्‍वा ङेट्‌निमा जो़पा ल्‍वा बेनिम बानी।

यहूदा 1:23

मु़चु़मिमलाई नियाकु मुड्‌डाम ख्‍लुक्‍साका सेल्‍नी। मु़चु़मिमडला न-थो़म रेम्‍बेनी, लावो छो़म चङको-चङकोका मेम बेनी। मेर्मिमकु छु़लका घ्राम्‍लु़पा दु़म्‍मुडाम वाङ बानी।

रोमी 14:22

मेम्‍मिमका पोमु-डुमुडा बाट्‍पा थो़र, गानी नुङ माम्‍चु़नीगोडा कोङङा जु़ल्‍नी। उहेम मु़चु़ उ त्‍वाकाङा जो़पा बु र्‍वाक्‍पा मिम्‍डु़म ल्‍वाका उ त्‍वापलाई मुमा मेबेडु़, मेराम मु़चु़ ने आलाकाम सो़।

२ तिमोथी 2:19

लावो माम्‍चु़नीकु सिजेम हेल्‍लो वो मेदोपा लुङडला गट्‌मा जग होप्‍माम बु, मा मेसिन्‍डा ओराम मिक्‍छे बु, “ङाचो़का त्‍वाकु मु़चु़मिमलाई छेमी, मा माम्‍चु़नीकु नङ रपामिम खोत्‍ले मेजो़पा खारी बोमुडाम वाङ बुमिनु़।”

हिब्रू 1:9

गानी मु़चु़मिमका जो़पा खारी बोमु द्‌वानी मा मेजो़पा खारी बोमु मेद्‌वानी। मेम्‍मिमका माम्‍चु़नी, इनी माम्‍चु़नीका गानीलाई इनी ङोप्‍सो़मिमडाम हापा डोक्‍पु मिम्‍साका गेर्सिबेट्‌नी।”

रोमी 7:16

आरेसाका गो बोमु न मेबेउमिम खारी बेउतो माला गो डु़म्‍ला जो़पाङा बु र्‍वाङु।

लूका 11:48

आरेसाका इनी ङाउ-खुउमिमका हाम बेम्‍डी गानी वो मेमङा बोमु बिन्‍सिनिमिमका इनी ङाउ-खुउमिमका हाम बेम्‍डिम बाइडा र्‍वाक्‍पा चनी। मेर्मिमका माम्‍चु़नीलाम-जेपामिमलाई सेट्‌मिडी, मा गानी ने माम्‍चु़नीलाम-जेपामिमकु सु़लु़म बनेबोन्‍सानिमी।

यूहन्‍ना 15:15

आथा ने गो गानीलाई डु़ल्‍चो़ मेर्‍वाङु, हेङालोने उमा नेमहपका हाम बु़, मेराम डु़ल्‍चो़का मेच। मेम मेर्‍वाक्‍साका गो गानीलाई ङोप्‍सो़नी र्‍वाङु, हेङालोने आमा पापलामका थो़उतोम खोत्‍ले ल्‍वा गानीनुङ सो़उतोम बु।