रोमी 7:14 - थुलुङ राई

¹⁴ डु़म्‍ला ने माम्‍चु़नी-पेलका ग्‍वाक्‍साड्‍डामिम जो़पा ल्‍वा र्‍वाक्‍साका गुइ चडिम बु। लावो गो ने आमा न-गो होम्‍साका दोपा छु़लका र्‍वामिम थो़पा मा डु़ल्‍चो़ होङङा छु़लडा भ्रेन्‍सिङडोम मु़चु़ सो़।

रोमी 7:14 Referans Kwoze

रोमी 7:18

आमा न-गोडा जो़पा ल्‍वा मिबु र्‍वाक्‍साका गो चक्‍पु, हेङालोने जो़पा खारी बोमु न बेउ लोवो गो बोमु मेचापु।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

मत्ती 5:28

लावो गो गानीलाई र्‍वाङु, उहेम मु़चु़का कोङनिम मेसेमनुङ अम्‍पा नका रेप्‍डु़, मेरामका उ न-गोडा मे मेसेमनुङ ङादोङा नाम्‍सु़रु़ बु़।

मत्ती 5:22

लावो गो गानीलाई र्‍वाङु, गानी कोङनिमनुङ छोक्‍चो बेन्‍नी माला देन्‍दे ल्‍वापा मु़चु़ दु़म्‍नी। कोङनिमलाई गानी ‘ओइबु’ र्‍वानी माला डोक्‍पु अदालतका गानीलाई देन्‍दे ग्‍वाक्‍पा मु़चु़ दु़म्‍नी। मेम्‍मा कोङनिमलाई गानी वाइतो बेट्‌नी माला खादीगोयु़म मुगोडा घ्रु़पा मु़चु़ दु़म्‍नी।

लूका 7:6

ओराम थो़म्‍डिमा येशू मेर्मिमनुङ लम्‍डी। कप्‍तानकु नेम फार्डा येशू रोम्‍फाम्‍डिलो गुका उ ङोप्‍सो़मिमलाई येशूनुङ आरे र्‍वाबेड्‌डा थु़र्सोड्‌डु़, “ङाचो़, आमा नेमडा रोमु लागि दु़खा मेल्‍वानी, हेङालोने गानीलाई आमा नेमडा येन्‍मुका घ्रेट्‌पा गो मेबुङु।

लूका 5:8

ओराम ल्‍वास्‍तु़मा सिमोन पत्रुसका येशूकु खेल चु़म्‍डु़मा र्‍वाक्‍ता, “ए ङाचो़, गो ने छु़लचो़ सो़। मेम्‍मिमका आमा फार्डा मेबानी।”

मत्ती 18:25

लावो मेरामका जेर सोमु मेचाप्‍सु़वा। मेम्‍मिमका हपका मेरामलाई उ त्‍वाप, उ नाइमे, उ चो़मिम, गुनुङ बाट्‌पा खोत्‍ले भ्रेडामा ग्‍वाक्‍ङी बु़डु़।

मत्ती 16:23

पत्रुसथो़ ख्‍लोम्‍सिम्‍डी, मा येशूका र्‍वाम्‍डी, “शैतानका बु़मिम होङङा बोमु डिडा। माम्‍चु़नीकु न होङङा बोमु गाना गोलाई भोम्‍मु माल्‍ङिमिम बु। हेङालोने माम्‍चु़नीका मिम्‍मिमिम होङङा गाना मेमिम्‍ना, मु़चु़का मिम्‍मिमिम होङङा मिम्‍ना।”

हिब्रू 4:12

माम्‍चु़नीकु सिजेम खारी बेपाम बाट्‌पा नुङ यु़मनुङमा बु मा निफिलाम फल्‍पा कातु़रु़डाम वो हापा हन्‍पा होप्‍माम बु। ओरामका गोनो सुकु़मा त्‍वारो़म नुङ पेललाई फ्‍वाकु़ची, मा सेर नुङ छिटलाई वाङ-वाङ बु़। माम्‍चु़नीकु सिजेमका मु़चु़मिमकु न-गोडा बाट्‍पा ल्‍वा नुङ हाम हुम बेपा नकु दुथाम छाम्‍डु़।

रोमी 3:9

मेम माला गुइ यहूदीमिम वाङमिमडाम जो़पा बुइ मा? मेम ने मेएँ, हेङालोने यहूदी नुङ वाङसामा खोत्‍लेङा छु़लका हुप्‍डु़मिम बु र्‍वाक्‍साका ङादोङा गो रेम्‍बोमु दु़म्‍तोम बु।

रोमी 6:6

गुइ ओराम ल्‍वा चडिम बु, ङादोम छु़लका देम्‍पा इकीमा त्‍वारो़म पुयु़लुनु़ र्‍वाक्‍साका मेराम त्‍वारो़म येशू ख्रीष्‍टनुङङा क्रूसडा चेसिड्‍डाम बु। मेम्‍मिमका आथाडा आनो गुइ ने छु़लका बथाक्‍पा मेदु़म्‍सी।

गलाती 4:3

आरेसाकाङा गुइ वो चो़च्‍चो़ बाइडिम थारीका मु़चु़मिमलाई त्‍वाकु ल्‍वाडा जु़ल्‍पा सु़म्‍दिसेरडा सीसिमिमकु डु़ल्‍चो़ दु़स्‍तिम बाइडा।