रोमी 7:11 - थुलुङ राई

¹¹ छु़लका डु़म्‍लागोडाम ल्‍वाकु खाप रेप्‍डु़मा गोलाई लु-फेले बु़डु़। आरेसाका गोलाई डु़म्‍लालाम सेट्‌ङिडी।

रोमी 7:11 Referans Kwoze

रोमी 7:8

छु़लका खाप रेप्‍डु़मा गोलाई आमा नगोडा खोत्‍ले खालकाम रारी बेबेट्‌ङिडी। डु़म्‍ला मेबायावाम माला ने छु़ल सिडाम कोतिम ङा दु़म।

हिब्रू 3:13

हेल्‍लो लोवो गानी इनी त्‍वाप त्‍वापगोडा सो हन्‍बेबोमु बासी। मेम्‍मा “आनेप” र्‍वाकिमिम खोत्‍ले थारीसम्‍म गानी मेमङा बेनिम बानी। मेम मेबेनिवा माला गानीगोडाम कोङनिमका छु़लगोनो फोसो़ वाम्‍निमा लु़म्‍ला मेबेडिचो़ दु़म्‍बेनी।

याकूब 1:26

कोङ मु़चु़का उ त्‍वाप माम्‍चु़नीकु सो़रलोले जो़होमका बेपा मिम्‍सी, लावो उमा लेम जो़होमका मेजु़लु़ माला उमा त्‍वाकु नड्‌डा मेजो़पा मिम्‍सी मा ख्‍लो़डु़। मेरामका माम्‍चु़नीकु सो़रलोले जो़होमका बु़मिम ने हाम ना हामकाम दु़म।

याकूब 1:22

ओरामका र्‍वामिम होम्‍साका बेनी। सिजेम थो़पा कोङङा दु़म्‍साका नड्‍डा मेजो़पा मिम्‍निमा मेख्‍लो़ट्‌नी।

रोमी 7:13

मेम माला हाम आरेप्‍माम जो़पा डु़म्‍लाका गोलाई सेट्‌ङिडिम मा? मेरामका ने मेएँ, लावो छु़लका डे गोलाई ने सेट्‌ङिडिम सो़। छु़ल ने छु़लङा दु़म्‍नु़ र्‍वाक्‍साका छु़लका जो़पा डु़म्‍लालाम आमा न-गोडा सिमुलाम रेड्‍डु़। आरेसाका जो़पा डु़म्‍लाका र्‍वाक्‍ताम ल्‍वालामका छु़ल हेप्‍माम दु़म आच्‍छाङा रेम्‍बु़डु़।

एफिसी 4:22

मेम्‍मिमका लु-फेले बेसाका मेजो़पा दु़स्‍ताम ङादोम इनीमा बासी-दोसी नुङ इनी लाम्‍दीसी छा पार्नी।

रोमी 3:20

डु़म्‍ला होम्‍साका दोपा मु़चु़ सु़ वो माम्‍चु़नीकु ङादोडा जो़पा मेदु़म, हेङालोने डु़म्‍लाका ने मु़चु़का बेम्‍डिम छु़ल रेम्‍बु़।