रोमी 6:9 - थुलुङ राई

⁹ ख्रीष्‍ट सिमुलाम बम्‍गेम्‍डिम बु, मा गुमी हेल्‍लो वो मेसिमी र्‍वाक्‍पा ल्‍वा गुइ चडिम बु। मेम्मिमका आथाडा आनो गुमीलाई सिमुका घ्‍ल्‍वामु मेचाप्‍सु़।

रोमी 6:9 Referans Kwoze

रोमी 6:14

छु़लका गानीडला साखाम मेथो़डु़, हेङालोने गानी डु़म्‍लाकु साखामगोडा मेबुनी, गानी ने माम्‍चु़नीकु दिदामगोडा बुनी।

रेम्‍बेट्‌मिडिम ल्‍वा 1:18

नु़पा ने गोङा सो़, गो सिङ्‌डोम बाइडा, लावो रेप्‍नी, गो हेल्‍लो लोवो नु़ङुम बुङु। मेम्‍मा सिमुलाम नुङ सिपा मु़चु़मिम बाखोप खादी ल्‍वाडा बेपा चाबीमिम गोनुङ बु।

हिब्रू 7:25

मेम्‍मिमका गुमीडा थो़रलु़साका माम्‍चु़नीडा रोक्‍पामिमलाई गुमीका ओम्‍लो नुङ हेल्‍लो लोवो सेल्‍मी। हेङालोने मेर्मिमकाम लागि माम्‍चु़नीनुङ सो़म्‍दी बोम्‍सामु लागि हेल्‍लो लोवो गुमी दु़म्‍मी।

रोमी 5:14

आदम बाइडालो आथाम डु़म्‍ला र्‍याक्‍पा मोशासम्‍म सिमुका मु़चु़मिमडला साखाम थो़ड्‍डु़। मेर्मिमका बेम्‍डिम छु़ल आदमका माम्‍चु़नीका र्‍वाम्‍डिम मेथो़सु़वाम होप्‍माम मेएँ, लोवो मेर्मिम सिमु बास्‍ता। आदम ने रोक्‍पा येशू ख्रीष्‍टलाई रेम्‍बेट्‍पा मु़चु़ बाइडा।

हिब्रू 7:16

गुमीका उनीमा बेप-पापमिमकु डु़म्‍ला होम्‍साका डु़म्‍लाचो़ दु़म्‍मिडिम मेएँ, लावो हेल्‍लो वो मेसिपा त्‍वारो़मलाममिम यु़मका डु़म्‍लाचो़ दु़म्‍मिडिम सो़।

रोमी 6:4

गुइ वो गुमीनुङङा कु-रु़दु़मलाम सिसाका क्‍लु़म्‍सिड्‍डी, लोवो यु़मनुङमा माम्‍चु़नीका उनीमा यु़म-झ्‍वाक्‍सीलाम येशू ख्रीष्‍टलाई सिमुलाम फम्‍खेट्‌मिडी। मेम्‍साकाङा गुइ वो ख्रीष्‍टनुङङा लाले त्‍वारो़मडा लाम्‍दीइ।

रोमी 6:10

छु़लकाम लागि ख्रीष्‍ट कोखेप सिम्‍डिमका गुमीडला छु़लका घ्‍ल्‍वामु मेचाप्‍सु़। मेम्‍मा माम्‍चु़नीकाम लागि गुमी हेल्‍लो लोवो नु़पा दु़म्‍मिम बुमी।