7 हेङालोने उहेम सिडाम बु मेराम छु़ललामका सेल्सिड्डाम बु।
मेम्मिमका ख्रीष्टका उनी मिरो़मडा दु़खा ल्वाम्डी, गानी वो गुमी होप्मामङा दु़खा इम्मु नडा झो़म्जो़ल्सिट्नी। हेङालोने उहेमका मिरो़मडा दु़खा ल्वास्तु़म बु मेरामका छु़ल बोमु डिड्डु़म बु।
मेम्मिमका ख्रीष्ट येशूडा थो़रलु़पामिमलाई माम्चु़नीका देन्दे मेग्वामी।
आमा वा-ल्वाकनी, गानी वो ख्रीष्टकु मिरो़मनुङ डु़म्लाकाम लागि सिन्निम बु। मेम्मिमका जो़पा मा-के सिन्बेडिमिम होम्साकाङा माम्चु़नीकु जो़पा खारी बोमु चापा दु़म्मु लागि गुइ ने सिमुलाम बग्गेसाका त्वारो़म ल्वापानुङ कोले दु़म्सी।
डु़म्लाका र्वामिम होम्साका माला लालीकुन्दा बेपा कोङनिम मेसेम उमा वोचु़ बुमिमसम्म उमा ङा दु़म। लावो वोचु़ सिडा माला गु मेरामकाम ङा दु़म्मु बासी र्वाक्पा मेदु़म।
लावो गुइ ख्रीष्टनुङङा सिइडिम बु माला ने गुइ वो त्वारो़म ल्वासाका गुमीनुङङा दु़म्सी र्वाक्साका थो़र लु़इडिम बु।
मेम ने मेदु़म्नु़! गुइ छु़लकाम लागि सिइडिम बु, हाम आथावो गुइ छु़लङा बोमुम बुमु मा?
मिनीचो़ योक्ता, गुका पु़डु़-डुङडु़, मा खोत्लेका र्वाम्डी, ‘रेप्नी, पोम्सा, डु़सेवा मा कर फक्पा नुङ छु़लचो़मिमकु ङोप्सो़।’ लावो जो़पा नेप्ची बु र्वाक्पा उ खारीलामकाङा छे।”
