रोमी 6:6 - थुलुङ राई

⁶ गुइ ओराम ल्‍वा चडिम बु, ङादोम छु़लका देम्‍पा इकीमा त्‍वारो़म पुयु़लुनु़ र्‍वाक्‍साका मेराम त्‍वारो़म येशू ख्रीष्‍टनुङङा क्रूसडा चेसिड्‍डाम बु। मेम्‍मिमका आथाडा आनो गुइ ने छु़लका बथाक्‍पा मेदु़म्‍सी।

रोमी 6:6 Referans Kwoze

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

एफिसी 4:22

मेम्‍मिमका लु-फेले बेसाका मेजो़पा दु़स्‍ताम ङादोम इनीमा बासी-दोसी नुङ इनी लाम्‍दीसी छा पार्नी।

गलाती 5:24

येशू ख्रीष्‍टकु मु़चु़मिमका छु़लबेपा त्‍वाकु बादु़खाम नुङ मेम बोमुम बुमु माल्‍पा मेजो़पा न-गो ने क्रूसडा चेट्‌मिडिम बु।

गलाती 6:14

लावो गो ने वाङमिम ल्‍वाडा मेएँ, येशू ख्रीष्‍टकु क्रूसडा कोङङा आमा नो़ डोक्‍पु बेउ। उनीमा क्रूसलामङा आमा लागि सु़म्‍दिसेर सिडाम बु, मा सु़म्‍दिसेरकाम लागि गो सिङ्‌डोम बु।

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

रोमी 8:13

हेङालोने इनीमा नसीहोमका दोनी माला गानी सिनी। लावो माम्‍चु़नी-पेलकु यु़मका इनीमा मिरो़मडाम बादु़खाम पार्नी माला गानी त्‍वारो़म ल्‍वानी,

रोमी 6:22

आथा ने गानी छु़लडाम वाङ दु़म्‍निम बु मा माम्‍चु़नीकु डु़ल्‍चो़ दु़म्‍निम बु। ओरामका गानीलाई सेपा दु़म्‍बेनी मेम्‍मा हेल्‍लो वो मेसिपा त्‍वारो़म ल्‍वानी।

रोमी 6:12

मेम्‍मिमका त्‍वाकु मिरो़म होम्‍साका दोमु मेबासिनु़ र्‍वाक्‍साका इनीमा सिपामा लक्‍पा मिरो़मका आथावो छु़ल बोमु मेग्‍वाक्‍नी।

रोमी 7:14

डु़म्‍ला ने माम्‍चु़नी-पेलका ग्‍वाक्‍साड्‍डामिम जो़पा ल्‍वा र्‍वाक्‍साका गुइ चडिम बु। लावो गो ने आमा न-गो होम्‍साका दोपा छु़लका र्‍वामिम थो़पा मा डु़ल्‍चो़ होङङा छु़लडा भ्रेन्‍सिङडोम मु़चु़ सो़।

२ कोरिन्‍थी 5:14

ख्रीष्‍टकु रिखामका गुकुलाई ओराम खारी बेबेत्तिकिम सो़। खोत्‍ले मु़चु़मिमकाम लागि गुमी सिम्‍डी, मेम्‍मिमका गुइ खोत्‍ले गुमीनुङ सिइडिम र्‍वाक्‍साका गुइ चडिम बु।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।