रोमी 6:3 - थुलुङ राई

³ गुइ खोत्‍ले थो़रलु़पामिमका येशू ख्रीष्‍टडा कु-रु़दु़म रङ्‌डिम बु, मेम्‍मिमका गुमीनुङ कोले दु़म्‍साका गुइ वो सिइडी र्‍वाक्‍पा ल्‍वा हाम गानी मेचनी?

रोमी 6:3 Referans Kwoze

गलाती 3:27

हेङालोने गानी खोत्‍ले येशू ख्रीष्‍टडा थो़रलु़साका कु-रु़दु़म रन्‍निमका गानी लाले ये-सेमका ब्‍ल्‍वासिट्‌निम होप्‍माम ख्रीष्‍टडा लाले बासी दोसीनुङमा दु़म्‍निम बु।

रोमी 6:8

लावो गुइ ख्रीष्‍टनुङङा सिइडिम बु माला ने गुइ वो त्‍वारो़म ल्‍वासाका गुमीनुङङा दु़म्‍सी र्‍वाक्‍साका थो़र लु़इडिम बु।

१ कोरिन्थी 12:13

गुइ यहूदी लोवो ग्रीक लोवो, डु़ल्‍चो़ लोवो त्‍वाकु साखाम गोडा बाट्‍पा लोवो गुइ कोलेङा माम्‍चु़नी पेललामका कोले मिरो़मडा कु-रु़दु़म रङ्‌डिम बु। मेम्‍मा गुइ खोत्‍लेका कोलेङा माम्‍चु़नी-पेल ल्‍वास्‍तिम बु।

१ पत्रुस 3:21

मेराम कुका कु-रु़दु़म रेम्‍बु़, उहेमका गानीलाई सेल्‍नी। ओरामका मिरो़मडाम घ्राम्‍लु़पा तु़ पार्मा होप्‍माम मेएँ, लावो ननुङमाका माम्‍चु़नीडा याचे जेम्‍मा ल्‍वा सो़। ओरामका येशू ख्रीष्‍टकु सिमुलाम बग्‍गेसीलामका गानीलाई सेल्‍नी।

थु़र्मा 2:38

पत्रुसका मेर्मिमनुङ र्‍वाक्‍ता, “इनी छु़लमिम इनी नगोलामका ङा मिम्‍सिट्‌निमा ख्‍लोन्‍सिट्‌नी, मा इनी छु़ल हेम्‍मु येशू ख्रीष्‍टकु नङडा गानी खोत्‍लेका कु-रु़दु़म रनी। मेकोतिमा गानी राप्लावा ल्‍वानी, मेराम ने माम्‍चु़नी-पेल सो़।

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

याकूब 4:4

नाम्‍सु़रु़ बेपानी, सु़म्‍दिसेरनुङ ङोप्‍सो़बुङ दु़म्‍मु माम्‍चु़नीलाई नाप्‍छु़न्‍मु सो़ र्‍वाक्‍पा ल्‍वा गानी मेचनी? उहेमका सु़म्‍दिसेरनुङ ङोप्‍सो़बुङ दु़म्‍मु न बु़, मेराम माम्‍चु़नीकु स्वाक्‍चिमो मु़चु़ दु़म।

१ कोरिन्थी 9:13

सो़रनेमडा खारी बेपामिमका सो़रनेमलामका पोमु ल्‍वामी, मा सासेन्‍खोपडा लाले-पाङके बेपामिमका सासेन्‍खोपडा ग्‍वाक्‍मा ग्‍वा-ग्‍वालाममिम दो़दो़वा ल्‍वामी र्‍वाक्‍पा हाम गानी मेचनी?

रोमी 7:1

वा-ल्‍वाकनी, गो ओराम ल्‍वा डु़म्‍ला थेट्‍पामिमलाई र्‍वाक्‍तोङा बेउ। मु़चु़कु साम बुमिमसम्‍म कोङङा डु़म्‍ला दु़महोम बु र्‍वाक्‍पा गानी चनिम मिबु मा?

रोमी 6:16

गानी उहेमकु ल्‍वा थो़निमा मेराम होम्‍साका बोनी माला मेरामकु डु़ल्‍चो़ दु़म्‍नी। छु़लकु डु़ल्‍चो़ दु़म्‍निमा मेरामकु ल्‍वा थो़नी माला गानी सिनी, लावो माम्‍चु़नीका र्‍वामिमिम थो़नी माला गानी उनीमा ङादोडा जो़पा न-गोकाम दु़म्‍नी।

थु़र्मा 19:5

ओराम ल्‍वा थो़म्‍डिमा मेर्मिमका ङाचो़ येशूकु नङडा कु-रु़दु़म रम्‍डी।

१ कोरिन्थी 6:9

रु़चो़मिमका माम्‍चु़नीकु किब्‍दी मेल्‍वामी र्‍वाक्‍पा हाम गानी मेचनी? नेप्‍ची मान्‍थिम मेदु़म्‍नी। सु़नुङ लोवो अम्‍बाल्‍पामिम दु़म्‍नु़का, ङाटा सेव साट्‌पामिम, नाम्‍सु़रु़ बेपामिम, छो़लो़सापमिम, वोस्‍चो़का वोस्‍चो़नुङ अम्‍पामिम,

१ कोरिन्थी 5:6

गानी डोक्‍पु लिन्‍सिनिमिम ने जो़पा मेएँ। कतिकलङ लङखामका ङोल्‍मा फुला खोत्‍लेङा लङखामनुङमा दु़म्‍बेडु़ र्‍वाक्‍पा हाम गानी मेचनी?

थु़र्मा 8:16

मेर्मिमका येशू ख्रीष्‍टकु नङडा कु-रु़दु़म रम्‍डिम बाइडा, लावो मेर्मिम सु़काडा वो माम्‍चु़नी-पेल योम्‍डिम मेबायावा।

२ कोरिन्‍थी 13:5

गानी आच्‍छाङा थो़र लु़न्‍निम बु डे मेएँ र्‍वाक्‍साका इनी त्‍वाका त्‍वापलाई छाम्‍नी। येशू ख्रीष्‍ट गानीगोडा बुमी र्‍वाक्‍पा गानी आच्‍छाङा चनी। गुमी गानीगोडा मेबुमी माला गानी गुमीडा थो़र बोनी र्‍वाक्‍पा ल्‍वा आच्‍छाङा मेएँ।

१ कोरिन्थी 15:29

सिमुलाम मु़चु़मिम मेबम्‍गेमी माला सिपा मु़चु़मिमकाम लागि कु-रु़दु़म रम्‍माका हाम जो़पा दु़म मा? सिपा मु़चु़मिम मेबमी माला हेङा मु़चु़मिमका मेर्मिमकाम लागि कु-रु़दु़म रमी मा?

१ कोरिन्थी 3:16

गानी इनी त्‍वाप माम्‍चु़नीकु सो़रनेम सो़, मा माम्‍चु़नीकु पेल गानीगोडा बुमी र्‍वाक्‍पा हाम गानी मेचनी?

१ कोरिन्थी 6:19

इनी मिरो़म माम्‍चु़नी पेलकु सो़रनेम सो़, मेराम पेल गानीगोडा बुमी, मेराम माम्‍चु़नीलाम ल्‍वान्‍निम र्‍वाक्‍पा हाम गानी मेचनी? गानी इनी त्‍वाप ने इनी त्‍वाकामङा मेएँ।

१ कोरिन्थी 9:24

ओन्‍सीडा खोत्‍ले ओन्‍पामिम ओन्‍मी, लावो पुरस्‍कार ने कोलेका कोङङा ल्‍वासु़ र्‍वाक्‍पा हाम गानी मेचनी? मेम्मिमका पुरस्‍कार ल्‍वापा बेसाका गानी ओन्‍नी।

१ कोरिन्थी 10:2

आरेसाका मेर्मिम खोत्‍लेका मोशाकु चङचङ लाम्‍दिसाका खासे नुङ दिरिदिनडा कु-रु़दु़म रम्‍डी।